អន្តរជាតិ
ដូណាល់ ត្រាំ ចង់ឲ្យរុស្ស៊ីកាត់បន្ថយនុយក្លេអ៊ែរជាថ្នូរនឹងការលុបទណ្ឌកម្ម
×![]()
ដោយ: តន ចាន់រិទ្ធារ៉ា
ប្រធានាធិបតីជាប់ឆ្នោត ដូណាល់ ត្រាំ បានលើកលក្ខខណ្ឌទៅកាន់ប្រធានាធិបតីរុស្ស៊ី វ្ល៉ាឌីមៀ ពូទីន ក្នុងការលុបចោលទណ្ឌកម្មដែលដាក់លើរុស្ស៊ីដោយរដ្ឋបាលប្រធានាធិបតីចប់អាណត្តិ បារ៉ាក់ អូបាម៉ា ។ លោក ត្រាំ នឹងស្នើឲ្យរុស្ស៊ីដែលជាមហាអំណាចនុយក្លេអ៊ែរមួយដែរ កាត់បន្ថយចំនួនអាវុធនុយក្លេអ៊ែររបស់ខ្លួន ជាថ្នូរនឹងការលុបចោលទណ្ឌកម្មអាមេរិក។
ទណ្ឌកម្មដែលដាក់លើរុស្ស៊ីទាក់ទិននឹងការលេបយកតំបន់គ្រីមៀ ទំនងជានឹងត្រូវលុបចោលវិញនៅពេលខាងមុខ បន្ទាប់ពីប្រធានាធិបតីជាប់ឆ្នោត ដូណាល់ ត្រាំ បានដាក់លក្ខខណ្ឌឲ្យរុស្ស៊ីបន្ថយចំនួនអាវុធនុយក្លេអ៊ែរដែលរុស្ស៊ីមានក្នុងដៃ។ លោក ដូណាល់ ត្រាំ លើកឡើងពីលក្ខខណ្ឌនេះ នៅក្នុងកិច្ចសម្ភាសន៍ជាមួយសារព័ត៌មានអង់គ្លេស The Times of London ដែលត្រូវបានចេញផ្សាយនៅថ្ងៃទី១៥ ខែមករា។
ប្រធានាធិបតីជាប់ឆ្នោតរូបនេះ និយាយថា លោកនឹងដាក់សំណើលុបចោលទណ្ឌកម្មលើរុស្ស៊ីដែលភ្ជាប់តំបន់គ្រីមៀក្នុងឆ្នាំ២០១៤ ហើយត្រឡប់មកវិញ រុស្ស៊ីត្រូវព្រមព្រៀងកាត់បន្ថយសព្វាវុធនុយក្លេអ៊ែររបស់ខ្លួន។ បើទោះជាលោក ត្រាំ មិនទាន់កាន់តំណែងផ្លូវការក៏ដោយ សំណើនេះ ជាជំហានថ្មីមួយទៀតនៃការគ្រប់គ្រងអាវុធនុយក្លេអ៊ែរ ចាប់តាំងពីប្រធានាធិបតី បារ៉ាក់ អូបាម៉ា សម្រេចបានសន្ធិសញ្ញាកាត់បន្ថយអាវុធយុទ្ធសាស្ត្រជាមួយរុស្ស៊ីក្នុងឆ្នាំ២០១០ ។
លោក ត្រាំ បានប្រាប់សារព័ត៌មាន The Times of London ថា៖ «ពួកគេដាក់ទណ្ឌកម្មលើរុស្ស៊ី។ អ៊ីចឹងទេយើងត្រូវចាំមើលថា យើងអាចសម្រេចបានកិច្ចព្រមព្រៀងប្រសើរមួយជាមួយរុស្ស៊ីឬអត់។ ខ្ញុំគិតថា អាវុធនុយក្លេអ៊ែរ គួរត្រូវបានកាត់បន្ថយឲ្យបានច្រើន ហើយវាអាចជាផ្នែកមួយនៃកិច្ចព្រមព្រៀងរបស់យើង ដ្បិតរុស្ស៊ី កំពុងរងគ្រោះខ្លាំងដោយសារទណ្ឌកម្ម។ ដូច្នេះកិច្ចព្រមព្រៀងនេះ អាចនឹងលេចជារូបរាង ហើយគ្រប់គ្នានឹងទទួលបានប្រយោជន៍ពីវា»។
អាមេរិក និងរុស្ស៊ី ជាមហាអំណាចធំជាងគេពីររបស់ពិភពលោក។ ក្រុងវ៉ាស៊ិនតោន មានក្បាលគ្រាប់នុយក្លេអ៊ែរចំនួន១៣៦៧ ដែលពង្រាយហើយស្រេចលើមីស៊ីល និងយន្តហោះទម្លាក់គ្រាប់បែក។ ចំណែកឯរុស្ស៊ីវិញ មានក្បាលគ្រាប់នុយក្លេអ៊ែរច្រើនជាងអាមេរិក៤០០គ្រាប់ គឺមានដល់ទៅ១៧៩៦ ដែលពង្រាយជាស្រេចដូចអាមេរិកដែរ។ នេះបើយោងតាមការវាយតម្លៃដោយក្រសួងការបរទេសអាមេរិក។
តាមពិតទៅ វាអាចមិនមែនជារឿងចម្លែកឡើយដែលប្រធានាធិបតីជាប់ឆ្នោតអាមេរិក ចង់លុបចោលទណ្ឌកម្មដាក់លើរុស្ស៊ីនោះ។ លោក ប្រកាសជាច្រើនដងហើយថា លោក ចង់ស្ដារទំនាក់ទំនងជាមួយក្រុងមូស្គូឲ្យប្រសើរឡើងវិញ ប៉ុន្តែលោកក៏រងការរិះគន់ខ្លាំងលើរឿងនេះដែរ។ លើសពីនោះ លោកថែមទាំងគ្មានទំនុកចិត្តលើស្ថាប័នចារកម្មរបស់អាមេរិក ដែលរកឃើញថា រុស្ស៊ីលូកដៃចូលកិច្ចការបោះឆ្នោតអាមេរិកទៀតផង៕
ទណ្ឌកម្មដែលដាក់លើរុស្ស៊ីទាក់ទិននឹងការលេបយកតំបន់គ្រីមៀ ទំនងជានឹងត្រូវលុបចោលវិញនៅពេលខាងមុខ បន្ទាប់ពីប្រធានាធិបតីជាប់ឆ្នោត ដូណាល់ ត្រាំ បានដាក់លក្ខខណ្ឌឲ្យរុស្ស៊ីបន្ថយចំនួនអាវុធនុយក្លេអ៊ែរដែលរុស្ស៊ីមានក្នុងដៃ។ លោក ដូណាល់ ត្រាំ លើកឡើងពីលក្ខខណ្ឌនេះ នៅក្នុងកិច្ចសម្ភាសន៍ជាមួយសារព័ត៌មានអង់គ្លេស The Times of London ដែលត្រូវបានចេញផ្សាយនៅថ្ងៃទី១៥ ខែមករា។
ប្រធានាធិបតីជាប់ឆ្នោតរូបនេះ និយាយថា លោកនឹងដាក់សំណើលុបចោលទណ្ឌកម្មលើរុស្ស៊ីដែលភ្ជាប់តំបន់គ្រីមៀក្នុងឆ្នាំ២០១៤ ហើយត្រឡប់មកវិញ រុស្ស៊ីត្រូវព្រមព្រៀងកាត់បន្ថយសព្វាវុធនុយក្លេអ៊ែររបស់ខ្លួន។ បើទោះជាលោក ត្រាំ មិនទាន់កាន់តំណែងផ្លូវការក៏ដោយ សំណើនេះ ជាជំហានថ្មីមួយទៀតនៃការគ្រប់គ្រងអាវុធនុយក្លេអ៊ែរ ចាប់តាំងពីប្រធានាធិបតី បារ៉ាក់ អូបាម៉ា សម្រេចបានសន្ធិសញ្ញាកាត់បន្ថយអាវុធយុទ្ធសាស្ត្រជាមួយរុស្ស៊ីក្នុងឆ្នាំ២០១០ ។
លោក ត្រាំ បានប្រាប់សារព័ត៌មាន The Times of London ថា៖ «ពួកគេដាក់ទណ្ឌកម្មលើរុស្ស៊ី។ អ៊ីចឹងទេយើងត្រូវចាំមើលថា យើងអាចសម្រេចបានកិច្ចព្រមព្រៀងប្រសើរមួយជាមួយរុស្ស៊ីឬអត់។ ខ្ញុំគិតថា អាវុធនុយក្លេអ៊ែរ គួរត្រូវបានកាត់បន្ថយឲ្យបានច្រើន ហើយវាអាចជាផ្នែកមួយនៃកិច្ចព្រមព្រៀងរបស់យើង ដ្បិតរុស្ស៊ី កំពុងរងគ្រោះខ្លាំងដោយសារទណ្ឌកម្ម។ ដូច្នេះកិច្ចព្រមព្រៀងនេះ អាចនឹងលេចជារូបរាង ហើយគ្រប់គ្នានឹងទទួលបានប្រយោជន៍ពីវា»។
អាមេរិក និងរុស្ស៊ី ជាមហាអំណាចធំជាងគេពីររបស់ពិភពលោក។ ក្រុងវ៉ាស៊ិនតោន មានក្បាលគ្រាប់នុយក្លេអ៊ែរចំនួន១៣៦៧ ដែលពង្រាយហើយស្រេចលើមីស៊ីល និងយន្តហោះទម្លាក់គ្រាប់បែក។ ចំណែកឯរុស្ស៊ីវិញ មានក្បាលគ្រាប់នុយក្លេអ៊ែរច្រើនជាងអាមេរិក៤០០គ្រាប់ គឺមានដល់ទៅ១៧៩៦ ដែលពង្រាយជាស្រេចដូចអាមេរិកដែរ។ នេះបើយោងតាមការវាយតម្លៃដោយក្រសួងការបរទេសអាមេរិក។
តាមពិតទៅ វាអាចមិនមែនជារឿងចម្លែកឡើយដែលប្រធានាធិបតីជាប់ឆ្នោតអាមេរិក ចង់លុបចោលទណ្ឌកម្មដាក់លើរុស្ស៊ីនោះ។ លោក ប្រកាសជាច្រើនដងហើយថា លោក ចង់ស្ដារទំនាក់ទំនងជាមួយក្រុងមូស្គូឲ្យប្រសើរឡើងវិញ ប៉ុន្តែលោកក៏រងការរិះគន់ខ្លាំងលើរឿងនេះដែរ។ លើសពីនោះ លោកថែមទាំងគ្មានទំនុកចិត្តលើស្ថាប័នចារកម្មរបស់អាមេរិក ដែលរកឃើញថា រុស្ស៊ីលូកដៃចូលកិច្ចការបោះឆ្នោតអាមេរិកទៀតផង៕
Tag:
ដូណាល់ ត្រាំ
រុស្ស៊ី
អាមេរិក
នុយក្លេអ៊ែរ
© រក្សាសិទ្ធិដោយ thmeythmey.com
