អន្តរជាតិ
ម៉ាក្រុង ថ្កោលទោសសំណង់ខុសច្បាប់អ៊ីស្រាអែលនិងគាំទ្ររដ្ឋឯករាជ្យ «ប៉ាឡេស្ទីន»
×![]()
ប្រធានាធិបតីបារាំងលោក អេម៉ានុយអែល ម៉ាក្រុង បានថ្កោលទោសអ៊ីស្រាអែលដែលបន្តសាងសង់លំនៅដ្ឋានលើទឹកដីប៉ាឡេស្ទីន និងប្រកាសជំហរគាំទ្រដំណោះស្រាយរដ្ឋពីរដែលអាចជួបញ្ចប់ជម្លោះមជ្ឈិមបូព៌ាផង។ ម៉ាក្រុង បានលើកឡើងបែបនេះក្នុងជំនួបមួយជាមួយប្រធានាធិបតីប៉ាឡេស្ទីនលោក ម៉ាមូត អាបាស (Mahmoud Abbas) នាថ្ងៃពុធទី ៥ ខែកក្កដា។
ក្នុងជំនួបជាលើកដំបូងជាមួយប្រមុខអាជ្ញាធរប៉ាឡេស្ទីនលោក ម៉ាមូត អាបាស នៅវិមានអេលីហ្សេ (Elysee) នៅថ្ងៃពុធ ប្រធានាធិបតីបារាំង អេម៉ានុយអែល ម៉ាក្រុង បានថ្លែងថា លោកគាំទ្រពេញទំហឹងចំពោះដំណោះស្រាយរដ្ឋពីរ។ លោកក៏ថ្កោលទោសសំណង់ខុសច្បាប់របស់អ៊ីស្រាអែលលើទឹកដីប៉ាឡេស្ទីនដែរ។
យោងតាមទីភ្នាក់ងារព័ត៌មាន AFP បញ្ចេញយោបល់ជាសាធារណៈលើបញ្ហាជម្លោះអ៊ីស្រាអែល-ប៉ាឡេស្ទីន លោក ម៉ាក្រុង បានសង្កត់ធ្ងន់ថា បញ្ហាមជ្ឈិមបូព៌ាអាចបញ្ចប់ទៅរួច បើមាន
ដំណោះស្រាយទទួលស្គាល់ស្របច្បាប់នៃប្រជាជនប៉ាឡេស្ទីនដែលមានឯករាជ្យនិងអធិបតេយ្យពេញលេញ។ ស្របពេលដែលជាមួយគ្នានោះវាក៏រក្សាបាននូវសន្តិសុខរបស់អ៊ីស្រាអែលនោះ។
លោកបានបញ្ជាក់ដូច្នេះ៖«វាមិនមានដំណោះស្រាយឯណាទៀតប្រសើរជាងដំណោះស្រាយរដ្ឋពីរឡើយ។ ប៉ុន្តែបច្ចុប្បន្ននេះដំណោះស្រាយនេះស្ថិតក្រោមការគំរាមកំហែងខ្លាំង»។
ជម្លោះអ៊ីស្រាអែល និងប៉ាឡេស្ទីននៅតែស្មុគស្មាញពិបាករកដំណោះស្រាយបញ្ចប់បាន ហើយបញ្ហានេះកាន់តែស្មុគស្មាញពេលដែលការចរចាគ្នាបន្តជាប់គាំងមកដល់ឥឡូវនេះ។ កាលពីខែមិថុនាកន្លងទៅអង្គការសហប្រជាជាតិបានរាយការណ៍ថា អ៊ីស្រាអែលកាន់តែបង្កើនសកម្មភាពសាងសង់សំណង់លំនៅដ្ឋានលើទឹកដីប៉ាឡេស្ទីនកាន់តែច្រើនក្នុងរយៈពេលប៉ុន្មានខែចុងក្រោយ។ អ៊ីស្រាអែលមិនបានបញ្ឈប់សកម្មភាពរបស់ខ្លួនឡើយ ទោះបីជាអង្គការសហប្រជាជាតិបន្តទាមទារឲ្យខ្លួនបញ្ឈប់សកម្មភាពបំពានច្បាប់អន្តរជាតិក៏ដោយ។
ពាក់ព័ន្ធបញ្ហាសំណង់លំនៅដ្ឋានអ៊ីស្រាអែលនេះ ប្រមុខរដ្ឋបារាំងវ័យ៣៩ឆ្នាំនេះ បានបញ្ជាក់ជាថ្មីថា បារាំងនៅតែប្រឆាំងនិងថ្កោលទោសដាច់ខាតចំពោះរាល់ការបំពានច្បាប់អន្តរជាតិនេះ។លោក ម៉ាក្រុង បានបញ្ជាក់ដូច្នេះ៖«បារាំងនៅតែថ្កោលទោសរាល់ការបន្តសាងសង់លំនៅដ្ឋានដែលខុសច្បាប់អន្តរជាតិនៅលើទឹកដីប៉ាឡេស្ទីនដែលបច្ចុប្បន្ននេះសកម្មភាពនេះកើនឡើងកាន់តែខ្លាំងមិនធ្លាប់មានចាប់ពីដើមឆ្នាំមកនោះ»។
តាមពិតទៅ ជំនួបរវាងលោក ម៉ាក្រុង និងប្រមុខរដ្ឋប៉ាឡេស្ទីន កើតឡើងក្រោយពេលដែលប្រធានាធិបតីអាមេរិកលោក ដូណាល់ ត្រាំ បានទូរសព្ទទៅកាន់មេដឹកនាំអ៊ីស្រាអែលនិងប៉ាឡេស្ទីន ដោយលោកបានសន្យាជួយអ៊ីស្រាអែលសម្រេចបានកិច្ចព្រមព្រៀងសន្តិភាពជាមួយប៉ាឡេស្ទីននៅពេលខាងមុខផង។
ប៉ុន្តែគេមិនដឹងច្បាស់ថា លោក ដូណាល់ ត្រាំ នឹងមានយុទ្ធសាស្ត្របែបណាដើម្បីជួយឲ្យអ៊ីស្រាអែលនិងប៉ាឡេស្ទីនចូលតុចរចានិងសម្រេចកិច្ចព្រមព្រៀងសន្តិភាពរួមគ្នាផ្អែកលើក្របខណ្ឌនៃដំណោះស្រាយរដ្ឋពីរឡើយ។ មេដឹកនាំប៉ាឡេស្ទីនមានក្តីរំពឹងមុតមាំលើរដ្ឋបាលលោក ដូណាល់ ត្រាំ ប៉ុន្តែគ្រប់យ៉ាងស្ថិតនៅក្នុងស្ថានភាពស្រពេចស្រពិលនៅឡើយ។ កាលពីខែឧសភាកន្លងទៅ ពេលលោក ដូណាល់ ត្រាំ ទៅទស្សនកិច្ចនៅអ៊ីស្រាអែល លោកក៏មិនបានបញ្ជាក់សូម្បីតែបន្តិចពីដំណោះស្រាយរដ្ឋពីរ ដែលសហគមន៍អន្តរជាតិយកចិត្តទុកដាក់និងចង់ឲ្យកើតមានឡើយ៕
ក្នុងជំនួបជាលើកដំបូងជាមួយប្រមុខអាជ្ញាធរប៉ាឡេស្ទីនលោក ម៉ាមូត អាបាស នៅវិមានអេលីហ្សេ (Elysee) នៅថ្ងៃពុធ ប្រធានាធិបតីបារាំង អេម៉ានុយអែល ម៉ាក្រុង បានថ្លែងថា លោកគាំទ្រពេញទំហឹងចំពោះដំណោះស្រាយរដ្ឋពីរ។ លោកក៏ថ្កោលទោសសំណង់ខុសច្បាប់របស់អ៊ីស្រាអែលលើទឹកដីប៉ាឡេស្ទីនដែរ។
យោងតាមទីភ្នាក់ងារព័ត៌មាន AFP បញ្ចេញយោបល់ជាសាធារណៈលើបញ្ហាជម្លោះអ៊ីស្រាអែល-ប៉ាឡេស្ទីន លោក ម៉ាក្រុង បានសង្កត់ធ្ងន់ថា បញ្ហាមជ្ឈិមបូព៌ាអាចបញ្ចប់ទៅរួច បើមាន
ដំណោះស្រាយទទួលស្គាល់ស្របច្បាប់នៃប្រជាជនប៉ាឡេស្ទីនដែលមានឯករាជ្យនិងអធិបតេយ្យពេញលេញ។ ស្របពេលដែលជាមួយគ្នានោះវាក៏រក្សាបាននូវសន្តិសុខរបស់អ៊ីស្រាអែលនោះ។
លោកបានបញ្ជាក់ដូច្នេះ៖«វាមិនមានដំណោះស្រាយឯណាទៀតប្រសើរជាងដំណោះស្រាយរដ្ឋពីរឡើយ។ ប៉ុន្តែបច្ចុប្បន្ននេះដំណោះស្រាយនេះស្ថិតក្រោមការគំរាមកំហែងខ្លាំង»។
ជម្លោះអ៊ីស្រាអែល និងប៉ាឡេស្ទីននៅតែស្មុគស្មាញពិបាករកដំណោះស្រាយបញ្ចប់បាន ហើយបញ្ហានេះកាន់តែស្មុគស្មាញពេលដែលការចរចាគ្នាបន្តជាប់គាំងមកដល់ឥឡូវនេះ។ កាលពីខែមិថុនាកន្លងទៅអង្គការសហប្រជាជាតិបានរាយការណ៍ថា អ៊ីស្រាអែលកាន់តែបង្កើនសកម្មភាពសាងសង់សំណង់លំនៅដ្ឋានលើទឹកដីប៉ាឡេស្ទីនកាន់តែច្រើនក្នុងរយៈពេលប៉ុន្មានខែចុងក្រោយ។ អ៊ីស្រាអែលមិនបានបញ្ឈប់សកម្មភាពរបស់ខ្លួនឡើយ ទោះបីជាអង្គការសហប្រជាជាតិបន្តទាមទារឲ្យខ្លួនបញ្ឈប់សកម្មភាពបំពានច្បាប់អន្តរជាតិក៏ដោយ។
ពាក់ព័ន្ធបញ្ហាសំណង់លំនៅដ្ឋានអ៊ីស្រាអែលនេះ ប្រមុខរដ្ឋបារាំងវ័យ៣៩ឆ្នាំនេះ បានបញ្ជាក់ជាថ្មីថា បារាំងនៅតែប្រឆាំងនិងថ្កោលទោសដាច់ខាតចំពោះរាល់ការបំពានច្បាប់អន្តរជាតិនេះ។លោក ម៉ាក្រុង បានបញ្ជាក់ដូច្នេះ៖«បារាំងនៅតែថ្កោលទោសរាល់ការបន្តសាងសង់លំនៅដ្ឋានដែលខុសច្បាប់អន្តរជាតិនៅលើទឹកដីប៉ាឡេស្ទីនដែលបច្ចុប្បន្ននេះសកម្មភាពនេះកើនឡើងកាន់តែខ្លាំងមិនធ្លាប់មានចាប់ពីដើមឆ្នាំមកនោះ»។
តាមពិតទៅ ជំនួបរវាងលោក ម៉ាក្រុង និងប្រមុខរដ្ឋប៉ាឡេស្ទីន កើតឡើងក្រោយពេលដែលប្រធានាធិបតីអាមេរិកលោក ដូណាល់ ត្រាំ បានទូរសព្ទទៅកាន់មេដឹកនាំអ៊ីស្រាអែលនិងប៉ាឡេស្ទីន ដោយលោកបានសន្យាជួយអ៊ីស្រាអែលសម្រេចបានកិច្ចព្រមព្រៀងសន្តិភាពជាមួយប៉ាឡេស្ទីននៅពេលខាងមុខផង។
ប៉ុន្តែគេមិនដឹងច្បាស់ថា លោក ដូណាល់ ត្រាំ នឹងមានយុទ្ធសាស្ត្របែបណាដើម្បីជួយឲ្យអ៊ីស្រាអែលនិងប៉ាឡេស្ទីនចូលតុចរចានិងសម្រេចកិច្ចព្រមព្រៀងសន្តិភាពរួមគ្នាផ្អែកលើក្របខណ្ឌនៃដំណោះស្រាយរដ្ឋពីរឡើយ។ មេដឹកនាំប៉ាឡេស្ទីនមានក្តីរំពឹងមុតមាំលើរដ្ឋបាលលោក ដូណាល់ ត្រាំ ប៉ុន្តែគ្រប់យ៉ាងស្ថិតនៅក្នុងស្ថានភាពស្រពេចស្រពិលនៅឡើយ។ កាលពីខែឧសភាកន្លងទៅ ពេលលោក ដូណាល់ ត្រាំ ទៅទស្សនកិច្ចនៅអ៊ីស្រាអែល លោកក៏មិនបានបញ្ជាក់សូម្បីតែបន្តិចពីដំណោះស្រាយរដ្ឋពីរ ដែលសហគមន៍អន្តរជាតិយកចិត្តទុកដាក់និងចង់ឲ្យកើតមានឡើយ៕
Tag:
អេម៉ានុយអែល ម៉ាក្រុង
ម៉ាមូត អាបាស
អ៊ីស្រាអែល
© រក្សាសិទ្ធិដោយ thmeythmey.com
