ខ្មែរក្រហម
ជាតិ
សវនាការលើសំណុំរឿង០០២នឹងបន្តនៅសប្តាហ៍ក្រោយ
× បន្ទាប់ពីចេញសេចក្តីសម្រេចក្នុងការបំបែកសំណុំរឿង០០២ អង្គជំនុំជម្រះសាលាដំបូងនឹងបន្តសវនាការរបស់ខ្លួនលើសំណុំរឿង០០២ ក្នុងដំណាក់កាលទី១បន្តទៀត នៅសប្តាហ៍ក្រោយ ពោលគឺចាប់ពីថ្ងៃច័ន្ទទី៨ ខែមេសានេះ។
តាមព័ត៌មានចេញផ្សាយដោយសាលាក្តីខ្មែរក្រហមនៅក្នុងបណ្ដាញFacebookរបស់ខ្លួន សវនាការដែលចាប់ផ្ដើមពីថ្ងៃទី៨មេសាខាងមុខនេះ នឹងមានសាក្សីពីររូបត្រូវបានកោះអញ្ជើញអោយមកផ្តល់សក្ខីកម្មផងដែរ។
ប្រសិនបើនៅសល់ពេលវេលាខ្លះពីការស្តាប់សក្ខីកម្មរបស់សាក្សីទាំងពីរនាក់នោះ អង្គជំនុំជម្រះសាលាដំបូងក៏មានគម្រោងបើកសវនាការលើបណ្តឹងសុំនៅក្រៅឃុំរបស់ ខៀវ សំផននៅថ្ងៃទី១១ ខែមេសានេះផងដែរ។
ប៉ុន្តែបើមិនសល់ពេលទេនោះ សវនាការរឿង ខៀវ សំផន នឹងធ្វើនៅថ្ងៃសុក្រទី១២ ខែមេសាតាមកាលកំណត់៕
© រក្សាសិទ្ធិដោយ thmeythmey.com