ជាតិ
គ.ជ.ប មិនពិចារណាលើបញ្ជីឈ្មោះ CNRP សម្រាប់ការប្រជែងកៅអីព្រឹទ្ធសភាឡើយ រូបថត AFP
× ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីសម្រេច នៅថ្ងៃទី៦ ខែធ្នូ ដោយមិនឲ្យអតីតគណបក្សសង្គ្រោះជាតិ ចូលរួមប្រកួតប្រជែងក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី ដែលនឹងប្រព្រឹត្តទៅនៅថ្ងៃទី២៩ ខែកុម្ភា ឆ្នាំ២0១៨ នោះទេ។ មូលហេតុរបស់គ.ជ.ប គឺដោយសារតែគណបក្សសង្គ្រោះជាតិ ត្រូវបានតុលាការកំពូល រំលាយចោល និងត្រូវបានក្រសួងមហាផ្ទៃ លុបឈ្មោះចេញពីបញ្ជីហើយ។
សេចក្តីសម្រេចរបស់គ.ជ.ប បានបញ្ជាក់ត្រង់ប្រការ១ យ៉ាងដូច្នេះថា៖«មិនលើកមកពិនិត្យនូវ ពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងសមាជិកព្រឹទ្ធសភារបស់គណបក្សសង្គ្រោះជាតិ»។
ចំណែកឯ គណបក្សប្រជាជនកម្ពុជា បានចុះបញ្ជីរួចហើយ ហើយក៏ត្រូវបានគ.ជ.ប យល់ព្រមដែរ ដើម្បីឲ្យចូលរួមក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ នាពេលខាងមុខ៕
Tag:
CNRP
បោះឆ្នោតព្រឹទ្ធសភា
© រក្សាសិទ្ធិដោយ thmeythmey.com