កីឡាជាតិ
ជាតិ
ចៅក្រមកីឡាវាយកូនឃ្លីលើតុកម្រិតមូលដ្ឋាន៨រូបបានការទទួលស្គាល់ពីសហព័ន្ធអន្តរជាតិ
គ្រូឧទ្ទេសកញ្ញា Rachel Ramos (អាវខ្មៅ)ជាមួយអាជ្ញាកណ្តាលចៅក្រមដែលប្រឡងជាប់វគ្គបណ្តុះបណ្តាលអាជ្ញាកណ្តាលចៅក្រមកីឡាវាយកូនឃ្លីលើតុ
×![]()
អាជ្ញាកណ្តាលចៅក្រមកីឡាវាយកូនឃ្លីលើតុចំនួន៨រូបក្នុងចំណោម២៥រូបបានការទទួលស្គាល់ពីសហព័ន្ធកីឡាវាយកូនឃ្លីលើតុអន្តរជាតិ ក្រោយទទួលបានការបណ្តុះបណ្តាលវគ្គអាជ្ញាកណ្តាលចៅក្រមកម្រិតមូលដ្ឋានរយៈពេល៣ថ្ងៃនៅទីស្នាក់ការ NOCC។ អគ្គលេខាធិការស្តីទីសហព័ន្ធ បានចាត់ទុកសមិទ្ធផលនេះជាជោគជ័យមួយកម្រិតដែលមិននឹកស្មានដល់។
ក្រោយទទួលបានការបណ្តុះបណ្តាលវគ្គអាជ្ញាកណ្តាលចៅក្រមកម្រិតមូលដ្ឋានកីឡាវាយកូនឃ្លីលើតុមានតែអាជ្ញាកណ្តាលចៅក្រម៨រូបប៉ុណ្ណោះ ដែលប្រឡងជាប់និងបានការទទួលស្គាល់ពីសហកីឡាវាយកូនឃ្លីលើតុអន្តរជាតិ។ វគ្គបណ្តុះបណ្តាលដែលរៀបចំពីថ្ងៃទី១៩ ដល់ថ្ងៃទី២១ មករា មានសិក្ខកាមចំនួន២៥រូបចូលរួម។ សិក្ខាកាមទាំងនេះទទួលបានបណ្តុះបណ្តាលទាំងទ្រឹស្តី និងការអនុវត្តក្រោមបទបង្ហាញរបស់គ្រូឧទ្ទេសជនជាតិហ្វីលីពីនកញ្ញា Rachel Ramos មកពីសហព័ន្ធកីឡាវាយកូនឃ្លីលើតុអន្តរជាតិ ដែលមានសញ្ញាបត្រកម្រិតខ្ពស់បំផុត Blue Badge។
អគ្គលេខាធិការស្តីទីសហព័ន្ធកីឡាវាយកូនឃ្លីលើតុកម្ពុជាលោក ប៊ុយ សោភ័ណ្ឌ បានចាត់ទុកការប្រឡងជាប់សញ្ញាបត្រកម្រិតមូលដ្ឋានរបស់ចៅក្រមទាំង៨ជាជោគជ័យមួយកម្រិតរបស់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣។ «សមិទ្ធផលនេះជាជោគជ័យដ៏មិននឹកស្មានមួយ ព្រោះសិក្ខាកាមទាំងអស់សុទ្ធសឹងមិនធ្លាប់ចូលរួមវគ្គបណ្តុះបណ្តាលនេះពីមុន ដោយពួកគាត់ភាគច្រើនអនុវត្តជាក់ស្តែងតែមិនដឹងពីច្បាប់ និងបទបញ្ជាការប្រកួត»។ នេះជាការវាយតម្លៃរបស់លោក ប៊ុយ សោភ័ណ្ឌ។
ជាមួយគ្នានេះ គ្រូឧទ្ទេសហ្វីលីពីនកញ្ញា Rachel Ramos បានវាយតម្លៃខ្ពស់ចំពោះការយកចិត្តទុកដាក់សិក្សារបស់សិក្ខាកាមនៃវគ្គបណ្តុះបណ្តាលនេះ។ ហើយកញ្ញារំពឹងថា សិក្ខាកាមទាំងនេះនឹងយកចំណេះដឹងដែលទទួលបានពីវគ្គនេះទៅអនុវត្តប្រកបដោយគុណភាពខ្ពស់ និងមានតម្លាភាព។ លើសពីនេះនាងសង្ឃឹមថា សិក្ខាកាមទាំងអស់យកបទពិសោធនេះទៅអភិវឌ្ឍន៍សមត្ថភាពបន្ថែម ដើម្បីឈានទៅប្រឡងសញ្ញាបត្រកម្រិតអន្តរជាតិ។
ក្រោយទទួលបានជោគជ័យសម្រាប់ការបណ្តុះបណ្តាលនៅលើកនេះ សហព័ន្ធគ្រោងរៀបចំវគ្គបណ្តុះបណ្តាលអាជ្ញាកណ្តាលចៅក្រមមួយវគ្គទៀតនាខែមីនា ខាងមុខនេះ។ លើសពីនេះ សហព័ន្ធក៏គ្រោងស្នើសហព័ន្ធកីឡាវាយកូនឃ្លីអន្តរជាតិរៀបចំវគ្គបណ្តុះបណ្តាល ដើម្បីប្រឡងចូលកម្រិតអន្តរជាតិផងដែរ។
សិក្ខាកាមទាំង៨រូបដែលប្រឡងជាប់សញ្ញាបត្រកម្រិតមូលដ្ឋានទាំងនោះរួមមាន លោក សឹង តុលា, ឃុន ផាន់និត, តេង សំណាង, ជា សុជាតិ, សារៈ ស៊ូព្រីង, ប៊ុន វិសាល, ហង្ស រ៉ាណាស្សា និងលោក ស្លឹក ឡយ៕
ក្រោយទទួលបានការបណ្តុះបណ្តាលវគ្គអាជ្ញាកណ្តាលចៅក្រមកម្រិតមូលដ្ឋានកីឡាវាយកូនឃ្លីលើតុមានតែអាជ្ញាកណ្តាលចៅក្រម៨រូបប៉ុណ្ណោះ ដែលប្រឡងជាប់និងបានការទទួលស្គាល់ពីសហកីឡាវាយកូនឃ្លីលើតុអន្តរជាតិ។ វគ្គបណ្តុះបណ្តាលដែលរៀបចំពីថ្ងៃទី១៩ ដល់ថ្ងៃទី២១ មករា មានសិក្ខកាមចំនួន២៥រូបចូលរួម។ សិក្ខាកាមទាំងនេះទទួលបានបណ្តុះបណ្តាលទាំងទ្រឹស្តី និងការអនុវត្តក្រោមបទបង្ហាញរបស់គ្រូឧទ្ទេសជនជាតិហ្វីលីពីនកញ្ញា Rachel Ramos មកពីសហព័ន្ធកីឡាវាយកូនឃ្លីលើតុអន្តរជាតិ ដែលមានសញ្ញាបត្រកម្រិតខ្ពស់បំផុត Blue Badge។
អគ្គលេខាធិការស្តីទីសហព័ន្ធកីឡាវាយកូនឃ្លីលើតុកម្ពុជាលោក ប៊ុយ សោភ័ណ្ឌ បានចាត់ទុកការប្រឡងជាប់សញ្ញាបត្រកម្រិតមូលដ្ឋានរបស់ចៅក្រមទាំង៨ជាជោគជ័យមួយកម្រិតរបស់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣។ «សមិទ្ធផលនេះជាជោគជ័យដ៏មិននឹកស្មានមួយ ព្រោះសិក្ខាកាមទាំងអស់សុទ្ធសឹងមិនធ្លាប់ចូលរួមវគ្គបណ្តុះបណ្តាលនេះពីមុន ដោយពួកគាត់ភាគច្រើនអនុវត្តជាក់ស្តែងតែមិនដឹងពីច្បាប់ និងបទបញ្ជាការប្រកួត»។ នេះជាការវាយតម្លៃរបស់លោក ប៊ុយ សោភ័ណ្ឌ។
ជាមួយគ្នានេះ គ្រូឧទ្ទេសហ្វីលីពីនកញ្ញា Rachel Ramos បានវាយតម្លៃខ្ពស់ចំពោះការយកចិត្តទុកដាក់សិក្សារបស់សិក្ខាកាមនៃវគ្គបណ្តុះបណ្តាលនេះ។ ហើយកញ្ញារំពឹងថា សិក្ខាកាមទាំងនេះនឹងយកចំណេះដឹងដែលទទួលបានពីវគ្គនេះទៅអនុវត្តប្រកបដោយគុណភាពខ្ពស់ និងមានតម្លាភាព។ លើសពីនេះនាងសង្ឃឹមថា សិក្ខាកាមទាំងអស់យកបទពិសោធនេះទៅអភិវឌ្ឍន៍សមត្ថភាពបន្ថែម ដើម្បីឈានទៅប្រឡងសញ្ញាបត្រកម្រិតអន្តរជាតិ។
ក្រោយទទួលបានជោគជ័យសម្រាប់ការបណ្តុះបណ្តាលនៅលើកនេះ សហព័ន្ធគ្រោងរៀបចំវគ្គបណ្តុះបណ្តាលអាជ្ញាកណ្តាលចៅក្រមមួយវគ្គទៀតនាខែមីនា ខាងមុខនេះ។ លើសពីនេះ សហព័ន្ធក៏គ្រោងស្នើសហព័ន្ធកីឡាវាយកូនឃ្លីអន្តរជាតិរៀបចំវគ្គបណ្តុះបណ្តាល ដើម្បីប្រឡងចូលកម្រិតអន្តរជាតិផងដែរ។
សិក្ខាកាមទាំង៨រូបដែលប្រឡងជាប់សញ្ញាបត្រកម្រិតមូលដ្ឋានទាំងនោះរួមមាន លោក សឹង តុលា, ឃុន ផាន់និត, តេង សំណាង, ជា សុជាតិ, សារៈ ស៊ូព្រីង, ប៊ុន វិសាល, ហង្ស រ៉ាណាស្សា និងលោក ស្លឹក ឡយ៕
Tag:
វាយកូនឃ្លីតុ
ប៊ុយ សោភ័ណ្ឌ
© រក្សាសិទ្ធិដោយ thmeythmey.com
