ជាតិ
នយោបាយជាតិ
លោក សម រង្ស៊ី៖«ខ្ញុំ ត្រូវតែខិតខំ ដើម្បីឲ្យលោក កឹម សុខា រួចផុតពីពន្ធនាគារ»
លោក សម រង្ស៊ី និងលោក កឹម សុខា ស្ថាបនិកគណបក្សសង្គ្រោះជាតិ។ រូបភាពពីទំព័រហ្វេសបុក Sam Rainsy
×![]()
ដោយ: ថ្មីៗ
ភ្នំពេញ៖ លោក សម រង្ស៊ី នៅតែបង្ហាញពីភាពស្មោះស្ម័គ្រជាមួយលោក កឹម សុខា ដោយអះអាងថាពួកលោកទាំងពីរ គឺជាដៃគូស្លាប់រស់ ដោយមិនអាចបែកគ្នាបានឡើយ។ លោក សម រង្ស៊ី ដែលកំពុងនិរទេស ហាក់ចង់ផ្ញើសារថា លោក មិនដែលភ្លេចលោក កឹម សុខា ដែលកំពុងជាប់ឃុំក្នុងពន្ធនាគារនៅប្រទេសកម្ពុជានោះទេ។
ក្នុងពិធីប្រកាសសុពលភាពជាផ្លូវការនៃចលនាសង្គ្រោះជាតិ នាថ្ងៃទី២៩ ខែមករា ឆ្នាំ២0១៨ នៅរដ្ឋកាលីហ្វ័រញ៉ានៃសហរដ្ឋអាមេរិក លោក សម រង្ស៊ី បង្ហាញការប្តេជ្ញាចិត្តយ៉ាងដូច្នេះថា៖«ខ្ញុំត្រូវតែខិតខំឲ្យអស់ពីសមត្ថភាព ដើម្បីរំដោះលោក កឹម សុខា ពីពន្ធនាគារឲ្យបានឆាប់ជាទីបំផុត»។
ក្នុងពិធីនេះ លោក សម រង្ស៊ី ដែលបានទទួលការគាំទ្រឲ្យធ្វើជាប្រធានចលនាសង្គ្រោះជាតិ បានរៀបរាប់ជាច្រើនពីរឿងអកុសល ដែលកើតឡើងលើរូបលោក និងលោក កឹម សុខា រួមទាំងគណបក្សសង្គ្រោះជាតិ។ យ៉ាងណាក៏ដោយ លោក នៅតែមានជំនឿចិត្តថា គណបក្សសង្គ្រោះជាតិ នឹងអាចរស់ឡើងវិញ ហើយនឹងអាចដណ្តើមជ័យជម្នះក្នុងការបោះឆ្នោត នាឆ្នាំ២0១៨។ លោក បញ្ជាក់បែបនេះថា៖«ខ្ញុំសូមប្តេជ្ញាចិត្តរបស់ខ្ញុំថាឆ្នាំ២0១៨នេះ នឹងឃើញការផ្លាស់ប្តូរ ដែលប្រជារាស្ត្ររង់ចាំយូរណាស់មកហើយ»។
ថ្មីៗនេះ សាធារណជនមួយចំនួន បានកើតក្តីសង្ស័យតិចតួចថា ស្ថាបនិកគណបក្សសង្គ្រោះជាតិទាំងពីរ គឺលោក សម រង្ស៊ី និង លោក កឹម សុខា ទំនងជាបែកបាក់គ្នា។ ក្តីសង្ស័យនេះ កើតឡើងក្រោយពីលោក កឹម សុខា បានផ្តាំផ្ញើតាមមេធាវីពីពន្ធនាគារមកថា លោកមិនគាំទ្រចលនាសង្គ្រោះជាតិឡើយ។
ប៉ុន្តែ លោក សម រង្ស៊ី បែរជាបកស្រាយថា ដើម្បីសុវត្ថិភាពផ្ទាល់ខ្លួន ទើបលោក កឹម សុខា ដែលកំពុងស្ថិតក្នុងពន្ធនាគារនៅកម្ពុជា បង្ហាញបំណងក្លែងក្លាយ ដោយធ្វើជាប្រកាសមិនគាំទ្រចលនាសង្គ្រោះជាតិ។ ក្នុងន័យនេះ លោក សម រង្ស៊ី ទំនងជាចង់បញ្ជាក់ថា លោក កឹម សុខា ក៏គាំទ្រចលនាថ្មីនេះដែរ តែមិនហ៊ានប្រកាសត្រង់ៗ។ លោក បានសរសេរសារលើទំព័រហ្វេសបុកយ៉ាងដូច្នេះថា៖«បើលោក កឹម សុខា ប្រកាសគាំទ្រចលនាសង្គ្រោះជាតិ ច្បាស់ជាលោក ហ៊ុន សែន នឹងធ្វើបាបគាត់រឹតតែខ្លាំងបន្ថែមទៀត»។
ចំពោះមន្ត្រីជាន់ខ្ពស់របស់រដ្ឋាភិបាលកម្ពុជា និងគណបក្សកាន់អំណាច ចលនាសង្គ្រោះជាតិ គឺជាក្រុមឧទ្ទាម ដែលស្ថិតនៅក្រៅប្រព័ន្ធច្បាប់។ កងកម្លាំងប្រដាប់អាវុធនៅកម្ពុជា បានបង្ហាញការប្រុងប្រយ័ត្នជានិច្ច ចំពោះចលនាថ្មីរបស់ក្រុមអ្នកប្រឆាំងនេះ៕
ក្នុងពិធីប្រកាសសុពលភាពជាផ្លូវការនៃចលនាសង្គ្រោះជាតិ នាថ្ងៃទី២៩ ខែមករា ឆ្នាំ២0១៨ នៅរដ្ឋកាលីហ្វ័រញ៉ានៃសហរដ្ឋអាមេរិក លោក សម រង្ស៊ី បង្ហាញការប្តេជ្ញាចិត្តយ៉ាងដូច្នេះថា៖«ខ្ញុំត្រូវតែខិតខំឲ្យអស់ពីសមត្ថភាព ដើម្បីរំដោះលោក កឹម សុខា ពីពន្ធនាគារឲ្យបានឆាប់ជាទីបំផុត»។
ក្នុងពិធីនេះ លោក សម រង្ស៊ី ដែលបានទទួលការគាំទ្រឲ្យធ្វើជាប្រធានចលនាសង្គ្រោះជាតិ បានរៀបរាប់ជាច្រើនពីរឿងអកុសល ដែលកើតឡើងលើរូបលោក និងលោក កឹម សុខា រួមទាំងគណបក្សសង្គ្រោះជាតិ។ យ៉ាងណាក៏ដោយ លោក នៅតែមានជំនឿចិត្តថា គណបក្សសង្គ្រោះជាតិ នឹងអាចរស់ឡើងវិញ ហើយនឹងអាចដណ្តើមជ័យជម្នះក្នុងការបោះឆ្នោត នាឆ្នាំ២0១៨។ លោក បញ្ជាក់បែបនេះថា៖«ខ្ញុំសូមប្តេជ្ញាចិត្តរបស់ខ្ញុំថាឆ្នាំ២0១៨នេះ នឹងឃើញការផ្លាស់ប្តូរ ដែលប្រជារាស្ត្ររង់ចាំយូរណាស់មកហើយ»។
ថ្មីៗនេះ សាធារណជនមួយចំនួន បានកើតក្តីសង្ស័យតិចតួចថា ស្ថាបនិកគណបក្សសង្គ្រោះជាតិទាំងពីរ គឺលោក សម រង្ស៊ី និង លោក កឹម សុខា ទំនងជាបែកបាក់គ្នា។ ក្តីសង្ស័យនេះ កើតឡើងក្រោយពីលោក កឹម សុខា បានផ្តាំផ្ញើតាមមេធាវីពីពន្ធនាគារមកថា លោកមិនគាំទ្រចលនាសង្គ្រោះជាតិឡើយ។
ប៉ុន្តែ លោក សម រង្ស៊ី បែរជាបកស្រាយថា ដើម្បីសុវត្ថិភាពផ្ទាល់ខ្លួន ទើបលោក កឹម សុខា ដែលកំពុងស្ថិតក្នុងពន្ធនាគារនៅកម្ពុជា បង្ហាញបំណងក្លែងក្លាយ ដោយធ្វើជាប្រកាសមិនគាំទ្រចលនាសង្គ្រោះជាតិ។ ក្នុងន័យនេះ លោក សម រង្ស៊ី ទំនងជាចង់បញ្ជាក់ថា លោក កឹម សុខា ក៏គាំទ្រចលនាថ្មីនេះដែរ តែមិនហ៊ានប្រកាសត្រង់ៗ។ លោក បានសរសេរសារលើទំព័រហ្វេសបុកយ៉ាងដូច្នេះថា៖«បើលោក កឹម សុខា ប្រកាសគាំទ្រចលនាសង្គ្រោះជាតិ ច្បាស់ជាលោក ហ៊ុន សែន នឹងធ្វើបាបគាត់រឹតតែខ្លាំងបន្ថែមទៀត»។
ចំពោះមន្ត្រីជាន់ខ្ពស់របស់រដ្ឋាភិបាលកម្ពុជា និងគណបក្សកាន់អំណាច ចលនាសង្គ្រោះជាតិ គឺជាក្រុមឧទ្ទាម ដែលស្ថិតនៅក្រៅប្រព័ន្ធច្បាប់។ កងកម្លាំងប្រដាប់អាវុធនៅកម្ពុជា បានបង្ហាញការប្រុងប្រយ័ត្នជានិច្ច ចំពោះចលនាថ្មីរបស់ក្រុមអ្នកប្រឆាំងនេះ៕
Tag:
សម រង្ស៊ី
កឹម សុខា
© រក្សាសិទ្ធិដោយ thmeythmey.com
