សមាគមអ្នកនិពន្ធខ្មែរ បើកវគ្គបណ្ដុះបណ្ដាលតែងនិពន្ធដល់សាធារណជន

ជាតិ

សមាគមអ្នកនិពន្ធខ្មែរ បើកវគ្គបណ្ដុះបណ្ដាលតែងនិពន្ធដល់សាធារណជន

23, Feb 2018 , 7:59 am

រូបភាព

ដោយ: ថ្មីៗ

សមាគមអ្នកនិពន្ធខ្មែរ នឹងបើកវគ្គបណ្ដុះបណ្ដាលអ្នកនិពន្ធ ជំនាន់ទី៣២ ដល់សមាជិក និងសាធារណជនទាំងអស់ រយៈពេលប្រមាណ២ខែ ដែលនឹងចាប់ពីថ្ងៃទី៥ ខែមីនា ឆ្នាំ២០១៨តទៅ។ វគ្គបណ្ដុះបណ្ដាលនេះ ត្រូវបែងចែកជា២វេន សម្រាប់ថ្ងៃចន្ទ ដល់សុក្រ ត្រូវរៀនចាប់ពីម៉ោង៥ដល់ម៉ោង៧យប់ និងសម្រាប់ថ្ងៃសៅរ៍ រៀនពីម៉ោង៨ព្រឹក ដល់១២ថ្ងៃត្រង់ នៅសមាគមអ្នកនិពន្ធខ្មែរ ក្នុងបរិវេណវត្តបទុមវតី។

ប្រធានបទសំខាន់ៗ នៃវគ្គបណ្ដុះបណ្ដាលនេះ រួមមានទី១. ការសិក្សាអំពីសិល្ប៍វិធីតែងនិពន្ធប្រលោមលោក រឿងខ្លី កំណាព្យ និងទំនុកបទចម្រៀង។ ទី២. សារសំខាន់នៃអក្សរសាស្ត្រខ្មែរ ក្នុងកិច្ចការតែងនិពន្ធ ទី៣. ការស្វែងយល់ពីពិធីការខ្មែរ ក្នុងកិច្ចការតែងនិពន្ធ។ ទី៤. ក្រមសីលធម៌របស់អ្នកនិពន្ធ និងអ្នកបង្កើតស្នាដៃ។ ទី៥.ការបញ្ជ្រាបទស្សនវិជ្ជា ក្នុងស្នាដៃ។ ទី៦. វិធីសាស្ត្រក្នុងការសរសេរសេណារីយ៉ូភាពយន្ត រឿងខ្លី និងស្ប៉ត និងទី៧.វិធីសាស្ត្រក្នុងការសរសេរអត្ថបទវិទ្យា វណ្ណកថា និងសិក្សាកថា។

សាធារណជនដែលមានបំណងសិក្សាវគ្គបណ្ដុះបណ្ដាលនេះ អាចយកពាក្យស្នើសុំចូលរៀន ទៅដាក់នៅទីស្នាក់ការសមាគមអ្នកនិពន្ធខ្មែរ ដែលមានទីតាំងក្នុងបរិវេណវត្តបទុមវតី ឬផ្ញើទៅកាន់អ៊ីមែល ដែលមាន អាសយដ្ឋាន [email protected] ឬទាក់ទងតាមលេខទូរសព្ទ ០១១ ៩៥៩ ៩០២ និងលេខ ០៩២ ៧៨៨ ៩៩០៕