ជាតិ
សេដ្ឋកិច្ច
កម្ពុជា និងវៀតណាម ចុះកិច្ចព្រមព្រៀងស្ដីពីការចៀសវាងយកពន្ធត្រួតគ្នា ![](https://image.thmeythmey.com/pictures/2018/04/03/3420181950front.jpg)
×![]()
ភ្នំពេញ៖ រដ្ឋាភិបាលកម្ពុជា និងរដ្ឋាភិបាលសាធារណរដ្ឋសង្គមនិយមវៀតណាម បានចុះកិច្ចព្រមព្រៀងស្ដីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល នៅថ្ងៃទី៣១ខែមីនា។
កិច្ចព្រមព្រៀងនេះ ត្រូវបានចុះហត្ថលេខាដោយមន្ត្រីជាន់ខ្ពស់ និងក្រោមអធិបតីភាពនាយករដ្ឋមន្ត្រី នៃប្រទេសទាំងពីរ ក្នុងអំឡុងពេលកិច្ចប្រជុំកំពូលមហាអនុតំបន់មេគង្គលើកទី៦ និងកិច្ចប្រជុំកំពូលកម្ពុជា ឡាវ វៀតណាម លើកទី១០ស្ដីពីកិច្ចសហប្រតិបត្តិការអភិវឌ្ឍតំបន់ត្រីកោណ នាទីក្រុងហាណូយ។
នេះជាកិច្ចព្រមព្រៀងលើកទី៥ ដែលរដ្ឋាភិបាលកម្ពុជា បានចុះហត្ថលេខាជាមួយប្រទេសដៃគូ។ ក្រៅពីបានចុះហត្ថលេខាជាមួយប្រទេសវៀតណាម កម្ពុជាបានចុះហត្ថលេខាជាមួយប្រទេសសិង្ហបុរី ថៃ ដែលកិច្ចព្រមព្រៀងទាំងនេះកំពុងមានប្រសិទ្ធភាពអនុវត្ត។ ក្រៅពីនេះ កម្ពុជាបានបង្កើតកិច្ចព្រមព្រៀងប្រភេទនេះជាមួយប្រទេសចិន និងប្រទេសព្រុយណេ។
គួរបញ្ជាក់ថា ទំហំពាណិជ្ជកម្មទ្វេភាគីកម្ពុជា-វៀតណាម ក្នុងរយៈពេល១១ខែដើមឆ្នាំ២០១៧ សម្រេចបាន ៣៤៣៨លានដុល្លារអាមេរិក កើនឡើង ៣១,៥ភាគរយ បើធៀបនឹងរយៈពេលដូចគ្នាកាលពីឆ្នាំ២០១៦។ នេះបើតាមតួលេខដែលផ្សពផ្សាយដោយក្រសួងពាណិជ្ជម្ម៕
© រក្សាសិទ្ធិដោយ thmeythmey.com