ជាតិ
លោក ប៉ា ងួនទៀង និងលោកស្រី ចក់ សុភាព ស្ថិតក្នុងចំណោមមនុស្ស៨នាក់ ដែលត្រូវបានតុលាការកោះហៅទៅសួររឿងលោក កឹម សុខា។ រូបពីគណនីហ្វេសបុក Teang Pa
×![]()
ដោយ: ថ្មីៗ
មនុស្ស៨នាក់ផ្សេងទៀត ត្រូវបានលោក គី ឫទ្ធី ចៅក្រមស៊ើបសួរនៃសាលាដំបូងរាជធានីភ្នំពេញ ចេញដីកាបង្គាប់ឲ្យចូលបំភ្លឺក្នុងនាមជាសាក្សី ក្នុងសំណុំរឿងរបស់លោក កឹម សុខា អតីតប្រធានគណបក្សសង្គ្រោះជាតិ ដែលកំពុងជាប់ឃុំក្រោមការសង្ស័យថា បានប្រព្រឹត្តអំពើក្បត់ជាតិ ព្រោះតែគប់គិតជាមួយបរទេស ដើម្បីផ្តួលរំលំរដ្ឋាភិបាល។
បើតាមដីការបស់ចៅក្រមស៊ើបសួរ អ្នកទាំង៨នាក់នោះ រួមមាន អ្នកស្រី ចក់ សុភាព ជានាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា លោក ប៉ា ងួនទៀង ជានាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក សៀ ភារម្យ ជានាយកប្រតិបត្តិនៃអង្គការក្រុមការងារពិសេសសិទ្ធិលំនៅដ្ឋាន លោក មាស គឹមសេង ប្រធានសមាគមធាងត្នោត លោក កែវ រតនា ជាអ្នកធ្វើការក្នុងក្រុមហ៊ុនឯកជនមួយ លោក ខឿន វីរ៉ាត់ ជានិស្សិត និងលោក គ្រី សុង ជាកសិករ។
ដីកា បានកំណត់ឲ្យអ្នកទាំង៨នាក់ ចូលបំភ្លឺក្នុងខែមិថុនា ឆ្នាំ២០១៨ដូចគ្នា ដោយគ្រាន់តែខុសថ្ងៃប៉ុណ្ណោះ ពោលគឺលោក គ្រី សុង ត្រូវបំភ្លឺនៅថ្ងៃទី៥ លោក មាស គឹមសេង និងអ្នកស្រី ចក់ សុភាព ត្រូវបំភ្លឺនៅថ្ងៃទី៧ លោក ប៉ា ងួនទៀង ត្រូវបំភ្លឺនៅថ្ងៃទី៩ លោក សៀ ភារម្យ ត្រូវបំភ្លឺនៅថ្ងៃទី១២ លោក ហេង ពិសិដ្ឋ ត្រូវបំភ្លឺនៅថ្ងៃទី១៣ លោក កែវ រតនា ត្រូវបំភ្លឺនៅថ្ងៃទី១៥ និងលោក ខឿន វីរ៉ាត់ ត្រូវបំភ្លឺនៅថ្ងៃទី១៣។ ចៅក្រមស៊ើបសួរ បង្គាប់យ៉ាងដូច្នេះថា៖«សាមីខ្លួន ត្រូវអញ្ជើញតាមដីកាកោះនេះឲ្យទាន់ពេលវេលា»។
បច្ចុប្បន្ន សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក ចៅក្រមស៊ើបសួរ បានទៅសួរលោក កឹម សុខា ដល់ពន្ធនាគារត្រពាំងផ្លុវ ក្នុងខេត្តត្បូងឃ្មុំចំនួន៣លើករួចមកហើយ។
លោក កឹម សុខា ត្រូវបានសមត្ថកិច្ចចាប់ខ្លួនកាលពីអំឡុងខែកញ្ញា ឆ្នាំ២០១៧៕
បើតាមដីការបស់ចៅក្រមស៊ើបសួរ អ្នកទាំង៨នាក់នោះ រួមមាន អ្នកស្រី ចក់ សុភាព ជានាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា លោក ប៉ា ងួនទៀង ជានាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក សៀ ភារម្យ ជានាយកប្រតិបត្តិនៃអង្គការក្រុមការងារពិសេសសិទ្ធិលំនៅដ្ឋាន លោក មាស គឹមសេង ប្រធានសមាគមធាងត្នោត លោក កែវ រតនា ជាអ្នកធ្វើការក្នុងក្រុមហ៊ុនឯកជនមួយ លោក ខឿន វីរ៉ាត់ ជានិស្សិត និងលោក គ្រី សុង ជាកសិករ។
ដីកា បានកំណត់ឲ្យអ្នកទាំង៨នាក់ ចូលបំភ្លឺក្នុងខែមិថុនា ឆ្នាំ២០១៨ដូចគ្នា ដោយគ្រាន់តែខុសថ្ងៃប៉ុណ្ណោះ ពោលគឺលោក គ្រី សុង ត្រូវបំភ្លឺនៅថ្ងៃទី៥ លោក មាស គឹមសេង និងអ្នកស្រី ចក់ សុភាព ត្រូវបំភ្លឺនៅថ្ងៃទី៧ លោក ប៉ា ងួនទៀង ត្រូវបំភ្លឺនៅថ្ងៃទី៩ លោក សៀ ភារម្យ ត្រូវបំភ្លឺនៅថ្ងៃទី១២ លោក ហេង ពិសិដ្ឋ ត្រូវបំភ្លឺនៅថ្ងៃទី១៣ លោក កែវ រតនា ត្រូវបំភ្លឺនៅថ្ងៃទី១៥ និងលោក ខឿន វីរ៉ាត់ ត្រូវបំភ្លឺនៅថ្ងៃទី១៣។ ចៅក្រមស៊ើបសួរ បង្គាប់យ៉ាងដូច្នេះថា៖«សាមីខ្លួន ត្រូវអញ្ជើញតាមដីកាកោះនេះឲ្យទាន់ពេលវេលា»។
បច្ចុប្បន្ន សំណុំរឿងរបស់លោក កឹម សុខា កំពុងស្ថិតក្នុងដំណាក់កាលនៃការស៊ើបសួរ។ កន្លងមក ចៅក្រមស៊ើបសួរ បានទៅសួរលោក កឹម សុខា ដល់ពន្ធនាគារត្រពាំងផ្លុវ ក្នុងខេត្តត្បូងឃ្មុំចំនួន៣លើករួចមកហើយ។
លោក កឹម សុខា ត្រូវបានសមត្ថកិច្ចចាប់ខ្លួនកាលពីអំឡុងខែកញ្ញា ឆ្នាំ២០១៧៕
Tag:
កឹម សុខា
តុលាការ
© រក្សាសិទ្ធិដោយ thmeythmey.com
