អត្ថបទពាណិជ្ជកម្ម
គម្រោង«ទីក្រុងរំដួល»របស់ក្រុមហ៊ុន SRE Group បើកការដ្ឋានជាផ្លូវការ និងការចាប់ផ្តើមសម័យកាលរស់នៅបែបទីក្រុងភ្នំពេញ 2.0
×![]()
នៅថ្ងៃទី២៦ ខែធ្នូនេះ ក្រុមហ៊ុន SRE Group ដែលជាក្រុមហ៊ុនអភិវឌ្ឍអចលនទ្រព្យដ៏ធំមួយរបស់ចិន បានប្រារព្ធពិធីបើកការដ្ឋាន និងពិធីសម្ពោធមជ្ឈមណ្ឌលលក់ គម្រោងទីក្រុងរំដួល（ROMDUOL CITY）ដែលជាគម្រោងអគារពាណិជ្ជកម្មនិងលំនៅដ្ឋានលំដាប់ខ្ពស់ដំបូងគេបំផុត។ គម្រោងនេះ ត្រូវបានក្រុមហ៊ុនអភិវឌ្ឍន៍នៅក្នុងខណ្ឌសែនសុខ ដែលជាខណ្ឌដែលមានសក្តានុពលអភិវឌ្ឍន៍បំផុត ក្នុងរាជធានីភ្នំពេញ។
កសាងនាមប័ណ្ណរបស់ទីក្រុង
ប្រទេសកម្ពុជាគឺជាប្រទេសដ៏សំខាន់មួយនៅក្នុងគោលនយោបាយ«ខ្សែក្រវ៉ាត់មួយ វិថីមួយ» ហើយក៏ជាប្រទេសមួយ ដែលមានវប្បធម៌ និងអរិយ្យធម៌ដ៏ចំណាស់មួយផងដែរ។ ក្នុងនាមជាសមិទ្ធផលដំបូង សម្រាប់ក្រុមហ៊ុន SRE Group ក្នុងការឈានជើងចូលក្នុងប្រទេសកម្ពុជា ក៏ដូចជាចូលខ្លួនទៅក្នុងការអភិវឌ្ឍន៍វិស័យអចលទ្រព្យក្នុងប្រទេសកម្ពុជា ពិធីបើកការដ្ឋានគម្រោងទីក្រុងរំដួល(ROMDUOL CITY)នេះ ត្រូវបានប្រារព្ធធ្វើឡើង ទៅតាមប្រពៃណីទំនៀមទម្លាប់ព្រះពុទ្ធសាសនា ដោយបាននិមន្តព្រះសង្ឃមកសម្តែងធម្មទេសនា និងមានរបាំប្រពៃណីខ្មែរ ដើម្បីជាការជូនពរបួងសួងដល់គម្រោងថ្មីមួយនេះ។
នៅក្នុងពីធីបើកការដ្ឋាននេះដែរ លោក ឃួង ស្រេង អភិបាលរាជធានីភ្នំពេញ បានថ្លែងថា ទំនាក់ទំនងមិត្តភាពកម្ពុជា-ចិន មានប្រវត្តិតាំងពីយូរលង់ណាស់មកហើយ ។ ក្នុងឱកាស«ខួបអនុស្សាវរីយ៍លើកទី៦០ នៃការបង្កើតទំនាក់ទំនងការទូតរវាងកម្ពុជា-ចិន»ដ៏មានអត្ថន័យយ៉ាងជ្រាលជ្រៅនេះ គម្រោងទីក្រុងរំដួល ដែលក្រុមហ៊ុនSRE Group កំពុងអភិវឌ្ឍជាលើកដំបូងនៅរាជធានីភ្នំពេញ នឹងជួយរឹតបន្តឹងទំនាក់ទំនងសេដ្ឋកិច្ច និងពាណិជ្ជកម្មឈ្នះៗរបស់ភាគីទាំងពីរ ឲ្យកាន់តែរឹងមាំថែមទៀត។ នេះជាការបន្ថែមរបស់លោក ឃួង ស្រេង។
ទីក្រុងភ្នំពេញ គឺជារាជធានីរបស់ប្រទេសកម្ពុជា ហើយក៏ជាមជ្ឈមណ្ឌលនយោបាយ សេដ្ឋកិច្ច វប្បធម៌ ទេសចរណ៍ និងជាមជ្ឈមណ្ឌលនៃចរាចរណ៍ដឹកជញ្ជូនទូទាំងប្រទេស ហើយភ្នំពេញ ត្រូវបានធនាគារពិភពលោកវាយតម្លៃថា ជាទីក្រុងដែលរីកចម្រើនលឿនបំផុត ក្នុងចំណោមបណ្តាប្រទេសជាសមាជិកអាស៊ាន និងជាទីក្រុងអភិវឌ្ឍន៍លឿនបំផុត លំដាប់ទីបួន នៅទូទាំងសកលលោក។ លោក ឃួង ស្រេង លើកឡើងបន្តថា៖ «រាជធានីភ្នំពេញ កំពុងស្ថិតនៅក្នុងដំណាក់កាលអភិវឌ្ឍយ៉ាងឆាប់រហ័សថ្មីមួយ ហើយខណ្ឌសែនសុខដែលគម្រោងទីក្រុងរំដួលស្ថិតនៅនេះទៀតសោត គឺជាមជ្ឈមណ្ឌលវិទ្យាសាស្ត្រ ការអប់រំ វប្បធម៌ និងសុខាភិបាល នៃរាជធានីភ្នំពេញ ហើយក៏ជាតំបន់អភិវឌ្ឍស្នូល សម្រាប់ទីក្រុងភ្នំពេញនាពេលអនាគតផងដែរ»។
លោកអភិបាលរាជធានីភ្នំពេញ រំពឹងទុកថាគម្រោង«ទីក្រុងរំដួល»របស់ក្រុមហ៊ុន SRE Group ខិតខំរៀបចំផែនការ និងកសាងដោយយកចិត្តទុកដាក់បំផុតនេះ អាចលើកកម្ពស់ ដល់កម្រិតស្ថាបត្យកម្មទីក្រុង និងមុខមាត់រាជធានីភ្នំពេញ និងនាំមូលនូវថាមពលថ្មីៗបន្ថែម ដល់ការអភិវឌ្ឍន៍ទីក្រុង និងក្លាយទៅជានាមបណ្ណថ្មីមួយដែលស្តែងឲ្យឃើញពីភាពបើកចំហ ថាមពល និងភាពជាទីក្រុងអន្តរជាតិ របស់ទីក្រុងភ្នំពេញ។
បំពេញតម្រូវការក្នុងការលើកកម្ពស់កម្រិតលំនៅដ្ឋាន
បើនិយាយចំពោះក្រុមហ៊ុន SRE Group វិញ គម្រោងទីក្រុងរំដួលនេះ ក៏មានអត្ថន័យជ្រាលជ្រៅខ្លាំងដែរ។ ឆ្លងកាត់ការអភិវឌ្ឍន៍អស់កាលជាង២០ឆ្នាំមកនេះ ក្រុមហ៊ុន SRE Group បានប្រកាន់ខ្ជាប់នូវគោលគំនិត«ហិរញ្ញវត្ថុ+ផលិតកម្ម+អចលនទ្រព្យ» ជាគោលគំនិតរួមគ្នាក្នុងការអភិវឌ្ឍន៍ក្រុមហ៊ុន ដោយបានផ្តោតសំខាន់លើផ្នែកពីរសំខាន់ៗជាយុទ្ធសាស្ត្រ គឺការអភិវឌ្ឍន៍អចលនទ្រព្យ និងការវិនិយោគអចលនទ្រព្យ។ ក្រុមហ៊ុន បាននិងកំពុងខិតខំប្រឹងប្រែង ពង្រីកអាជីវកម្មរបស់ខ្លួននៅក្នុងទីក្រុងអន្តរជាតិសំខាន់ៗនៅទូទាំងសកលលោក ដូចជាទីក្រុងឡុងដ៍, ទីក្រុងសានហ្វ្រង់ស៊ីស្កូ, ទីក្រុងស៊ីដនី, ទីក្រុងហុងកុង, ទីក្រុងប៉េកាំង និងសៀងហៃជាដើម ដោយក្រុមហ៊ុន បានអភិវឌ្ឍន៍គម្រោងលំនៅដ្ឋានលំដាប់ខ្ពស់ចម្រុះ ជាច្រើនគម្រោងរួចមកហើយ។
ក្នុងពិធីបើកការដ្ឋានផ្លូវការនេះ លោក LIU FENG អគ្គនាយកក្រុមហ៊ុន SRE Group បានមានប្រសាសន៍ថា ក្រុមហ៊ុនតែងតែខិតខំប្រឹងប្រែង អនុវត្តតាមទិសដៅយុទ្ធសាស្ត្ររបស់រដ្ឋាភិបាលចិន ដើម្បីសម្រេចឲ្យបាន នូវការអភិវឌ្ឍន៍អាជីវកម្មទូទាំងសកលោករបស់ក្រុមហ៊ុន ហើយការចូលមកវិនិយោគក្នុងប្រទេសកម្ពុជាលើកនេះ ក៏ជាការឆ្លើយតបយ៉ាងសកម្ម ចំពោះគោលនយោបាយជាយុទ្ធសាស្ត្រ«ខ្សែក្រវ៉ាត់មួយ វិថីមួយ» របស់រដ្ឋាភិបាលចិនដែរ។ លោកបន្តថា សក្តានុពលភាពអភិវឌ្ឍន៍ នៃទីផ្សារអចលនទ្រព្យនៅក្នុងរាជធានីភ្នំពេញ និងអនានគតអភិវឌ្ឍន៍របស់ប្រទេសកម្ពុជា ដែលជាប្រទេសសេដ្ឋកិច្ចថ្មី នៅតំបន់អាស៊ីអាគ្នេយ៍ ក៏ជាមូលហេតុដែលទាក់ទាញក្រុមហ៊ុន SRE Group មកវិនិយោគនៅទីនេះដែរ។
គម្រោងទីក្រុងរំដួល មានទីតាំងនៅចន្លោះចំណុចកណ្តាលក្រុងភ្នំពេញ ពោលគឺនៅចន្លោះ អាកាសយានដ្ឋានអន្តរជាតិភ្នំពេញ និងតំបន់សេដ្ឋកិច្ចពិសេស និងសួនឧស្សាហកម្មធំជាងគេនៅក្នុងប្រទេសកម្ពុជា។ ហេតុនេះ វាស្ថិតនៅចំទីតាំងអភិវឌ្ឍបំផុតក្នុងទីក្រុង ដែលមិនត្រឹមតែប្រមូលផ្តុំនូវធនធានអប់រំ សុខាភិបាល ពាណិជ្ជកម្មនិងចរាចរណ៍ល្អបំផុតប៉ុណ្ណោះទេ វាថែមទាំងផ្ទុក នូវតម្រូវការលើកកម្ពស់កម្រិតលំនៅដ្ឋាន ដែលងាយស្រួលនឹងកើតមានឡើងជាទីបំផុត។
ប៉ុន្មានឆ្នាំថ្មីៗនេះ ដោយសារតែសេដ្ឋកិច្ចរាជធានីភ្នំពេញ មានការអភិវឌ្ឍន៍យ៉ាងឆាប់រហ័ស នាំឲ្យប្រជាជនជីវភាពមធ្យមមានការកើនឡើងជាលំដាប់ ហើយក៏បានទាក់ទាញធនធានមនុស្សចំណានៗពីបរទេស ឲ្យមកអភិវឌ្ឍ និងស្នាក់នៅក្នុងទីក្រុងភ្នំពេញ យ៉ាងច្រើនផងដែរ។ លោក LIU FENG បានមានប្រសាសន៍ទៀតថា ក្រុមហ៊ុន SRE Group មកវិនិយោគនៅទីនេះ គឺដើម្បីបំពេញតម្រូវការលំនៅដ្ឋានគុណភាពខ្ពស់ ដោយគ្រោងកសាងគម្រោងទីក្រុងរំដួល ឲ្យក្លាយជាសមិទ្ធផលមួយ ដែលប្រមូលផ្តុំនូវធនធានអភិវឌ្ឍន៍ និងបទពិសោធ ក្នុងការអភិវឌ្ឍន៍ ប្រតិបត្តិការ និងផលិតកម្មរបស់ក្រុមហ៊ុននៅទូទាំងសកលលោក ដើម្បីបំពេញនូវចន្លោះប្រហោង នៃគម្រោងអចនលទ្រព្យលំដាប់ខ្ពស់នៅទីក្រុងភ្នំពេញ។
ចាប់ផ្តើមសម័យកាលរស់នៅបែបទីក្រុងភ្នំពេញ2.0
គម្រោងទីក្រុងរំដួលត្រូវបានកំណត់ជា«សហគមន៍រស់នៅបែបអេកូឡូស៊ីអន្តរជាតិមួយ» ហើយគម្រោងនេះ នឹងត្រូវសាងសង់លើផ្ទៃដី16327ម៉ែត្រការ៉េ ដោយសាងសង់លំនៅដ្ឋានលំដាប់ខ្ពស់ចំនួន៤អគារ ផ្សារទំនើប និងចំណតរថយន្តចំនួន២ជាន់នៅខាងក្រោម។
បើនិយាយចំពោះទីក្រុងភ្នំពេញ ការរស់នៅបែបទីក្រុងភ្នំពេញ2.0 ដែលនឹងត្រូវចាប់ផ្តើមដោយគម្រោងទីក្រុងរំដួលនេះ គឺជាបដិវត្តមួយ ដែលប្រែក្លាយទ្រឹស្តីទៅជាការសាងសង់ពិតៗ៖ តាមរយៈផែនការសេវាកម្ម និងហេដ្ឋារចនាសម្ព័ន្ធទ្រទ្រង់ចម្រុះសម្បូរបែប ធ្វើឲ្យសំណង់អគារ ដែលដើមឡើយគ្រាន់តែជាទីកន្លែងស្នាក់នៅ បានប្រែខ្លួនក្លាយទៅជាទីកន្លែងដែលរួមបញ្ចូលនូវធាតុជាច្រើនផ្សេងៗគ្នា ដូចជារស់នៅ ថែទាំសុខភាព អេកូឡូស៊ី សម្រាកលំហែ ពាណិជ្ជកម្មជាដើម។ មានន័យថា វាគឺជាច្រកចេញចូលតែមួយ ដែលអាចបំពេញតម្រូវការរស់នៅ កម្សាន្ត ទិញទំនិញ សម្រាកទេសចរណ៍ និងទំនាក់ទំនងសង្គមអន្តរជាតិ របស់ក្រុមធនធានមនុស្សលំដាប់ខ្ពស់បាន។
អ្វីដែលកាន់តែពិសេសនោះគឺ គម្រោងទីក្រុងរំដួលនេះ បាននាំចូលមកនូវទ្រឹស្តី រចនា Modern Tropical ឈានមុនគេ របស់ក្រុមហ៊ុនសំណង់ និងរចនាស័ងវ៉ាន់សិង្ហបុរី។ គម្រោងនេះ ត្រូវបានរចនាដោយស្ថាបត្យករដ៏ល្បីល្បាញ លោក Matthew Hon ដោយរចនាកសាងនូវគំរូអគារទីក្រុង ដែលច្របាច់បញ្ចូលគ្នាយ៉ាងល្អឥតខ្ចោះ រវាងធាតុវប្បធម៌ក្នុងស្រុក ជាមួយនឹងបទពិសោធល្អឥតខ្ចោះលំដាប់អន្តរជាតិ។
យោងតាមការណែនាំពីលោក Matthew Hon គម្រោងទីក្រុងរំដួលនេះ បង្កប់នូវទ្រឹស្តីសហគមន៍រស់នៅ បែបសួនឧទ្យានបៃតងដ៏ធំ និងកម្រមួយ នៅក្នុងទីក្រុងភ្នំពេញ ដោយវាត្រូវបានរចនាឲ្យមានសួនអេកូឡូស៊ីបែបអាស៊ីបូព៌ា ច្របាច់បញ្ចូលគ្នាយ៉ាងល្អ នូវទេសភាពដើមត្នោត និងទឹកថ្លាឆ្វេង បង្កើតបានជាសួនឧទ្យានអេកូឡូស៊ីដ៏ស្រស់សោភា។ នៅក្នុងសួនឧទ្យាននេះ មានកសាងននូវកុមារដ្ឋាន តំបន់លេងទឹកសម្រាប់កុមារ អាងហែលទឹកខាងក្រៅ មជ្ឈមណ្ឌលស្ប៉ា សួនហាត់ប្រាណក្នុងទឹក តំបន់កម្មវិធីសម្រាកកម្សាន្តខាងក្រៅ ស្ថានីយ៍ពហុបំណង មជ្ឈមណ្ឌលអាហារនិងហេដ្ឋារចនាសម្ព័ន្ធទ្រទ្រង់ផ្សេងៗទៀត ដើម្បីបំពេញតម្រូវការរស់នៅរបស់អ្នករស់នៅគ្រប់វ័យ បង្កើតជារបៀបរស់នៅបែងភ្នំពេញមួយនៅក្នុងបរិយាកាសធម្មជាតិអេកូឡូស៊ី សម្រាប់ធនធានមនុស្សកំពូលៗទូទាំងសកលលោក៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
