អន្តរជាតិ
បញ្ហាអាកាសធាតុ៖ នាយករដ្ឋមន្ត្រីស្តីទីអូស្ត្រាលី ប្រាប់បាតុករឲ្យទៅដាំដើមឈើជាជាងតវ៉ាតាមផ្លូវ
រូបភាព AFP
×![]()
ដោយ៖ ឈួន ឈីវអ៊ីង
នាយករដ្ឋមន្ត្រីស្តីទីអូស្ត្រាលី លោក Michael McCormack បានច្រានចោលការតវ៉ារបស់ក្រុមបាតុករជាងម្ភៃម៉ឺននាក់ដែលទាមទារឲ្យរដ្ឋាភិបាលបង្កើនសកម្មភាពប្រឆាំងការប្រែប្រួលអាកាសធាតុ។ លោក McCormack បានហៅការប្រមូលផ្ដុំដ៏ធំនេះ ជារឿងគួរឲ្យអស់សំណើចណាស់ និងប្រាប់បាតុករឲ្យទៅដាំដើមឈើវិញ ព្រោះជួយបរិស្ថានជាង។
ប្រជាជនអូស្ត្រាលីជាង២០ម៉ឺននាក់ បានជួបជុំគ្នានៅតាមដងផ្លូវទូទាំងប្រទេសនៅកាលពីថ្ងៃទី២០ ខែកញ្ញាកន្លងទៅ ដើម្បីប្រឆាំងនឹងភាពអសកម្មរបស់រដ្ឋាភិបាលជុំវិញបញ្ហាបម្រែបម្រួលអាកាសធាតុ។ នេះបើយោងតាមសារព័ត៌មានក្នុងស្រុកអូស្ត្រាលីដែលផ្សាយដោយទីភ្នាក់ងារព័ត៌មាន Xinhua ។
ជាការឆ្លើយតបទៅនឹងក្រុមបាតុករ លោក Michael McCormack បានប្រាប់ឲ្យពួកគេនាំគ្នាដាំដើមឈើ ព្រោះវានឹងមានប្រយោជន៍ជាងការដែលមកតវ៉ានៅតាមដងផ្លូវ។ នាយករដ្ឋមន្ត្រីស្តីទីអូស្ត្រាលីរូបនេះបានប្រាប់ទៅអ្នកសារព័ត៌មានក្នុងទឹកដីភាគខាងជើងនៅថ្ងៃទី២២ ខែកញ្ញាថា៖ «ជាជាងការដើរតាមផ្លូវ និងស្រែកហ៊ោ កញ្ជ្រៀវ អ្វីដែលពួកគេម្នាក់ៗគួរធ្វើគឺ ចូលរួមដាំដើមឈើបន្ទាប់មកមើលថែវា»។
លើសពីនោះ លោក McCormack ក៏បានចោទថា មានមនុស្សប៉ុន្មាននាក់នឹងចូលរូមប្រសិនបើវាធ្វើនៅក្នុងថ្ងៃសៅរ៍វិញនោះ ហើយសិស្សភាគច្រើនដែលបានចូលរូមគឺមិនបានដឹងផង ថាតើពួកគេកំពុងតវ៉ាប្រឆាំងអំពីរឿងអ្វី។ សម្រាប់រូបលោក ការធ្វើបាតុកម្មស្តីពីអាកាសធាតុនៅចំថ្ងៃធ្វើការ និងថ្ងៃរៀន ជារឿងមិនសមឡើយ។ លោកបានបន្ថែមទៀតថា អ្វីដែលពួកគេត្រូវធ្វើ ហើយគ្រូគួរប្រាប់ទៅសិស្សនោះគឺ ឲ្យទៅដាំដើមឈើ ស្រោចទឹក មើលថែវា និងការពារភពផែនដីរបស់ពួកគេ។
ក្រុមបាតុករដែលភាគច្រើនជាសិស្សនិស្សិត បានអំពាវនាវឲ្យរាជរដ្ឋាភិបាលប្តេជ្ញាលើការមិនប្រើប្រាស់ធ្យូង ឧស្ម័នហ្គាស ឬប្រេងឥន្ទនៈ ព្រមទាំងអនុវត្តការប្រើប្រាស់ថាមពលកកើតវិញ១០០ភាគរយឲ្យបាននៅឆ្នាំ២០៣០។ ក្រុមបាតុករក៏ស្នើឲ្យមានជំនួយសម្រាប់ពួកកម្មករនៅក្នុងសហគមន៍ឧស្សាហកម្មប្រេងឥន្ទនៈផូស៊ីល ដោយបង្កើតការងារឲ្យពួកគេ។
សូមបញ្ជាក់ថា លោក McCormack ដែលជាឧបនាយករដ្ឋមន្ត្រី បានកាន់តំណែងជានាយករដ្ឋមន្ត្រីស្តីទី ខណៈលោកនាយករដ្ឋមន្ត្រី Scott Morrison ធ្វើដំណើររទស្សនកិច្ចផ្លូវការនៅសហរដ្ឋអាមេរិក៕
នាយករដ្ឋមន្ត្រីស្តីទីអូស្ត្រាលី លោក Michael McCormack បានច្រានចោលការតវ៉ារបស់ក្រុមបាតុករជាងម្ភៃម៉ឺននាក់ដែលទាមទារឲ្យរដ្ឋាភិបាលបង្កើនសកម្មភាពប្រឆាំងការប្រែប្រួលអាកាសធាតុ។ លោក McCormack បានហៅការប្រមូលផ្ដុំដ៏ធំនេះ ជារឿងគួរឲ្យអស់សំណើចណាស់ និងប្រាប់បាតុករឲ្យទៅដាំដើមឈើវិញ ព្រោះជួយបរិស្ថានជាង។
ប្រជាជនអូស្ត្រាលីជាង២០ម៉ឺននាក់ បានជួបជុំគ្នានៅតាមដងផ្លូវទូទាំងប្រទេសនៅកាលពីថ្ងៃទី២០ ខែកញ្ញាកន្លងទៅ ដើម្បីប្រឆាំងនឹងភាពអសកម្មរបស់រដ្ឋាភិបាលជុំវិញបញ្ហាបម្រែបម្រួលអាកាសធាតុ។ នេះបើយោងតាមសារព័ត៌មានក្នុងស្រុកអូស្ត្រាលីដែលផ្សាយដោយទីភ្នាក់ងារព័ត៌មាន Xinhua ។
ជាការឆ្លើយតបទៅនឹងក្រុមបាតុករ លោក Michael McCormack បានប្រាប់ឲ្យពួកគេនាំគ្នាដាំដើមឈើ ព្រោះវានឹងមានប្រយោជន៍ជាងការដែលមកតវ៉ានៅតាមដងផ្លូវ។ នាយករដ្ឋមន្ត្រីស្តីទីអូស្ត្រាលីរូបនេះបានប្រាប់ទៅអ្នកសារព័ត៌មានក្នុងទឹកដីភាគខាងជើងនៅថ្ងៃទី២២ ខែកញ្ញាថា៖ «ជាជាងការដើរតាមផ្លូវ និងស្រែកហ៊ោ កញ្ជ្រៀវ អ្វីដែលពួកគេម្នាក់ៗគួរធ្វើគឺ ចូលរួមដាំដើមឈើបន្ទាប់មកមើលថែវា»។
លើសពីនោះ លោក McCormack ក៏បានចោទថា មានមនុស្សប៉ុន្មាននាក់នឹងចូលរូមប្រសិនបើវាធ្វើនៅក្នុងថ្ងៃសៅរ៍វិញនោះ ហើយសិស្សភាគច្រើនដែលបានចូលរូមគឺមិនបានដឹងផង ថាតើពួកគេកំពុងតវ៉ាប្រឆាំងអំពីរឿងអ្វី។ សម្រាប់រូបលោក ការធ្វើបាតុកម្មស្តីពីអាកាសធាតុនៅចំថ្ងៃធ្វើការ និងថ្ងៃរៀន ជារឿងមិនសមឡើយ។ លោកបានបន្ថែមទៀតថា អ្វីដែលពួកគេត្រូវធ្វើ ហើយគ្រូគួរប្រាប់ទៅសិស្សនោះគឺ ឲ្យទៅដាំដើមឈើ ស្រោចទឹក មើលថែវា និងការពារភពផែនដីរបស់ពួកគេ។
ក្រុមបាតុករដែលភាគច្រើនជាសិស្សនិស្សិត បានអំពាវនាវឲ្យរាជរដ្ឋាភិបាលប្តេជ្ញាលើការមិនប្រើប្រាស់ធ្យូង ឧស្ម័នហ្គាស ឬប្រេងឥន្ទនៈ ព្រមទាំងអនុវត្តការប្រើប្រាស់ថាមពលកកើតវិញ១០០ភាគរយឲ្យបាននៅឆ្នាំ២០៣០។ ក្រុមបាតុករក៏ស្នើឲ្យមានជំនួយសម្រាប់ពួកកម្មករនៅក្នុងសហគមន៍ឧស្សាហកម្មប្រេងឥន្ទនៈផូស៊ីល ដោយបង្កើតការងារឲ្យពួកគេ។
សូមបញ្ជាក់ថា លោក McCormack ដែលជាឧបនាយករដ្ឋមន្ត្រី បានកាន់តំណែងជានាយករដ្ឋមន្ត្រីស្តីទី ខណៈលោកនាយករដ្ឋមន្ត្រី Scott Morrison ធ្វើដំណើររទស្សនកិច្ចផ្លូវការនៅសហរដ្ឋអាមេរិក៕
© រក្សាសិទ្ធិដោយ thmeythmey.com
