COVID-19
ជាតិ
ពលករខ្មែរមកពីថៃ១៥នាក់ទៀត មានកូវីដ-១៩ ![](https://image.thmeythmey.com/pictures/2021/01/15/vssg.jpg)
×![]()
ពលករខ្មែរមកពីថៃចំនួន១៥នាក់ទៀតឆ្លងកូវីដ-១៩ ដែលធ្វើឲ្យចំនួនសរុបក្នុងចំណោមពលករឡើងដល់៥៦នាក់។
យោងតាមក្រសួងសុខាភិបាល អ្នកជំងឺទាំង១៥នាក់ មាន៩នាក់សម្រាកព្យាបាលនៅមន្ទីរពេទ្យបង្អែកខេត្តបាត់ដំបង ៥នាក់នៅមន្ទីរពេទ្យបង្អែកខេត្តបន្ទាយមានជ័យ និង១នាក់នៅមន្ទីរពេទ្យបង្អែកខេត្តឧត្តរមានជ័យ។
សរុបនៅកម្ពុជា អ្នកជំងឺឡើងដល់៤២៦នាក់ ក្នុងនោះ៥៦នាក់ជាពលករមកពីថៃ។ ករណីសះស្បើយ៤នាក់បន្ថែមទៀត ធ្វើឲ្យចំនួនអ្នកដែលចេញពីមន្ទីរពេទ្យ ឡើង៣៨១នាក់។
ក្នុងចំណោមអ្នកជំងឺទាំង៤៥នាក់ដែលកំពុងសម្រាកព្យាបាល មាន៦នាក់នៅមជ្ឈមណ្ឌលកំចាត់រោគរបេង និងហង់សិន ២៥នាក់នៅពេទ្យបន្ទាយមានជ័យ ១១នាក់នៅបាត់ដំបង ២នាក់នៅប៉ៃលិន និង១នាក់នៅឧត្តរមានជ័យ៕
© រក្សាសិទ្ធិដោយ thmeythmey.com