ជាតិ
×![]()
ភ្នំពេញ៖ ក្រុមហ៊ុនអាកាសយានដ្ឋានកម្ពុជា (Cambodia Airport)បានស្នើអាជ្ញាធររាជធានីភ្នំពេញពិនិត្យគោលការណ៍សង់អាកាសយានដ្ឋានអន្តរជាតិភ្នំពេញថ្មី លើផ្ទៃដីទំហំ ១៥០០ហិកតា ខណៈអាកាសយានដ្ឋានបច្ចុប្បន្នទំហំជាង ៤០០ហិកតា។ ភាគីក្រុមហ៊ុនបានស្នើទីតាំងព្រលានថ្មីចំនួន ៤ ឲ្យអាជ្ញាធររាជធានី ពិចារណាផលប៉ះពាល់ នៅថ្ងៃទី១៤ ខែកក្កដា ឆ្នាំ២០១៦នេះ។
អាជ្ញាធររាជធានីភ្នំពេញ និងថ្នាក់ដឹកនាំក្រុមហ៊ុនCambodia Airport កំពុងរៀបចំគម្រោងសាងសង់អាកាសយានដ្ឋានអន្តរជាតិភ្នំពេញថ្មី ជំនួសអាកាសយានដ្ឋានអន្តរជាតិភ្នំពេញ បច្ចុប្បន្ន ក្នុងអំឡុងឆ្នាំ ២០២៥ ឬឆ្នាំ ២០៣០ខាងមុខ។
ការពិភាក្សាគ្នាសង់អាកាសយានដ្ឋានអន្តរជាតិថ្មីជំនួសអាកាសយានដ្ឋានអន្តរជាតិភ្នំពេញចាស់ដែលមានអាយុជិត ៧០ឆ្នាំ ពោលគឺតាំងទសវត្សរ៍ឆ្នាំ១៩៥០ រហូតមកនេះ ក្នុងគោលបំណងឆ្លើយតបនឹងកំណើនអ្នកដំណើរតាមផ្លូវអាកាសចេញចូលកម្ពុជា។
លោក Jurgen Renner អ្នកគ្រប់គ្រងជាន់ខ្ពស់ នៃសមាគមដឹកជញ្ជូនផ្លូវអាកាសអន្ដរជាតិ (International Air Transport Association)បានលើកពីទីតាំងព្រលានយន្តហោះថ្មីចំនួន ៤កន្លែង ឲ្យលោក ឃួង ស្រេង អភិបាលរងរាជធានីភ្នំពេញ និងមន្ត្រីក្រោមឱវាទ ពិចារណាពីផលប៉ះពាល់ក្នុងគម្រោង មុនពេលពួកគេដាក់គម្រោងសិក្សានេះ ឲ្យរដ្ឋាភិបាលកម្ពុជា ដើម្បីពិនិត្យសម្រេច។
ក្រោយពីលោកបានសិក្សាលទ្ធភាពសាងសង់ព្រលានយន្តហោះអន្តរជាតិភ្នំពេញថ្មី កន្លងទៅ អ្នកប្រឹក្សាយោបល់សង់ព្រលានយន្តហោះ នៃសមាគម IATA បានប្រាប់ពីទីតាំងក្នុងពិភាក្សា នៅថ្ងៃនេះ ក្នុងសាលារាជធានីភ្នំពេញថា គម្រោងទាំង ៤ទីតាំងនោះ រួមមាន ទីតាំងទីមួយគឺ ព្រលានយន្តហោះកំពង់ឆ្នាំងចាស់ ក្នុងខេត្តកំពង់ឆ្នាំង, ទីពីរគឺ នៅតំបន់ឧត្តុង្គ ខេត្តកណ្តាល, ទីបីគឺ ទីតាំងចន្លោះទន្លេសាប និងទន្លេមេគង្គ និងទីបួនគឺ នៅខាងកើតរាជធានីភ្នំពេញ ម្តុំផ្លូវជាតិលេខមួយ។
អ្នកគ្រប់គ្រងជាន់ខ្ពស់ នៃសមាគម IATA ដែលមានមូលដ្ឋានក្នុងប្រទេសកាណាដា បានបន្តរៀបរាប់ពីផលវិជ្ជមានក្នុងពីសាងសង់ព្រលានយន្តហោះភ្នំពេញថ្មី ឃា្លតពីរាជធានីភ្នំពេញប្រាប់អាជ្ញាធរថាវានឹងជួយកាត់បន្ថយការកកស្ទះចរាចរក្នុងក្រុង បច្ចុប្បន្ន ដោយសារក្រុមហ៊ុន នឹងសង់ផ្លូវ High way ធំទូលាយ ឬអាចសង់ផ្លូវរថភ្លើងពីព្រលានយន្តហោះមកកណ្តាលរាជធានីភ្នំពេញ។ ហើយថា វានឹងមិនបង្កសំឡេងយន្តហោះរំខាន និងផលប៉ះពាល់បរិស្ថាន ព្រមទាំងគ្រោះអាសន្នជាយថាហេតុក្នុងទីក្រុងផងដែរ។
លោកនិយាយបញ្ជាក់ថា៖«ព្រលានយន្តហោះអន្តរជាតិភ្នំពេញថ្មី នឹងសង់លើផ្ទៃដីចំនួន ១៥០០ហិកតា។ យើងនឹងសង់ផ្លូវសម្រាប់យន្តហោះរត់ចុះឡើងទៅមកនីមួយៗ ចំងាយជាង ៣គីឡូម៉ែត្រ។ វាមានទំហំធំ និងឆ្ងាយជាងមុន»។
ទន្ទឹមគ្នានេះ លោក Jurgen Renner បានស្នើអាជ្ញាធរឲ្យពិនិត្យសណ្ឋានដីប៉ះពាល់ និងហេដ្ឋារចនាសម្ព័ន្ធ តភ្ជាប់ពីតំបន់នានា ចូលព្រលានយន្តហោះថ្មី ដើម្បីកាត់បន្ថយការប៉ះពាល់ក្នុងរយៈពេលយូរអង្វែង នៅថ្ងៃអនាគត។
ជាការឆ្លើយតប លោក ឃួង ស្រេង បានសាទរនឹងសំណើររបស់តំណាងក្រុមហ៊ុន Cambodia Airport និងអ្នកជំនាញសង់ព្រលានយន្តហោះ តែលោកស្នើភាគីក្រុមហ៊ុនឲ្យពិចារណាសង់ ព្រលានយន្តហោះចំងាយក្រោម ១០០គីឡូម៉ែត្រពីរាជធានីភ្នំពេញ ដើម្បីកាត់បន្ថយពេលវេលា ធ្វើចរាចរ។
លោកបានស្នើតំណាងក្រុមហ៊ុនឲ្យពិនិត្យលទ្ធភាពសង់ព្រលានយន្តហោះនេះ នៅមិនឆ្ងាយភាគីខាងលិចរាជធានីភ្នំពេញ គឺក្នុងខេត្តកំពង់ស្ពឺ ពីព្រោះទីតាំងនេះនៅជិតក្រុង ហើយដីមានតម្លៃទាប និងមិនប៉ះពាល់លំនៅដ្ឋានរបស់ពលរដ្ឋច្រើន។
«អាជ្ញាធររាជធានីភ្នំពេញកំពុងពិនិត្យលទ្ធភាពសង់ព្រលានថ្មីចំងាយពីភ្នំពេញពី ៦០ ទៅ ៧០គីឡូម៉ែត្រ។ យើងចង់កាត់បន្ថយពេលវេលា និងប៉ះផលពាល់ពលរដ្ឋតិច»។ នេះជាការលើកឡើងរបស់លោក ឃួន ស្រេង ក្នុងកិច្ចពិភាក្សារយៈពេលជិត ៣ម៉ោងនេះ។
យ៉ាងណា ពួកគេពុំទាន់អាចបញ្ជាក់ពីកាលបរិច្ឆេទ តម្លៃសាងសង់ និងទីតាំងជាក់លាក់នៅឡើយ ព្រោះពួកគេ កំពុងសិក្សាគម្រោង មុនពេលគេបញ្ចូនឲ្យរដ្ឋាភិបាលពិនិត្យ និងសម្រេច។
ពាក់ព័ន្ធនឹងគម្រោងនេះ លោក ស៊ុន ចាន់សេរីវត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ជឿជាក់ថា វាបង្កើតឱកាសកាន់តែច្រើនសម្រាប់វិនិយោគិន និងទេសចរ នៅកម្ពុជាបន្ថែមទៀត។ លោកលើកឡើងថា ប្រសិនបើគម្រោងនៃការបង្កើតព្រលានយន្តហោះថ្មីទទួលបានជោគជ័យនឹងលេចចេញជារូបរាងមែននោះ ព្រលានយន្តហោះអន្តរជាតិភ្នំពេញអាចនឹងរក្សាទុកសម្រាប់ជើងហោះហើរក្នុងស្រុក និងជាមជ្ឈមណ្ឌលពាណិជ្ជកម្ម ដើម្បីទាញយកថវិកាមកសាងសង់ព្រលានយន្តហោះថ្មី។
នៅឆ្នាំ២០២០ ក្រសួងរំពឹងថា ចំនួនទេសចរនឹងកើនដល់ ៨លាននាក់។ ហើយបច្ចុប្បន្ន ព្រលានយន្តហោះអន្តរជាតិភ្នំពេញទទួលជាង ៤លាននាក់ ស្របពេលចំណុះព្រលានសព្វថ្ងៃនេះ វាទទួលបានតែ ៥លាននាក់ប៉ុណ្ណោះ។ តាមតួលេខក្រសួងទេសចរណ៍ឆ្នាំ ២០១៥ កម្ពុជាទទួលបានភ្ញៀវទេសចរបរទេសចំនួន២លាន៨សែននាក់កាលពីឆ្នាំ២០១១ និងក្នុងឆ្នាំ២០១៥ចំនួនភ្ញៀវទេសចរបរទេសកើនដល់៤លាន៥សែននាក់៕
អាជ្ញាធររាជធានីភ្នំពេញ និងថ្នាក់ដឹកនាំក្រុមហ៊ុនCambodia Airport កំពុងរៀបចំគម្រោងសាងសង់អាកាសយានដ្ឋានអន្តរជាតិភ្នំពេញថ្មី ជំនួសអាកាសយានដ្ឋានអន្តរជាតិភ្នំពេញ បច្ចុប្បន្ន ក្នុងអំឡុងឆ្នាំ ២០២៥ ឬឆ្នាំ ២០៣០ខាងមុខ។
ការពិភាក្សាគ្នាសង់អាកាសយានដ្ឋានអន្តរជាតិថ្មីជំនួសអាកាសយានដ្ឋានអន្តរជាតិភ្នំពេញចាស់ដែលមានអាយុជិត ៧០ឆ្នាំ ពោលគឺតាំងទសវត្សរ៍ឆ្នាំ១៩៥០ រហូតមកនេះ ក្នុងគោលបំណងឆ្លើយតបនឹងកំណើនអ្នកដំណើរតាមផ្លូវអាកាសចេញចូលកម្ពុជា។
លោក Jurgen Renner អ្នកគ្រប់គ្រងជាន់ខ្ពស់ នៃសមាគមដឹកជញ្ជូនផ្លូវអាកាសអន្ដរជាតិ (International Air Transport Association)បានលើកពីទីតាំងព្រលានយន្តហោះថ្មីចំនួន ៤កន្លែង ឲ្យលោក ឃួង ស្រេង អភិបាលរងរាជធានីភ្នំពេញ និងមន្ត្រីក្រោមឱវាទ ពិចារណាពីផលប៉ះពាល់ក្នុងគម្រោង មុនពេលពួកគេដាក់គម្រោងសិក្សានេះ ឲ្យរដ្ឋាភិបាលកម្ពុជា ដើម្បីពិនិត្យសម្រេច។
ក្រោយពីលោកបានសិក្សាលទ្ធភាពសាងសង់ព្រលានយន្តហោះអន្តរជាតិភ្នំពេញថ្មី កន្លងទៅ អ្នកប្រឹក្សាយោបល់សង់ព្រលានយន្តហោះ នៃសមាគម IATA បានប្រាប់ពីទីតាំងក្នុងពិភាក្សា នៅថ្ងៃនេះ ក្នុងសាលារាជធានីភ្នំពេញថា គម្រោងទាំង ៤ទីតាំងនោះ រួមមាន ទីតាំងទីមួយគឺ ព្រលានយន្តហោះកំពង់ឆ្នាំងចាស់ ក្នុងខេត្តកំពង់ឆ្នាំង, ទីពីរគឺ នៅតំបន់ឧត្តុង្គ ខេត្តកណ្តាល, ទីបីគឺ ទីតាំងចន្លោះទន្លេសាប និងទន្លេមេគង្គ និងទីបួនគឺ នៅខាងកើតរាជធានីភ្នំពេញ ម្តុំផ្លូវជាតិលេខមួយ។
អ្នកគ្រប់គ្រងជាន់ខ្ពស់ នៃសមាគម IATA ដែលមានមូលដ្ឋានក្នុងប្រទេសកាណាដា បានបន្តរៀបរាប់ពីផលវិជ្ជមានក្នុងពីសាងសង់ព្រលានយន្តហោះភ្នំពេញថ្មី ឃា្លតពីរាជធានីភ្នំពេញប្រាប់អាជ្ញាធរថាវានឹងជួយកាត់បន្ថយការកកស្ទះចរាចរក្នុងក្រុង បច្ចុប្បន្ន ដោយសារក្រុមហ៊ុន នឹងសង់ផ្លូវ High way ធំទូលាយ ឬអាចសង់ផ្លូវរថភ្លើងពីព្រលានយន្តហោះមកកណ្តាលរាជធានីភ្នំពេញ។ ហើយថា វានឹងមិនបង្កសំឡេងយន្តហោះរំខាន និងផលប៉ះពាល់បរិស្ថាន ព្រមទាំងគ្រោះអាសន្នជាយថាហេតុក្នុងទីក្រុងផងដែរ។
លោកនិយាយបញ្ជាក់ថា៖«ព្រលានយន្តហោះអន្តរជាតិភ្នំពេញថ្មី នឹងសង់លើផ្ទៃដីចំនួន ១៥០០ហិកតា។ យើងនឹងសង់ផ្លូវសម្រាប់យន្តហោះរត់ចុះឡើងទៅមកនីមួយៗ ចំងាយជាង ៣គីឡូម៉ែត្រ។ វាមានទំហំធំ និងឆ្ងាយជាងមុន»។
ទន្ទឹមគ្នានេះ លោក Jurgen Renner បានស្នើអាជ្ញាធរឲ្យពិនិត្យសណ្ឋានដីប៉ះពាល់ និងហេដ្ឋារចនាសម្ព័ន្ធ តភ្ជាប់ពីតំបន់នានា ចូលព្រលានយន្តហោះថ្មី ដើម្បីកាត់បន្ថយការប៉ះពាល់ក្នុងរយៈពេលយូរអង្វែង នៅថ្ងៃអនាគត។
ជាការឆ្លើយតប លោក ឃួង ស្រេង បានសាទរនឹងសំណើររបស់តំណាងក្រុមហ៊ុន Cambodia Airport និងអ្នកជំនាញសង់ព្រលានយន្តហោះ តែលោកស្នើភាគីក្រុមហ៊ុនឲ្យពិចារណាសង់ ព្រលានយន្តហោះចំងាយក្រោម ១០០គីឡូម៉ែត្រពីរាជធានីភ្នំពេញ ដើម្បីកាត់បន្ថយពេលវេលា ធ្វើចរាចរ។
លោកបានស្នើតំណាងក្រុមហ៊ុនឲ្យពិនិត្យលទ្ធភាពសង់ព្រលានយន្តហោះនេះ នៅមិនឆ្ងាយភាគីខាងលិចរាជធានីភ្នំពេញ គឺក្នុងខេត្តកំពង់ស្ពឺ ពីព្រោះទីតាំងនេះនៅជិតក្រុង ហើយដីមានតម្លៃទាប និងមិនប៉ះពាល់លំនៅដ្ឋានរបស់ពលរដ្ឋច្រើន។
«អាជ្ញាធររាជធានីភ្នំពេញកំពុងពិនិត្យលទ្ធភាពសង់ព្រលានថ្មីចំងាយពីភ្នំពេញពី ៦០ ទៅ ៧០គីឡូម៉ែត្រ។ យើងចង់កាត់បន្ថយពេលវេលា និងប៉ះផលពាល់ពលរដ្ឋតិច»។ នេះជាការលើកឡើងរបស់លោក ឃួន ស្រេង ក្នុងកិច្ចពិភាក្សារយៈពេលជិត ៣ម៉ោងនេះ។
យ៉ាងណា ពួកគេពុំទាន់អាចបញ្ជាក់ពីកាលបរិច្ឆេទ តម្លៃសាងសង់ និងទីតាំងជាក់លាក់នៅឡើយ ព្រោះពួកគេ កំពុងសិក្សាគម្រោង មុនពេលគេបញ្ចូនឲ្យរដ្ឋាភិបាលពិនិត្យ និងសម្រេច។
ពាក់ព័ន្ធនឹងគម្រោងនេះ លោក ស៊ុន ចាន់សេរីវត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ជឿជាក់ថា វាបង្កើតឱកាសកាន់តែច្រើនសម្រាប់វិនិយោគិន និងទេសចរ នៅកម្ពុជាបន្ថែមទៀត។ លោកលើកឡើងថា ប្រសិនបើគម្រោងនៃការបង្កើតព្រលានយន្តហោះថ្មីទទួលបានជោគជ័យនឹងលេចចេញជារូបរាងមែននោះ ព្រលានយន្តហោះអន្តរជាតិភ្នំពេញអាចនឹងរក្សាទុកសម្រាប់ជើងហោះហើរក្នុងស្រុក និងជាមជ្ឈមណ្ឌលពាណិជ្ជកម្ម ដើម្បីទាញយកថវិកាមកសាងសង់ព្រលានយន្តហោះថ្មី។
នៅឆ្នាំ២០២០ ក្រសួងរំពឹងថា ចំនួនទេសចរនឹងកើនដល់ ៨លាននាក់។ ហើយបច្ចុប្បន្ន ព្រលានយន្តហោះអន្តរជាតិភ្នំពេញទទួលជាង ៤លាននាក់ ស្របពេលចំណុះព្រលានសព្វថ្ងៃនេះ វាទទួលបានតែ ៥លាននាក់ប៉ុណ្ណោះ។ តាមតួលេខក្រសួងទេសចរណ៍ឆ្នាំ ២០១៥ កម្ពុជាទទួលបានភ្ញៀវទេសចរបរទេសចំនួន២លាន៨សែននាក់កាលពីឆ្នាំ២០១១ និងក្នុងឆ្នាំ២០១៥ចំនួនភ្ញៀវទេសចរបរទេសកើនដល់៤លាន៥សែននាក់៕
Tag:
ព្រលានយន្តហោះភ្នំពេញ
អាកាសចរស៊ីវិល
IATA
© រក្សាសិទ្ធិដោយ thmeythmey.com
