បទយកការណ៍ / បទសម្ភាសន៍
វិស័យទេសចរណ៍ខ្មែរកំពុងត្រូវបានធ្វើពិពិធកម្មសម្បូរបែប
× ភ្នំពេញ៖ កាលពីឆ្នាំ២០១៥កន្លងមក កម្ពុជាទទួលបានភ្ញៀវទេសចរបរទេសចំនួន៤លាន៨សែននាក់។ នៅឆ្នាំ២០១៦នេះ ក្រសួងទេសចរណ៍រំពឹងថា អាចនឹងទទួលកំណើនភ្ញៀវទេសចរបរទេសរហូតដល់ទៅ៥លាននាក់ មានន័យថា វានឹងមានកំណើនតិចតួច។ លោក ថោង ខុន រដ្ឋមន្ត្រីក្រសួងទេសចរណ៍បានពន្យល់ពីកំណើនតិចតួចនេះថា គឺដោយសារពិភពលោកប្រឈមនឹងបញ្ហាភេរវៈកម្ម, ធ្លាក់យន្តហោះ, គ្រោះមហន្តរាយ ឬបញ្ហាសេដ្ឋកិច្ចសកល។ល។
ការថមថយនៃកំណើនចំនួនភ្ញៀវទេសចរបរទេសត្រូវបានគេរិះគន់ថា វាអាចបណ្តាលមកពីកង្វះទស្សនៈទាននយោបាយពិពិធកម្មវិស័យទេសចរណ៍ខ្មែរ។ ឆ្លើយតបទៅនឹងការរិះគន់នេះ លោក ថោង ខុន បាននិយាយថា កម្ពុជាកំពុងធ្វើពិពិធកម្មឧស្សាហកម្មគ្មានផ្សែងមួយនេះយ៉ាងយកចិត្តទុកដាក់។ ក្រសួងទេសចរណ៍បាន និងកំពុងអភិវឌ្ឍតំបន់ឆ្នេរ និងតំបន់ទេសចរណ៍ធម្មជាតិជាច្រើនកន្លែងបន្ថែមទៀត។
មិនត្រឹមតែប៉ុណ្ណោះ រដ្ឋាភិបាលបានប្តូររបៀបលក់សំបុត្រចូលទស្សនារមណីយដ្ឋានអង្គរដើម្បីជំរុញឲ្យទេសចរបរទេសស្នាក់នៅកម្ពុជាកាន់តែយូរ និងចំណាយប្រាក់កាន់តែច្រើន។
ដើម្បីជ្រាបព័ត៌មានលម្អិត សូមអញ្ជើញស្តាប់កាសាកសួរខ្លីរវាងលោក គី សុខលីម អគ្គនាយកសារព័ត៌មានថ្មីៗ និងលោក ថោង ខុន រដ្ឋមន្ត្រីក្រសួងទេសចរណ៍ដូចតទៅ៖
© រក្សាសិទ្ធិដោយ thmeythmey.com