កីឡាជាតិ
ជាតិ
ក្រោយបរាជ័យនៅ RIO ស៊ន សៀវម៉ី ប្តេជ្ញាបន្តដំណើរជាមួយតេក្វាន់ដូដោយឥតរាថយ
×![]()
ការបរាជ័យនៅក្នុងព្រឹត្តិការណ៍កីឡាអូឡាំពិកនៅទីក្រុង Rio ប្រទេសប្រេស៊ីល មិនមែនជាកត្តាធ្វើឲ្យកីឡាការិនីតេក្វាន់ដូម្ចាស់មេដាយមាសជើងឯកអាស៊ី ស៊ន សៀវម៉ី បាក់ទឹកចិត្តនោះទេ តែវាជាកត្តាជួយជំរុញបន្ថែមឲ្យមានការប្តេជ្ញាតាំងចិត្តកាន់តែខ្លាំងថែមទៀតផង។ កីឡាការិនីរូបគេបានប្តេជ្ញាថា នឹងមិនបោះបង់អាជីពជាកីឡាការិនីរបស់ខ្លួននោះឡើយ ជាពិសេសនឹងធ្វើឲ្យកាន់តែល្អជាងនេះសម្រាប់ការប្រកួតនៅលើឆាកអន្តរជាតិផ្សេងៗទៀត។
ទីបំផុតក្រោយបរាជ័យនៅក្នុងព្រឹត្តិការណ៍កីឡាអូឡាំពិកនៅ Rio កីឡាការិនីតេក្វាន់ដូ ស៊ន សៀវម៉ី បានបញ្ជាក់ថា ខ្លួនមិនបោះបង់អាជីពជាកីឡាការិនីនោះឡើយ លើសពីនេះបានប្តេជា្ញចិត្តថា នឹងខិតខំប្រឹងប្រែងអភិវឌ្ឍន៍ខ្លួនឲ្យកាន់តែរីកចម្រើនថែមទៀត ជាពិសេសតាំងចិត្តនឹងធ្វើឲ្យកាន់ល្អនៅឆាកអន្តរជាតិផ្សេងៗ ដើម្បីជួយលើកស្ទួយវិស័យកីឡានៅកម្ពុជាឲ្យកាន់តែរីកចម្រើន ទោះបីលើកនេះខ្លួនមិនអាចបំបែកកំណត់ត្រាសម្រាប់កម្ពុជាក៏ដោយ។
ម្ចាស់មេដាយមាសអាស៊ានហ្គេមឆ្នាំ២០១៤រូបនេះបានបញ្ជាក់ដូច្នេះថា៖«ទោះបីលើកនេះខ្ញុំមិនអាចនាំមេដាយពីព្រឹត្តិការណ៍កីឡាអូឡាំពិកទៅកាន់កម្ពុជាផ្ទាល់ ប៉ុន្តែសម្រាប់គោលដៅរបស់ខ្ញុំ គឺអាជីពជាកីឡាការិនីខ្ញុំអត់បញ្ចប់ត្រឹមហ្នឹងគឺវានៅតែបន្ត។ ការបរាជ័យមួយនេះខ្ញុំនឹងតបស្នងដល់ប្រជាពលរដ្ឋខ្មែរនិងអ្នកគាំទ្ររបស់ខ្ញុំផ្ទាល់ ខ្ញុំសន្យាថានឹងខំប្រឹងធ្វើឲ្យល្អៗនៅលើឆាកអន្តរជាតិផ្សេងៗ មិនថាតែ SEA Games, Asian Games នោះទេ ជាពិសេសការប្រកួតកីឡាអូឡាំពិកនៅទីក្រុង Tokyo ប្រទេសជប៉ុន»។
កាបរាជ័យក្នុងព្រឹត្តិការណ៍កីឡាអូឡាំពិករបស់ សៀវម៉ី បានធ្វើឲ្យប្រជាពលរដ្ឋខ្មែរទាំងអស់ដែលនិយមគាំទ្រវិស័យកីឡាកម្ពុជាបានសម្តែងការសោកស្តាយយ៉ាងខ្លាំងសម្រាប់ការបាត់បង់ឱកាសដ៏ល្អក្នុងការដណ្តើមមេដាយរបស់គេ ប៉ុន្តែសម្រាប់ សៀវម៉ី ផ្ទាល់បានបញ្ជាក់ថា ខ្លួនមានការសោកស្តាយខ្លាំងជាងប្រជាពលខ្មែរ និងអ្នកគាំទ្រទៅទៀត ក្នុងនាមជាកីឡាការិនីក្តីរំពឹងសម្រាប់កម្ពុជា។
ការគាំទ្ររបស់ប្រជាពលរដ្ឋកម្ពុជាក៏ដូចជាអ្នកគាំទ្រផ្ទាល់ជាចលករជួយជំរុញទឹកចិត្តឲ្យម្ចាស់មេដាយមាសអាស៊ានហ្គេមឆ្នាំ២០១៤ រូបនេះមានកម្លាំងចិត្តធ្វើបានល្អក្នុងការប្រកួតលើឆាកអន្តរជាតិផ្សេងៗនាពេលកន្លងមក ហើយ សៀវម៉ី ជឿជាក់ថាការគាំប្រជាពលរដ្ឋខ្មែរនឹងនៅតែបន្តជារៀងរហូតសម្រាប់រូបគេ ក៏ដូចជាកីឡាការិនីដទៃ ដើម្បីជួយលើកចិត្តជួយលើកស្ទួយវិស័យកីឡានៅកម្ពុជាឲ្យកាន់តែរីកចម្រើន។ គួរបញ្ជាក់ថា ប្រតិភូកម្ពុជាដែលចូលរួមព្រឹត្តិការណ៍កីឡាអូឡាំពិក នៅ Rio ប្រទេសប្រេស៊ីល នឹងមកដល់កម្ពុជាវិញនាថ្ងៃទី២៥ ខែសីហា ស្អែកនេះ៕
រូបថតទាំងអស់ពី ទំព័រហ្វេសប៊ុក NOCC
ទីបំផុតក្រោយបរាជ័យនៅក្នុងព្រឹត្តិការណ៍កីឡាអូឡាំពិកនៅ Rio កីឡាការិនីតេក្វាន់ដូ ស៊ន សៀវម៉ី បានបញ្ជាក់ថា ខ្លួនមិនបោះបង់អាជីពជាកីឡាការិនីនោះឡើយ លើសពីនេះបានប្តេជា្ញចិត្តថា នឹងខិតខំប្រឹងប្រែងអភិវឌ្ឍន៍ខ្លួនឲ្យកាន់តែរីកចម្រើនថែមទៀត ជាពិសេសតាំងចិត្តនឹងធ្វើឲ្យកាន់ល្អនៅឆាកអន្តរជាតិផ្សេងៗ ដើម្បីជួយលើកស្ទួយវិស័យកីឡានៅកម្ពុជាឲ្យកាន់តែរីកចម្រើន ទោះបីលើកនេះខ្លួនមិនអាចបំបែកកំណត់ត្រាសម្រាប់កម្ពុជាក៏ដោយ។
ម្ចាស់មេដាយមាសអាស៊ានហ្គេមឆ្នាំ២០១៤រូបនេះបានបញ្ជាក់ដូច្នេះថា៖«ទោះបីលើកនេះខ្ញុំមិនអាចនាំមេដាយពីព្រឹត្តិការណ៍កីឡាអូឡាំពិកទៅកាន់កម្ពុជាផ្ទាល់ ប៉ុន្តែសម្រាប់គោលដៅរបស់ខ្ញុំ គឺអាជីពជាកីឡាការិនីខ្ញុំអត់បញ្ចប់ត្រឹមហ្នឹងគឺវានៅតែបន្ត។ ការបរាជ័យមួយនេះខ្ញុំនឹងតបស្នងដល់ប្រជាពលរដ្ឋខ្មែរនិងអ្នកគាំទ្ររបស់ខ្ញុំផ្ទាល់ ខ្ញុំសន្យាថានឹងខំប្រឹងធ្វើឲ្យល្អៗនៅលើឆាកអន្តរជាតិផ្សេងៗ មិនថាតែ SEA Games, Asian Games នោះទេ ជាពិសេសការប្រកួតកីឡាអូឡាំពិកនៅទីក្រុង Tokyo ប្រទេសជប៉ុន»។
កាបរាជ័យក្នុងព្រឹត្តិការណ៍កីឡាអូឡាំពិករបស់ សៀវម៉ី បានធ្វើឲ្យប្រជាពលរដ្ឋខ្មែរទាំងអស់ដែលនិយមគាំទ្រវិស័យកីឡាកម្ពុជាបានសម្តែងការសោកស្តាយយ៉ាងខ្លាំងសម្រាប់ការបាត់បង់ឱកាសដ៏ល្អក្នុងការដណ្តើមមេដាយរបស់គេ ប៉ុន្តែសម្រាប់ សៀវម៉ី ផ្ទាល់បានបញ្ជាក់ថា ខ្លួនមានការសោកស្តាយខ្លាំងជាងប្រជាពលខ្មែរ និងអ្នកគាំទ្រទៅទៀត ក្នុងនាមជាកីឡាការិនីក្តីរំពឹងសម្រាប់កម្ពុជា។
ការគាំទ្ររបស់ប្រជាពលរដ្ឋកម្ពុជាក៏ដូចជាអ្នកគាំទ្រផ្ទាល់ជាចលករជួយជំរុញទឹកចិត្តឲ្យម្ចាស់មេដាយមាសអាស៊ានហ្គេមឆ្នាំ២០១៤ រូបនេះមានកម្លាំងចិត្តធ្វើបានល្អក្នុងការប្រកួតលើឆាកអន្តរជាតិផ្សេងៗនាពេលកន្លងមក ហើយ សៀវម៉ី ជឿជាក់ថាការគាំប្រជាពលរដ្ឋខ្មែរនឹងនៅតែបន្តជារៀងរហូតសម្រាប់រូបគេ ក៏ដូចជាកីឡាការិនីដទៃ ដើម្បីជួយលើកចិត្តជួយលើកស្ទួយវិស័យកីឡានៅកម្ពុជាឲ្យកាន់តែរីកចម្រើន។ គួរបញ្ជាក់ថា ប្រតិភូកម្ពុជាដែលចូលរួមព្រឹត្តិការណ៍កីឡាអូឡាំពិក នៅ Rio ប្រទេសប្រេស៊ីល នឹងមកដល់កម្ពុជាវិញនាថ្ងៃទី២៥ ខែសីហា ស្អែកនេះ៕
រូបថតទាំងអស់ពី ទំព័រហ្វេសប៊ុក NOCC
Tag:
តេក្វាន់ដូ
ស៊ន សៀវម៉ី
RIO2016
© រក្សាសិទ្ធិដោយ thmeythmey.com
