អន្តរជាតិ
លោកស្រី ស៊ូជី ជ្រើសរើសអតីតប្រមុខUN ឲ្យជួយដោះស្រាយបញ្ហានៅរដ្ឋ Rakhine
×![]()
ដោយ: តន ចាន់រិទ្ធារ៉ា
រដ្ឋាភិបាលមីយ៉ាន់ម៉ាបានជ្រើសរើសអតីតអគ្គលេខាធិការអង្គការសហប្រជាជាតិ លោក កូហ្វី អាណាន់ (Kofi Annan) ឲ្យដឹកនាំគណៈកម្មការមួយក្នុងការដោះស្រាយបញ្ហាហិង្សា និងការរំលោភបំពាននៅរដ្ឋ Rakhine។ ជម្លោះហិង្សារវាងក្រុមអ្នកកាន់សាសនាព្រះពុទ្ធ និងក្រុមភាគតិចកាន់សាសនាឥស្លាម បណ្ដាលឲ្យមនុស្សជាច្រើនបាត់បង់ជីវិត និងរាប់សិបពាន់នាក់ទៀត រត់ភៀសខ្លួន និងទាមទារឲ្យការកែទម្រង់ដ៏ធំមួយ។ 
ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី នៅថ្ងៃទី២៤ ខែសីហា បានសម្រេចតែងតាំងអតីតអគ្គលេខាធិការអង្គការសហប្រជាជាតិលោក កូហ្វី អាណាន់ ដើម្បីឲ្យដឹកនាំគណៈកម្មការផ្ដល់យោបល់ក្នុងការដោះស្រាយជម្លោះរវាងក្រុមអ្នកកាន់សាសនាព្រះពុទ្ធ និងជនមូស្លីមភាគតិចនៅរដ្ឋ Rakhine។ មកទល់ពេលនេះ មនុស្សរាប់ពាន់នាក់ហើយ បានភៀសខ្លួនចេញពីតំបន់នេះដែលញាំញីដោយអំពើហិង្សា និងភាពក្រីក្រ។
ក្នុងសេចក្ដីប្រកាសព័ត៌មានដែលចេញដោយការិយាល័យលោកស្រី ស៊ូជី រដ្ឋាភិបាលមីយ៉ាន់ម៉ានិយាយថា មីយ៉ាន់ម៉ាចង់បានដំណោះស្រាយនិរន្តរ៍ភាព ចំពោះបញ្ហាស្មុគ ស្មាញ នៅរដ្ឋ Rakhine។ ដូច្នេះហើយទើបបានជារដ្ឋាភិបាលបង្កើតគណៈកម្មការផ្ដល់យោបល់នេះឡើង។ សេចក្ដីប្រកាសដដែលបន្តថា គណៈកម្មការនេះមានសមាជិកឯករាជ្យ៩នាក់ ក្នុងនោះ៦នាក់ ជាជនជាតិមីយ៉ាន់ម៉ា និង៣នាក់ទៀត ជាជនបរទេស។
ទីភ្នាក់ងារព័ត៌មាន Reuters ផ្សាយថា គណៈកម្មការខាងលើ ដែលមានសមាជិកមកពីសហគមន៍មូស្លីម និងរ៉ូហ៊ីងយ៉ាដែរនោះ នឹងត្រូវផ្ដោតលើការងារទប់ស្កាត់ជម្លោះ គាំទ្រការផ្ដល់ជំនួយមនុស្សធម៌ ការបង្រួបបង្រួមជាតិ ក៏ដូចជាការគោរពសិទ្ធិមនុស្ស និងការអភិវឌ្ឍនៅរដ្ឋ Rakhine។ ចំណែករបាយការណ៍ នឹងត្រូវចេញផ្សាយក្នុងរយៈពេលមួយឆ្នាំនៃការបង្កើតគណៈកម្មការនេះ។
សូមរម្លឹកថា លោក កូហ្វី អាណាន់ ធ្លាប់ដឹកនាំអង្គការសហប្រជាជាតិចាប់ពីឆ្នាំ១៩៩៧ ដល់ឆ្នាំ២០០៦ មុននឹងការឡើងស្នងតំណែងរបស់បុរសជនជាតិកូរ៉េខាងត្បូង លោក បាន គីមូន ដែលនឹងចប់អាណត្តិនៅចុងឆ្នាំនេះដែរនោះ។ ជាមួយគ្នានេះ មុនចេញពីតំណែង លោក បាន គីមូន នឹងមកទស្សនកិច្ចនៅមីយ៉ាន់ម៉ានៅចុងខែសីហានេះដែរ ខណៈលោកស្រី ស៊ូជី ដែលជារដ្ឋមន្ត្រីការបរទេសដែរនោះ នឹងទៅអាមេរិកនៅខែកញ្ញាខាងមុខ។
បើទោះជាសេចក្ដីប្រកាសព័ត៌មានមិនបានបញ្ជាក់មូលហេតុនៃការតែងតាំងលោក កូហ្វី អាណាន់ ក្ដី គេអាចយល់បានថា ស្នាដៃក្នុងការដឹកនាំអង្គការសហប្រជាជាតិ និងតួនាទីជាតំណាងពិសេសអគ្គលេខាធិការអង្គការសហប្រជាជាតិសម្រាប់ជម្លោះស៊ីរី ជាគុណសម្បត្តិមួយ ដែលជំរុញឲ្យលោកស្រី ស៊ូជី ជ្រើសរើសលោក។ មិនតែប៉ុណ្ណោះ លោកក៏ជាជ័យលាភីណូបែលសន្តិភាពឆ្នាំ២០០១ផងដែរ៕
ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី នៅថ្ងៃទី២៤ ខែសីហា បានសម្រេចតែងតាំងអតីតអគ្គលេខាធិការអង្គការសហប្រជាជាតិលោក កូហ្វី អាណាន់ ដើម្បីឲ្យដឹកនាំគណៈកម្មការផ្ដល់យោបល់ក្នុងការដោះស្រាយជម្លោះរវាងក្រុមអ្នកកាន់សាសនាព្រះពុទ្ធ និងជនមូស្លីមភាគតិចនៅរដ្ឋ Rakhine។ មកទល់ពេលនេះ មនុស្សរាប់ពាន់នាក់ហើយ បានភៀសខ្លួនចេញពីតំបន់នេះដែលញាំញីដោយអំពើហិង្សា និងភាពក្រីក្រ។
ក្នុងសេចក្ដីប្រកាសព័ត៌មានដែលចេញដោយការិយាល័យលោកស្រី ស៊ូជី រដ្ឋាភិបាលមីយ៉ាន់ម៉ានិយាយថា មីយ៉ាន់ម៉ាចង់បានដំណោះស្រាយនិរន្តរ៍ភាព ចំពោះបញ្ហាស្មុគ ស្មាញ នៅរដ្ឋ Rakhine។ ដូច្នេះហើយទើបបានជារដ្ឋាភិបាលបង្កើតគណៈកម្មការផ្ដល់យោបល់នេះឡើង។ សេចក្ដីប្រកាសដដែលបន្តថា គណៈកម្មការនេះមានសមាជិកឯករាជ្យ៩នាក់ ក្នុងនោះ៦នាក់ ជាជនជាតិមីយ៉ាន់ម៉ា និង៣នាក់ទៀត ជាជនបរទេស។
ទីភ្នាក់ងារព័ត៌មាន Reuters ផ្សាយថា គណៈកម្មការខាងលើ ដែលមានសមាជិកមកពីសហគមន៍មូស្លីម និងរ៉ូហ៊ីងយ៉ាដែរនោះ នឹងត្រូវផ្ដោតលើការងារទប់ស្កាត់ជម្លោះ គាំទ្រការផ្ដល់ជំនួយមនុស្សធម៌ ការបង្រួបបង្រួមជាតិ ក៏ដូចជាការគោរពសិទ្ធិមនុស្ស និងការអភិវឌ្ឍនៅរដ្ឋ Rakhine។ ចំណែករបាយការណ៍ នឹងត្រូវចេញផ្សាយក្នុងរយៈពេលមួយឆ្នាំនៃការបង្កើតគណៈកម្មការនេះ។
សូមរម្លឹកថា លោក កូហ្វី អាណាន់ ធ្លាប់ដឹកនាំអង្គការសហប្រជាជាតិចាប់ពីឆ្នាំ១៩៩៧ ដល់ឆ្នាំ២០០៦ មុននឹងការឡើងស្នងតំណែងរបស់បុរសជនជាតិកូរ៉េខាងត្បូង លោក បាន គីមូន ដែលនឹងចប់អាណត្តិនៅចុងឆ្នាំនេះដែរនោះ។ ជាមួយគ្នានេះ មុនចេញពីតំណែង លោក បាន គីមូន នឹងមកទស្សនកិច្ចនៅមីយ៉ាន់ម៉ានៅចុងខែសីហានេះដែរ ខណៈលោកស្រី ស៊ូជី ដែលជារដ្ឋមន្ត្រីការបរទេសដែរនោះ នឹងទៅអាមេរិកនៅខែកញ្ញាខាងមុខ។
បើទោះជាសេចក្ដីប្រកាសព័ត៌មានមិនបានបញ្ជាក់មូលហេតុនៃការតែងតាំងលោក កូហ្វី អាណាន់ ក្ដី គេអាចយល់បានថា ស្នាដៃក្នុងការដឹកនាំអង្គការសហប្រជាជាតិ និងតួនាទីជាតំណាងពិសេសអគ្គលេខាធិការអង្គការសហប្រជាជាតិសម្រាប់ជម្លោះស៊ីរី ជាគុណសម្បត្តិមួយ ដែលជំរុញឲ្យលោកស្រី ស៊ូជី ជ្រើសរើសលោក។ មិនតែប៉ុណ្ណោះ លោកក៏ជាជ័យលាភីណូបែលសន្តិភាពឆ្នាំ២០០១ផងដែរ៕
Tag:
មីយ៉ាន់ម៉ា
Kofi Annan
UN
© រក្សាសិទ្ធិដោយ thmeythmey.com
