ជាតិ
នយោបាយជាតិ
សម្ដេច ហ៊ុន សែន សម្រេចដកគម្រោងសង់ផ្លូវពីធនាគារពិភពលោក តាមសំណើអ្នក comment ក្នុងហ្វេសប៊ុក
×![]()
ដោយ: សារព័ត៌មានថ្មីៗ
សម្ដេច ហ៊ុន សែន សម្រេចដកផ្លូវមួយខ្សែរ ប្រវែង ២០គីឡូម៉ែត ដែលស្ថិតនៅក្នុងគម្រោងសាងសងរបស់ធនាគារពិភពលោក ប្រគល់ឲ្យអាជ្ញាធរខេត្តកំពង់ចាមជាអ្នកទទួលខុសត្រូវក្នុងការសាងសងវិញ ។ នេះបើយោងតាមបណ្ដាញសង្គមហ្វេសប៊ុករបស់សម្ដេច ហ៊ុន សែន Samdech Hun Sen, Cambodian Prime Minister ។
នៅព្រឹកថ្ងៃទី២៤ ខែសីហា ឆ្នាំ២០១៦នេះ ក្នុងជំនួបសំណេះសំណាលជាមួយមន្ត្រី ក្រុមប្រឹក្សាឃុំ សង្កាត់ ក្រុង ស្រុក ខេត្ត និងកងកម្លាំងប្រដាប់អាវុធក្នុងខេត្តកំពង់ចាម សម្ដេច ហ៊ុន សែន បានសម្រេចដកយកគម្រោងសាងសងផ្លូវប្រវែង២០គីឡូម៉ែត្រនៅក្នុងស្រុកស្រីសន្ធរពីធនាគារពិភពលោក ប្រគល់មកឲ្យអាជ្ញាធរខេត្តកំពង់ចាមកសាង។ ការដកនេះ គឺឆ្លើយតបជាមួយម្ចាស់ហ្វេសប៊ុក ឈ្មោះ LE Moon ដែលបាន Comment ស្នើសុំ ដោយផ្ញើចូល Facebook សម្ដេច។
កន្លងមកការកសាងផ្លូវនេះគឺស្ថិតក្នុងគម្រោងរបស់ធនាគារពិភពលោក ប៉ុន្តែការកសាងពេលនេះគឺជាសមត្ថកិច្ចរបស់អាជ្ញាខេត្តជាអ្នកសាងសង នឹងប្រើប្រាស់ថវិកាជាតិតែម្ដង។ នៅក្នុងការកសាងនេះអាជ្ញាធរខេត្ត នឹងបញ្ជូន ក្រុមជំនាញនឹងចុះសិក្សាជាបន្ទាន់ដើម្បីកំណត់ថាត្រូវចាក់បេតុងឬប្រើកៅស៊ូ ហើយត្រូវកសាងឲ្យប្រជាពលរដ្ឋប្រើប្រាស់ឲ្យរួចរាល់មុនពេលបោះឆ្នោត។
ទន្ទឹមនឹងនេះដែរ សម្ដេច ហ៊ុន សែន បានសម្រេចអោយ ចេញ (សជណ) កាត់ដីចេញពីសារពើពន្ធរបស់រដ្ឋចំនួន០៣កន្លែង ក្នុងខេត្តកំពង់ចាម ជូនប្រជាពលរដ្ឋដែលធ្លាប់បានរស់ទីនេះយូរមកហើយ។ ទី១ គឺដីឃ្លាំងពាណិជ្ជកម្មស្រុកចំការលើ នឹងកាត់ជូនប្រជាពលរដ្ឋចំនួន៦២គ្រួសារ។ ទី២ ដីឃ្លាំងស្រុកស្រីសន្ធរ គឺកាត់ជូនប្រជាជនចំនួន០២គ្រួសារ និងទី៣ ដីអតីតមណ្ឌលយុទ្ធជនពិការមន្ទីរសង្គមកិច្ចគឺកាត់ជូនប្រជាជនចំនួន២៩គ្រួសារ។ បន្ថែមពីនេះ លោកនាយករដ្ឋមន្ត្រី ក៏បានប្រាប់អាជ្ញាធរខេត្តនិងមន្ទីរពាក់ព័ន្ធ ត្រូវសហការគ្នាធ្វើការងារនេះ ព្រមទាំងធ្វើប័ណ្ណកម្មសិទ្ធជូនពលរដ្ឋឲ្យបានលឿនបំផុត៕
នៅព្រឹកថ្ងៃទី២៤ ខែសីហា ឆ្នាំ២០១៦នេះ ក្នុងជំនួបសំណេះសំណាលជាមួយមន្ត្រី ក្រុមប្រឹក្សាឃុំ សង្កាត់ ក្រុង ស្រុក ខេត្ត និងកងកម្លាំងប្រដាប់អាវុធក្នុងខេត្តកំពង់ចាម សម្ដេច ហ៊ុន សែន បានសម្រេចដកយកគម្រោងសាងសងផ្លូវប្រវែង២០គីឡូម៉ែត្រនៅក្នុងស្រុកស្រីសន្ធរពីធនាគារពិភពលោក ប្រគល់មកឲ្យអាជ្ញាធរខេត្តកំពង់ចាមកសាង។ ការដកនេះ គឺឆ្លើយតបជាមួយម្ចាស់ហ្វេសប៊ុក ឈ្មោះ LE Moon ដែលបាន Comment ស្នើសុំ ដោយផ្ញើចូល Facebook សម្ដេច។
កន្លងមកការកសាងផ្លូវនេះគឺស្ថិតក្នុងគម្រោងរបស់ធនាគារពិភពលោក ប៉ុន្តែការកសាងពេលនេះគឺជាសមត្ថកិច្ចរបស់អាជ្ញាខេត្តជាអ្នកសាងសង នឹងប្រើប្រាស់ថវិកាជាតិតែម្ដង។ នៅក្នុងការកសាងនេះអាជ្ញាធរខេត្ត នឹងបញ្ជូន ក្រុមជំនាញនឹងចុះសិក្សាជាបន្ទាន់ដើម្បីកំណត់ថាត្រូវចាក់បេតុងឬប្រើកៅស៊ូ ហើយត្រូវកសាងឲ្យប្រជាពលរដ្ឋប្រើប្រាស់ឲ្យរួចរាល់មុនពេលបោះឆ្នោត។
ទន្ទឹមនឹងនេះដែរ សម្ដេច ហ៊ុន សែន បានសម្រេចអោយ ចេញ (សជណ) កាត់ដីចេញពីសារពើពន្ធរបស់រដ្ឋចំនួន០៣កន្លែង ក្នុងខេត្តកំពង់ចាម ជូនប្រជាពលរដ្ឋដែលធ្លាប់បានរស់ទីនេះយូរមកហើយ។ ទី១ គឺដីឃ្លាំងពាណិជ្ជកម្មស្រុកចំការលើ នឹងកាត់ជូនប្រជាពលរដ្ឋចំនួន៦២គ្រួសារ។ ទី២ ដីឃ្លាំងស្រុកស្រីសន្ធរ គឺកាត់ជូនប្រជាជនចំនួន០២គ្រួសារ និងទី៣ ដីអតីតមណ្ឌលយុទ្ធជនពិការមន្ទីរសង្គមកិច្ចគឺកាត់ជូនប្រជាជនចំនួន២៩គ្រួសារ។ បន្ថែមពីនេះ លោកនាយករដ្ឋមន្ត្រី ក៏បានប្រាប់អាជ្ញាធរខេត្តនិងមន្ទីរពាក់ព័ន្ធ ត្រូវសហការគ្នាធ្វើការងារនេះ ព្រមទាំងធ្វើប័ណ្ណកម្មសិទ្ធជូនពលរដ្ឋឲ្យបានលឿនបំផុត៕
Tag:
ហ៊ុន សែន
© រក្សាសិទ្ធិដោយ thmeythmey.com
