អន្តរជាតិ
មីយ៉ាន់ម៉ា៖យ៉ាងហោចម្នាក់ស្លាប់និងប្រាសាទជាង ៦០ ខូចខាតដោយសាររញ្ជួយដីកម្រិត៦.៨រ៉ិចទ័រ
រូបភាព៖ Irrawaddy
×![]()
ដោយ: ថ្មីៗ
គ្រោះរញ្ជួយដីកម្រិត ៦.៨ រ៉ិចទ័រនៅមីយ៉ាន់ម៉ានៅថ្ងៃពុធទី ២៤ សីហានេះបានបណ្តាលឲ្យប្រាសាទបុរាណជាង ៦០ដែលស្ថិតនៅក្រុង Bagan រងការខូចខាតយ៉ាងធ្ងន់ធ្ងរ។ ហើយមនុស្សយ៉ាងហោចណាស់ម្នាក់បានស្លាប់បាត់បង់ជីវិតដោយសារគ្រោះមហន្តរាយនេះ។
គ្រោះមហន្តរាយរញ្ជួយដីបានវាយប្រហារលើប្រទេសមីយ៉ាន់ម៉ានាថ្ងៃ ពុធ នេះ ហើយបានឆក់យកជីវិតមនុស្សយ៉ាងហោចណាស់ម្នាក់ និងបំផ្លិចបំផ្លាញប្រាសាទបុរាណច្រើនជាង ៦០ ឯណោះ។
គ្រោះមហន្តរាយរញ្ជួយដីបានវាយប្រហារលើប្រទេសមីយ៉ាន់ម៉ានាថ្ងៃ ពុធ នេះ ហើយបានឆក់យកជីវិតមនុស្សយ៉ាងហោចណាស់ម្នាក់ និងបំផ្លិចបំផ្លាញប្រាសាទបុរាណច្រើនជាង ៦០ ឯណោះ។
យោងតាមសារព័ត៌មានក្នុងស្រុក Irrawaddy គ្រោះមហន្តរាយធម្មជាតិនេះកើតឡើងនៅម៉ោងប្រហែល ៥ ម៉ោងក្នុងតំបន់ ហើយរលករញ្ជួយនេះមានកម្រិតរហូតដល់ ៦.៨រ៉ិចទ័រឯណោះ។ ក្រោយកើតហេតុ គេទទួលបានព័ត៌មានថា ប្រាសាទបុរាណនៅក្រុង Bagan ច្រើនជាង ៦០ កន្លែងបានរងការខូចខាតខ្លាំង។
បើតាមលោក Soe Soe Lin ដែលជាមន្ត្រីនៃនាយកដ្ឋានបុរាណវិទ្យា Bagan ប្រាសាទប្រហែល ៦៥ បានរងការខូចខាតដោយសារគ្រោះរញ្ជួយដីនេះ ហើយចំនួនប្រាសាទខូចខាតនេះអាចនឹងកើនឡើងទៀត។
ក្រៅពីបង្កការខូចខាតដល់ប្រាសាទបុរាណរាប់សិប គ្រោះរញ្ជួយដីនេះក៏បានសម្លាប់មនុស្សម្នាក់ដែរ។ បើតាមប្រភពសារព័ត៌មានខាងលើដដែល បុរសម្នាក់វ័យ ២២ឆ្នាំ នៅក្រុង Pakokku បានស្លាប់ដោយសារអាគាររលំសង្កត់។ គេមិនទាន់ទទួលបានរបាយការណ៍ច្បាស់ការពាក់ព័ន្ធអ្នករបួសនិងអ្នកស្លាប់ឡើយមកទល់ពេលនេះ៕
© រក្សាសិទ្ធិដោយ thmeythmey.com
