ស្ត្រីលើសបុរសជិតកន្លះលាននាក់ ក្នុងចំណោមអ្នកមានអាយុចាប់ពី ១៨ ឆ្នាំឡើងទៅ

ជាតិ

ស្ត្រីលើសបុរសជិតកន្លះលាននាក់ ក្នុងចំណោមអ្នកមានអាយុចាប់ពី ១៨ ឆ្នាំឡើងទៅ

02, Sep 2016 , 8:19 am

រូបភាព

ដោយ: ថ្មីៗ

ប្រជាពលរដ្ឋខ្មែរចាប់ពីអាយុ ១៨ ឆ្នាំ ឡើងទៅមានចំនួន ៩,៦៦៤,២១៦ នាក់ នៅក្នុងនោះចំនួនស្ត្រីលើសបុរសជិតកន្លះលាននាក់។

តាមស្ថិតិរបស់គណៈកម្មាធិការជាតិរៀបចំការបោះឆ្នោត គិតត្រឹមឆ្នាំ ២០១៦ នេះ កម្ពុជាមានប្រជាពលរដ្ឋដែលមានអាយុចាប់ពី ១៨ ឆ្នាំឡើងទៅចំនួន ៩,៦៦៤,២១៦ នាក់ ដោយបុរសមានចំនួន ៤,៦១៥,២០៥ នាក់ និងស្ត្រីចំនួន ៥,០៤៩,០១១ នាក់។ ចំនួនស្ត្រីដែលមានអាយុចាប់ពី ១៨ ឆ្នាំឡើងទៅលើសបុរសដែលមានអាយុចាប់ពី ១៨ ឆ្នាំឡើង ចំនួន៤៣៣, ៨០៦ នាក់។

ជាមួយគ្នានេះ គណៈកម្មាធិការជាតិរៀបចំការបោះឆ្នោត បន្ថែមថា ចំនួនពលរដ្ឋដែលមានអាយុចាប់ពី ១៨ ឆ្នាំឡើងទៅបានទទួលអត្តសញ្ញាណបណ្ណចំនួន ៨,៦ លាននាក់។

តារាងស្ថិតិប្រជាពលរដ្ឋ របស់គ.ជ.ប ដែលបានផ្សាយជាសាធារណៈកាលពីចុងខែមីនា ឆ្នាំ ២០១៦ បានបញ្ជាក់ថា កម្ពុជាមានប្រជាជនសរុបទូទាំងប្រទេសចំនូន ១៥,៧២១,៣៦៦ នាក់៕