ក្រសួងការងារ ស្នើម្ចាស់សហគ្រាសបើកប្រាក់ឈ្នួលដល់កម្មករមុនថ្ងៃភ្ជុំបិណ្ឌ

ជាតិ

សេដ្ឋកិច្ច

ក្រសួងការងារ ស្នើម្ចាស់សហគ្រាសបើកប្រាក់ឈ្នួលដល់កម្មករមុនថ្ងៃភ្ជុំបិណ្ឌ

22, Sep 2016 , 8:19 pm

រូបភាព

ដោយ:

ក្រសួងការងារ និងបណ្ដុះបណ្ដាលវិជ្ជាជីវៈ ប្រកាសឲ្យម្ចាស់សហគ្រាស គ្រឹះស្ថានទាំងអស់ ដែលស្ថិតក្នុងដែនអនុវត្តច្បាប់ស្ដីពីការងារ អនុញ្ញាតកម្មករនិយោជិត បានឈប់សម្រាកដោយមានប្រាក់ឈ្នួលក្នុងឱកាសបុណ្យភ្ជុំបិណ្ឌខាងមុខ។

ដើម្បីបង្កលក្ខណៈងាយស្រួលដល់កម្មករនិយោជិតក្នុងឱកាសបុណ្យភ្ជុំបិណ្ឌ ក្រសួងការងារ និងបណ្ដុះបណ្ដាលវិជ្ជាជីវៈ ស្នើសហគ្រាសទាំងអស់ អនុញ្ញាតឲ្យកម្មករនិយោជិតទាំងអស់របស់ខ្លួន ឈប់សម្រាកដោយមានប្រាក់ឈ្នួលក្នុងឱកាសបុណ្យភ្ជុំបិណ្ឌ រយៈពេលបួនថ្ងៃ គឺចាប់ពីថ្ងៃទី៣០ខែកញ្ញា រហូតដល់ថ្ងៃទី៣ខែតុលា។ នេះបើតាមសេចក្ដីជូនដំណឹងរបស់ក្រសួង ដែលបញ្ជាក់ទៀតថា ម្ចាស់សហគ្រាស ត្រូវខិតខំរៀបចំបើកប្រាក់ឈ្នួលកម្មករនិយោជិត ឲ្យបានមុនថ្ងៃបុណ្យភ្ជុំបិណ្ឌ។ ប៉ុន្តែបើពុំមានលទ្ធភាពបើកប្រាក់ឈ្នួលទាន់ពេលទេ ត្រូវអនុញ្ញាតឲ្យកម្មករនិយោជិតទទួលប្រាក់បុរេប្រទានយ៉ាងតិច ៥០ភាគរយ មុនពេលបុណ្យភ្ជុំបិណ្ឌ។

ការប្រកាសរបស់ក្រសួងនេះ ដោយយោងតាមច្បាប់ស្ដីពីការងារ និងប្រកាសក្រសួងលេខ៤១៦ កប/ប្រក. ចុះថ្ងៃទី២១ខែតុលាឆ្នាំ២០១៥ ស្ដីពីការឈប់បុណ្យដែលត្រូវមានប្រាក់ឈ្នួលប្រចាំឆ្នាំ២០១៦ ។ នេះបើតាសេចក្ដីជូនដំណឹងខាងលើ៕