អន្តរជាតិ
លោក ប្រធានាធិបតីហ្វីលីពីន Rodrigo Duterte
×![]()
លោកប្រធានាធិបតីហ្វីលីពីន Rodrigo Duterte នឹងបំពេញទស្សនកិច្ចផ្លូវការលើកដំបូងរយៈពេលពីរថ្ងៃទៅកាន់វៀតណាមក្នុងនាមជាប្រមុខរដ្ឋនៅថ្ងៃទី២៨-២៩ ខែកញ្ញានេះ។ អំឡុងពេលនៃដំណើរទស្សនកិច្ចនេះ លោកប្រធានាធិបតី នឹងជួបពិភាក្សាទ្វេភាគីជាមួយនឹងសមភាគីវៀតណាម លោកប្រធានាធិបតី Trần Đại Quang ដែលសមុទ្រចិនខាងត្បូង ក៏អាចនឹងស្ថិតនៅក្នុងរបៀបវារៈនៃជំនួបនោះដែរ។ 
អ្នកនាំពាក្យក្រសួងការបរទេសហ្វីលីពីនលោក Charles Jose នៅថ្ងៃទី២៦ ខែកញ្ញា បានថ្លែងក្នុងឱកាសនៃការសង្ខេបព័ត៌មានប្រចាំថ្ងៃថា «លោកប្រធានាធិបតី Rodrigo Duterte បានត្រៀមពិភាក្សាបញ្ហាជម្លោះដែនសមុទ្រចិនខាងត្បូងរួចហើយ ក្នុងករណីដែលភាគីទាំងសងខាង អាចព្រមព្រៀងនិយាយបញ្ហានេះនៅដំណើរទស្សនកិច្ចរបស់លោក»។
ដោយសារតែបញ្ហាសមុទ្រចិនខាងត្បូង មិនស្ថិតនៅក្នុងរបៀបវារៈជាក់លាក់នៅឡើយនោះ អ្នកនាំពាក្យដែលជាឧបការីទទួលបន្ទុកកិច្ចការបរទេសផងដែរនោះ បានត្រឹមបញ្ជាក់ថា ប្រសិនបើបញ្ហានោះ ពិតជាអាចនឹងត្រូវជជែកមែននោះ លោក គ្រាន់តែនិយាយក្នុងក្របខណ្ឌដែលពាក់ព័ន្ធនឹងសារៈសំខាន់នៃការរក្សា ស្ថិរភាព សន្តិភាព សន្តិសុខនៅក្នុងតំបន់ប៉ុណ្ណោះ។ នេះបើយោងតាមការចុះផ្សាយរបស់សារព័ត៌មានហ្វីលីពីន The Philippine Star។
លោក Jose នាឱកាសនោះ បានកត់សម្គាល់ដែរថា តួនាទីរបស់វៀតណាមនៅក្នុងសមុទ្រចិនខាងត្បូងពិតជាសំខាន់ ដោយលោក បានលើកហេតុផលពីរមកពន្យល់។ ទីមួយ វៀតណាម គឺជាប្រទេសទាមទារនៅលើតំបន់ត្រួតស៊ីគ្នានៅក្នុងសមុទ្រចិនខាងត្បូង។ និងទីពីរ វៀតណាម គឺជាសមាជិកសមាគមប្រជាជាតិអាស៊ីអាគ្នេយ៍។ នេះបើយោងតាមប្រភពព័ត៌មានដដែល ដែលបានបន្ថែមថា លោកប្រធានាធិបតី នឹងជួបពិភាក្សាជាមួយនឹងមេដឹកវៀតណាមដោយនឹងជជែកលើវិស័យជាច្រើនរួមមានការផ្លាស់ប្តូរទ្វេភាគី ដូចជាសហប្រតិបត្តិការដែនសមុទ្រ, ការពង្រឹងបន្ថែមនៃការអនុវត្តច្បាប់ និងការការពារជាតិ និងការបង្កើនពាណិជ្ជកម្ម និងការវិនិយោគ។
សូមជម្រាបផងដែរថា គិតចាប់ពីថ្ងៃឡើងកាន់អំណាចជាផ្លូវការជាប្រធានាធិបតីហ្វីលីពីននៅថ្ងៃទី៣០ ខែមិថុនា លោក Rodrigo Duterteបានបំពេញទស្សនកិច្ចនៅក្នុងតំបន់អាស៊ានបានពីរប្រទេសហើយ។ លោក បានបំពេញទស្សនកិច្ចលើកដំបូងទៅកាន់ឡាវនាឱកាសនៃកិច្ចប្រជុំកំពូលអាស៊ាននៅដើមខែកញ្ញា ហើយបានចាកចេញទៅកាន់ប្រទេសទីពីររបស់អាស៊ានគឺឥណ្ឌូនេស៊ី។ នេះ ក៏មានន័យដែរថា វៀតណាម នឹងក្លាយជាប្រទេសទីបីហើយរបស់លោកក្នុងដំណើរទស្សនកិច្ចក្រៅប្រទេស។
ងាកមកបញ្ហាសមុទ្រចិនខាងត្បូងបន្តិច ! កន្លងមក ហ្វីលីពីន និងវៀតណាមតែងតែប្រកៀកស្មាគ្នាដើម្បីតទល់ជាមួយនឹងចិននៅក្នុងវេទិកាអន្តរជាតិ និងក្នុងតំបន់។ ដោយឡែក ក្រោយនៃការប្រកាសជំហរចរចាទ្វេភាគីរបស់ហ្វីលីពីនក្នុងរដ្ឋបាលថ្មីដឹកនាំដោយលោកប្រធានាធិបតី Rodrigo Duterte ទំនាក់ទំនង និងជំហរភាគីទាំងពីរហាក់ដូចជាថមថយបន្តិច ដ្បិត វៀតណាម មិនដែលប្រកាសជំហរសាធារណៈចរចាជាមួយនឹងចិនទ្វេភាគីឡើយ៕
អ្នកនាំពាក្យក្រសួងការបរទេសហ្វីលីពីនលោក Charles Jose នៅថ្ងៃទី២៦ ខែកញ្ញា បានថ្លែងក្នុងឱកាសនៃការសង្ខេបព័ត៌មានប្រចាំថ្ងៃថា «លោកប្រធានាធិបតី Rodrigo Duterte បានត្រៀមពិភាក្សាបញ្ហាជម្លោះដែនសមុទ្រចិនខាងត្បូងរួចហើយ ក្នុងករណីដែលភាគីទាំងសងខាង អាចព្រមព្រៀងនិយាយបញ្ហានេះនៅដំណើរទស្សនកិច្ចរបស់លោក»។
ដោយសារតែបញ្ហាសមុទ្រចិនខាងត្បូង មិនស្ថិតនៅក្នុងរបៀបវារៈជាក់លាក់នៅឡើយនោះ អ្នកនាំពាក្យដែលជាឧបការីទទួលបន្ទុកកិច្ចការបរទេសផងដែរនោះ បានត្រឹមបញ្ជាក់ថា ប្រសិនបើបញ្ហានោះ ពិតជាអាចនឹងត្រូវជជែកមែននោះ លោក គ្រាន់តែនិយាយក្នុងក្របខណ្ឌដែលពាក់ព័ន្ធនឹងសារៈសំខាន់នៃការរក្សា ស្ថិរភាព សន្តិភាព សន្តិសុខនៅក្នុងតំបន់ប៉ុណ្ណោះ។ នេះបើយោងតាមការចុះផ្សាយរបស់សារព័ត៌មានហ្វីលីពីន The Philippine Star។
លោក Jose នាឱកាសនោះ បានកត់សម្គាល់ដែរថា តួនាទីរបស់វៀតណាមនៅក្នុងសមុទ្រចិនខាងត្បូងពិតជាសំខាន់ ដោយលោក បានលើកហេតុផលពីរមកពន្យល់។ ទីមួយ វៀតណាម គឺជាប្រទេសទាមទារនៅលើតំបន់ត្រួតស៊ីគ្នានៅក្នុងសមុទ្រចិនខាងត្បូង។ និងទីពីរ វៀតណាម គឺជាសមាជិកសមាគមប្រជាជាតិអាស៊ីអាគ្នេយ៍។ នេះបើយោងតាមប្រភពព័ត៌មានដដែល ដែលបានបន្ថែមថា លោកប្រធានាធិបតី នឹងជួបពិភាក្សាជាមួយនឹងមេដឹកវៀតណាមដោយនឹងជជែកលើវិស័យជាច្រើនរួមមានការផ្លាស់ប្តូរទ្វេភាគី ដូចជាសហប្រតិបត្តិការដែនសមុទ្រ, ការពង្រឹងបន្ថែមនៃការអនុវត្តច្បាប់ និងការការពារជាតិ និងការបង្កើនពាណិជ្ជកម្ម និងការវិនិយោគ។
សូមជម្រាបផងដែរថា គិតចាប់ពីថ្ងៃឡើងកាន់អំណាចជាផ្លូវការជាប្រធានាធិបតីហ្វីលីពីននៅថ្ងៃទី៣០ ខែមិថុនា លោក Rodrigo Duterteបានបំពេញទស្សនកិច្ចនៅក្នុងតំបន់អាស៊ានបានពីរប្រទេសហើយ។ លោក បានបំពេញទស្សនកិច្ចលើកដំបូងទៅកាន់ឡាវនាឱកាសនៃកិច្ចប្រជុំកំពូលអាស៊ាននៅដើមខែកញ្ញា ហើយបានចាកចេញទៅកាន់ប្រទេសទីពីររបស់អាស៊ានគឺឥណ្ឌូនេស៊ី។ នេះ ក៏មានន័យដែរថា វៀតណាម នឹងក្លាយជាប្រទេសទីបីហើយរបស់លោកក្នុងដំណើរទស្សនកិច្ចក្រៅប្រទេស។
ងាកមកបញ្ហាសមុទ្រចិនខាងត្បូងបន្តិច ! កន្លងមក ហ្វីលីពីន និងវៀតណាមតែងតែប្រកៀកស្មាគ្នាដើម្បីតទល់ជាមួយនឹងចិននៅក្នុងវេទិកាអន្តរជាតិ និងក្នុងតំបន់។ ដោយឡែក ក្រោយនៃការប្រកាសជំហរចរចាទ្វេភាគីរបស់ហ្វីលីពីនក្នុងរដ្ឋបាលថ្មីដឹកនាំដោយលោកប្រធានាធិបតី Rodrigo Duterte ទំនាក់ទំនង និងជំហរភាគីទាំងពីរហាក់ដូចជាថមថយបន្តិច ដ្បិត វៀតណាម មិនដែលប្រកាសជំហរសាធារណៈចរចាជាមួយនឹងចិនទ្វេភាគីឡើយ៕
Tag:
ហ្វីលីពីន
វៀតណាម
អាស៊ាន
© រក្សាសិទ្ធិដោយ thmeythmey.com
