កីឡាជាតិ
ជាតិ
ក្រុមកីឡាបាល់ទះឆ្នេរខ្សាច់កម្ពុជាបានធ្លាក់ចេញពីការប្រកួតកីឡា Beach Games នៅដាណាង
×
ក្រុមកីឡាបាល់ទះកម្ពុជាបានបាត់បង់ឱកាសបន្តប្រជែងក្នុងព្រឹត្តិការណ៍កីឡាឆ្នេរខ្សាច់អាស៊ី លើកទី៥ (Asian Beach Games 2016) នៅទីក្រុងដាណាង ប្រទេសវៀតណាម បន្ទាប់ពីក្រុមនេះចាញ់ទាំង៣ប្រកួតក្នុងវគ្គជម្រុះតាមពូល។
ក្រុមកីឡាបាល់ទះឆ្នេរខ្សាច់កម្ពុជាដែលមានកីឡាករ ជុន សោភា និង ស៊ឹម ឃ្លោក បានធ្លាក់ចេញពីព្រឹត្តិការណ៍កីឡាឆ្នេរខ្សាច់អាស៊ីលើកទី៥ នៅទីក្រុងដាណាង ប្រទេសវៀតណាម។ ការបាត់បង់ឱកាសរបស់ក្រុមកម្ពុជាបន្ទាប់ពីក្រុមនេះចាញ់ទាំង៣ប្រកួតក្នុងវគ្គជម្រុះក្នុងពូលD។
ក្នុងនោះក្រុមបាល់ទះឆ្នេរខ្សាច់កម្ពុជាបានចាញ់ក្រុមកីឡាករថៃ ២សិតទល់នឹង១(២-១) និងចាញ់ក្រុមចិន ២សិតទល់នឹង០(២-០) កាលពីម្សិលមិញ។ ហើយបានបន្តចាញ់ក្រុមកីឡាករអាហ្វហ្គានីស្ថាន២សិតទល់នឹង១សិត(២-១) កាលពីព្រឹកថ្ងៃទី២៧ ខែកញ្ញា នេះ។
គួរបញ្ជាក់ថា សម្រាប់ការប្រកួតកីឡាឆ្នេរខ្សាច់អាស៊ីលើកទី៥ នៅទីក្រុងដាណាង ប្រទេសវៀតណាម នេះ កម្ពុជាបានបញ្ជូនកីឡាចំនួន៥ប្រភេទឲ្យចូលរួមក្នុងនោះមាន កីឡាបាល់ទះឆ្នេរខ្សាច់(២នាក់), ប៉េតង់(១៨នាក់), ចំបាប់(៥នាក់), ល្បុក្កតោ(៤នាក់) និងវ៉ូវីណាម(១០នាក់)៕
Tag:
បាល់ទះឆ្នេរខ្សាច់
Asian Beach Games 2016
© រក្សាសិទ្ធិដោយ thmeythmey.com