ជាតិ
ជនរងគ្រោះដែលរងការវាយដំ និងត្រូវបានចងស្លាបសេក។ រូបថត ហ្វេសប៊ុក
×![]()
សៀមរាប៖ ទោះជាពុំទាន់មានពាក្យបណ្តឹងពីជនរងគ្រោះដែលរងការវាយដំនៅតំបន់អង្គរ ក៏ដោយ ក៏ក្រុមអង្គការសង្គមស៊ីវិលនៅខេត្តសៀមរាប អះអាងថាខ្លួនកំពុងបើកការស៊ើបអង្កេត ដើម្បីជួយផ្លូវច្បាប់ដល់ជនរងគ្រោះ។ ការស៊ើបអង្កេតរបស់សង្គមស៊ីវិល គឺក្រោយពេលដែលជនរងគ្រោះ ដែលគេស្គាល់ថាជាមនុស្សមានសតិមិនគ្រប់ បានបាត់ដំណឹងឈឹង ក្រោយពេលរងការវាយដំ។
អំពើហិង្សាមួយ បានកើតឡើងនៅថ្ងៃទី២៣ កញ្ញា ទៅលើបុរសវិកលចរិតម្នាក់ នៅក្នុងតំបន់អង្គរ។ ហេតុការណ៍នេះ បានកើតឡើងនៅវត្តអង្គរខាងត្បូង ហើយជនរងគ្រោះត្រូវគេព្រួតវាយដល់សន្លប់ និងចងស្លាបសេក។
លោក សួស ណារិន អ្នកស៊ើបអង្កេតអង្គការអាដហុកប្រចាំខេត្តសៀមរាប បានប្រាប់សារព័ត៌មានថ្មីៗថា លោកពុំទាន់ទទួលពាក្យដំណឹងពីជនរងគ្រោះនៅឡើយ។ លោក ណារិន បញ្ជាក់ថា ទោះជាយ៉ាងនេះក្តី តែអង្គការរបស់លោក បានសហការនិងអង្គការដៃគូ ដើម្បីស៊ើបអង្កេតករណីអំពើហិង្សាមួយនេះហើយ។ លោកបន្ថែមថា៖« ក្នុងខណៈនេះ យើងពុំអាចប្រាប់អ្វីលម្អិតបានទេ។ ខ្ញុំគ្រាន់តែបញ្ជាក់ថា យើងកំពុងធ្វើការជាមួយអ្នកដែលបានឃើញហេតុការណ៍នោះហើយ»។
ក្នុងបទសម្ភាសជាមួយវិទ្យុអាស៊ីសេរី លោក នូ ពុទ្ធិ អ្នកសម្របសម្រួលអង្គការសិទ្ធិមនុស្សលីកាដូ ក៏បានលើកទឹកចិត្តឲ្យគ្រួសារជនរងគ្រោះ ដាក់ពាក្យបណ្តឹងផងដែរ។ លោក នូ ពុទ្ធិ បានហៅអំពើហិង្សាទៅលើបុរសដែលមានសតិមិនគ្រប់នោះថាមិនត្រឹមត្រូវ ព្រោះច្បាប់មិនអនុញ្ញាតឲ្យសមត្ថកិច្ច ឫអាជ្ញាធរប្រើហិង្សាទៅលើមនុស្សប្រភេទនោះឡើយ។
លោក ឡុង កុសល អ្នកនាំពាក្យរបស់អាជ្ញាធរជាតិអប្សរា សុំមិនអត្ថាធិប្បាយទៀតទេ ជុំវិញរឿងរ៉ាវនេះ។ តែក្នុងបទសម្ភាសជាមួយវិទ្យុអាស៊ីសេរីកាលពីថ្ងៃទី២៥ កញ្ញា លោក ឡុង កុសល ពន្យល់ថា បុរសវិកលចរិតនោះ បានចូលទៅឆាឆៅក្នុងវត្តអង្គរខាងត្បូង ហើយត្រូវក្រុមក្មេងវត្តដេញវាយ មិនមែនបុគ្គលិករបស់អាជ្ញាធរជាតិអប្សរាឡើយ។
ទាក់ទងនឹងបញ្ហានេះដែរ នគរបាលព្រហ្មទណ្ឌនៃអធិការដ្ឋាននគរបាលក្រុងសៀមរាប ក៏បានច្រានចោល លើការចោទប្រកាន់ទៅលើបុគ្គលិករបស់អាជ្ញាធរជាតិអប្សរាផងដែរ។ តាមការបំភ្លឺរបស់នគរបាល គឺគេបានឃើញយុវជនវិកលចរឹតដែលពុំស្គាល់អត្តសញ្ញាណតាំងពីថ្ងៃទី២២ កញ្ញាមកម្លេះ ដោយគេបានស្លៀកក្រមាចូលទៅបរិវេណវត្តអង្គរខាងត្បូង។ លុះដល់ថ្ងៃទី២៣ ក៏លេចវត្តមានបុរសខាងដើមជាថ្មី ហើយគេបានស្រែកឡូឡា ដោយសារក្រុមប៉ូលិសបេតិកភណ្ឌ និងភ្នាក់ងារអាជ្ញាធរជាតិអប្សរា ហាមមិនឲ្យចូលក្នុងប្រាសាទ។
ការស្រាវជ្រាវរបស់នគរបានព្រហ្មទណ្ឌបានលម្អិតទៀតថា ក្រោយមកបន្តិច បុរសវិកលចរឹតនោះ បានលោតចូលក្នុងទឹកកសិណអង្គរ និងបានហែលឆ្លងចូលទៅដល់វត្តអង្គរខាងត្បូង។ ក្រោយមកបុរសវិកលចរឹតនោះ បានបញ្ចេញកាយវិកាយមិនសមរម្យមួយចំនួន ដូចជារុះរើរបស់របរលើសាលាឆាន់ និងបានហែកថង់រកម្ហូបមកហូប ក្រោយគេធ្វើឲ្យរបស់របរនៅទីនោះ រប៉ាត់រប៉ាយ។
ប្រភពពីនគរបាលព្រហ្មទណ្ឌបានបញ្ជាក់ទៀតថា ឃើញដូចនោះកូនសិស្សវត្ត ក៏នាំគ្នីគ្នាដេញ ដោយមិនបានវាយតប់នោះទេ តែគេត្រូវបុរសវិកលចរឹតនោះវិញទេ គប់នឹងដំបងឈើទៅលើពួកគេ។ បុរសវិកលចរឹតនោះ បានរត់សំដៅទៅអាស្រមតារាជ្យ តែត្រូវបានបានឆ្មាំប្រាសាទហាមមិនឲ្យចូល ដោយបារម្ភបង្កគ្រោះថ្នាក់ដល់ភ្ញៀវទេសចរ។ ក្នុងសភាពបែបនេះ បុរសដែលប្រភពបញ្ជាក់ថាមានសតិមិនគ្រប់ បានគប់ដំបងទៅលើឆ្មាំប្រាសាទ និងបានប្រើហិង្សាលើក្រុមចម្រុះ ដែលបំណងស្ទាក់ចាប់គេនោះ។
អាជ្ញាធរបញ្ជាក់ថា ខ្លួនគ្រាន់តែចាប់ផ្តួល និងចងដៃបុរសវិកលចរឹតនោះទៅក្រោយតែប៉ុណ្ណោះ ដោយពុំបានប្រើហិង្សាវាយតប់ រហូតដល់សន្លប់នោះទេ។ ក្រោយមក បុរសដដែល ត្រូវបានដឹកចេញពីតំបន់អង្គរ ក្នុងហេតុផលកុំឲ្យភ្ញៀវទេសចរមានការភ្ញាក់ផ្អើល លុះដល់ទៅវង្វង់មូលមុខគ្រុឌសង្កាត់ទឹកវិល បុរសនោះស្នើសុំថវិកាពីសមត្ថកិច្ច ដើម្បីធ្វើសោហ៊ុយទៅខេត្តបាត់ដំបង។ នគរបាលបញ្ជាក់ថា ខ្លួនគ្រាន់តែសម្រួលឲ្យគេឡើងឡានតាក់ស៊ីតែប៉ុណ្ណោះ ដោយពុំមានឲ្យថវិកាទៅបុរសវិកលចរឹតនោះទេ។
សាក្សីដែលបានឃើញហេតុការណ៍នោះ មិនអាចសុំការអត្ថាធិប្បាយបានទេ។ តែប្រភពពីក្មេងៗក្នុងតំបន់អង្គរបាននិយាយថា គេបានឃើញបុរសវិកលចរឹតនោះចេញពីវត្ត ដោយមានក្មេងវត្ត និងឆ្មាំប្រាសាទតាមពីក្រោយ។ ក្មេងវត្តដែលវិទ្យុអាស៊ីសេរីបានសម្ភាសនោះ បាននិយាយទៀតថា បុរសខ្សោយបញ្ញានោះ បានរងការវាយដុំ និងត្រូវបានចាប់ជាប់ ហើយត្រូវក្មេងវត្តម្នាក់ យកដុំថ្មវាយចំក្បាលបណ្តាលឲ្យសន្លប់។
បញ្ហានេះ បានកើតឲ្យមានមន្ទិលសង្ស័យផ្សេងៗ ទៅដល់មហាជនដែលចង់ដឹងរឿងរ៉ាវទាំងនោះ។ ខ្លះនិយាយថា ជាកំហុសភ្នាក់ងាររបស់អាជ្ញាធរជាតិអប្សរា ប៉ូលិស រួមនិងក្មេងវត្តជាដើម ខណៈដែរគេមិនអាចរកសំដីពីជនរងគ្រោះដោយផ្ទាល់បានឡើយ។ ក្រោយហេតុការណ៍នេះ ជនរងគ្រោះបានបាត់ដំណឹង៕
អំពើហិង្សាមួយ បានកើតឡើងនៅថ្ងៃទី២៣ កញ្ញា ទៅលើបុរសវិកលចរិតម្នាក់ នៅក្នុងតំបន់អង្គរ។ ហេតុការណ៍នេះ បានកើតឡើងនៅវត្តអង្គរខាងត្បូង ហើយជនរងគ្រោះត្រូវគេព្រួតវាយដល់សន្លប់ និងចងស្លាបសេក។
លោក សួស ណារិន អ្នកស៊ើបអង្កេតអង្គការអាដហុកប្រចាំខេត្តសៀមរាប បានប្រាប់សារព័ត៌មានថ្មីៗថា លោកពុំទាន់ទទួលពាក្យដំណឹងពីជនរងគ្រោះនៅឡើយ។ លោក ណារិន បញ្ជាក់ថា ទោះជាយ៉ាងនេះក្តី តែអង្គការរបស់លោក បានសហការនិងអង្គការដៃគូ ដើម្បីស៊ើបអង្កេតករណីអំពើហិង្សាមួយនេះហើយ។ លោកបន្ថែមថា៖« ក្នុងខណៈនេះ យើងពុំអាចប្រាប់អ្វីលម្អិតបានទេ។ ខ្ញុំគ្រាន់តែបញ្ជាក់ថា យើងកំពុងធ្វើការជាមួយអ្នកដែលបានឃើញហេតុការណ៍នោះហើយ»។
ក្នុងបទសម្ភាសជាមួយវិទ្យុអាស៊ីសេរី លោក នូ ពុទ្ធិ អ្នកសម្របសម្រួលអង្គការសិទ្ធិមនុស្សលីកាដូ ក៏បានលើកទឹកចិត្តឲ្យគ្រួសារជនរងគ្រោះ ដាក់ពាក្យបណ្តឹងផងដែរ។ លោក នូ ពុទ្ធិ បានហៅអំពើហិង្សាទៅលើបុរសដែលមានសតិមិនគ្រប់នោះថាមិនត្រឹមត្រូវ ព្រោះច្បាប់មិនអនុញ្ញាតឲ្យសមត្ថកិច្ច ឫអាជ្ញាធរប្រើហិង្សាទៅលើមនុស្សប្រភេទនោះឡើយ។
លោក ឡុង កុសល អ្នកនាំពាក្យរបស់អាជ្ញាធរជាតិអប្សរា សុំមិនអត្ថាធិប្បាយទៀតទេ ជុំវិញរឿងរ៉ាវនេះ។ តែក្នុងបទសម្ភាសជាមួយវិទ្យុអាស៊ីសេរីកាលពីថ្ងៃទី២៥ កញ្ញា លោក ឡុង កុសល ពន្យល់ថា បុរសវិកលចរិតនោះ បានចូលទៅឆាឆៅក្នុងវត្តអង្គរខាងត្បូង ហើយត្រូវក្រុមក្មេងវត្តដេញវាយ មិនមែនបុគ្គលិករបស់អាជ្ញាធរជាតិអប្សរាឡើយ។
ទាក់ទងនឹងបញ្ហានេះដែរ នគរបាលព្រហ្មទណ្ឌនៃអធិការដ្ឋាននគរបាលក្រុងសៀមរាប ក៏បានច្រានចោល លើការចោទប្រកាន់ទៅលើបុគ្គលិករបស់អាជ្ញាធរជាតិអប្សរាផងដែរ។ តាមការបំភ្លឺរបស់នគរបាល គឺគេបានឃើញយុវជនវិកលចរឹតដែលពុំស្គាល់អត្តសញ្ញាណតាំងពីថ្ងៃទី២២ កញ្ញាមកម្លេះ ដោយគេបានស្លៀកក្រមាចូលទៅបរិវេណវត្តអង្គរខាងត្បូង។ លុះដល់ថ្ងៃទី២៣ ក៏លេចវត្តមានបុរសខាងដើមជាថ្មី ហើយគេបានស្រែកឡូឡា ដោយសារក្រុមប៉ូលិសបេតិកភណ្ឌ និងភ្នាក់ងារអាជ្ញាធរជាតិអប្សរា ហាមមិនឲ្យចូលក្នុងប្រាសាទ។
ការស្រាវជ្រាវរបស់នគរបានព្រហ្មទណ្ឌបានលម្អិតទៀតថា ក្រោយមកបន្តិច បុរសវិកលចរឹតនោះ បានលោតចូលក្នុងទឹកកសិណអង្គរ និងបានហែលឆ្លងចូលទៅដល់វត្តអង្គរខាងត្បូង។ ក្រោយមកបុរសវិកលចរឹតនោះ បានបញ្ចេញកាយវិកាយមិនសមរម្យមួយចំនួន ដូចជារុះរើរបស់របរលើសាលាឆាន់ និងបានហែកថង់រកម្ហូបមកហូប ក្រោយគេធ្វើឲ្យរបស់របរនៅទីនោះ រប៉ាត់រប៉ាយ។
ប្រភពពីនគរបាលព្រហ្មទណ្ឌបានបញ្ជាក់ទៀតថា ឃើញដូចនោះកូនសិស្សវត្ត ក៏នាំគ្នីគ្នាដេញ ដោយមិនបានវាយតប់នោះទេ តែគេត្រូវបុរសវិកលចរឹតនោះវិញទេ គប់នឹងដំបងឈើទៅលើពួកគេ។ បុរសវិកលចរឹតនោះ បានរត់សំដៅទៅអាស្រមតារាជ្យ តែត្រូវបានបានឆ្មាំប្រាសាទហាមមិនឲ្យចូល ដោយបារម្ភបង្កគ្រោះថ្នាក់ដល់ភ្ញៀវទេសចរ។ ក្នុងសភាពបែបនេះ បុរសដែលប្រភពបញ្ជាក់ថាមានសតិមិនគ្រប់ បានគប់ដំបងទៅលើឆ្មាំប្រាសាទ និងបានប្រើហិង្សាលើក្រុមចម្រុះ ដែលបំណងស្ទាក់ចាប់គេនោះ។
អាជ្ញាធរបញ្ជាក់ថា ខ្លួនគ្រាន់តែចាប់ផ្តួល និងចងដៃបុរសវិកលចរឹតនោះទៅក្រោយតែប៉ុណ្ណោះ ដោយពុំបានប្រើហិង្សាវាយតប់ រហូតដល់សន្លប់នោះទេ។ ក្រោយមក បុរសដដែល ត្រូវបានដឹកចេញពីតំបន់អង្គរ ក្នុងហេតុផលកុំឲ្យភ្ញៀវទេសចរមានការភ្ញាក់ផ្អើល លុះដល់ទៅវង្វង់មូលមុខគ្រុឌសង្កាត់ទឹកវិល បុរសនោះស្នើសុំថវិកាពីសមត្ថកិច្ច ដើម្បីធ្វើសោហ៊ុយទៅខេត្តបាត់ដំបង។ នគរបាលបញ្ជាក់ថា ខ្លួនគ្រាន់តែសម្រួលឲ្យគេឡើងឡានតាក់ស៊ីតែប៉ុណ្ណោះ ដោយពុំមានឲ្យថវិកាទៅបុរសវិកលចរឹតនោះទេ។
សាក្សីដែលបានឃើញហេតុការណ៍នោះ មិនអាចសុំការអត្ថាធិប្បាយបានទេ។ តែប្រភពពីក្មេងៗក្នុងតំបន់អង្គរបាននិយាយថា គេបានឃើញបុរសវិកលចរឹតនោះចេញពីវត្ត ដោយមានក្មេងវត្ត និងឆ្មាំប្រាសាទតាមពីក្រោយ។ ក្មេងវត្តដែលវិទ្យុអាស៊ីសេរីបានសម្ភាសនោះ បាននិយាយទៀតថា បុរសខ្សោយបញ្ញានោះ បានរងការវាយដុំ និងត្រូវបានចាប់ជាប់ ហើយត្រូវក្មេងវត្តម្នាក់ យកដុំថ្មវាយចំក្បាលបណ្តាលឲ្យសន្លប់។
បញ្ហានេះ បានកើតឲ្យមានមន្ទិលសង្ស័យផ្សេងៗ ទៅដល់មហាជនដែលចង់ដឹងរឿងរ៉ាវទាំងនោះ។ ខ្លះនិយាយថា ជាកំហុសភ្នាក់ងាររបស់អាជ្ញាធរជាតិអប្សរា ប៉ូលិស រួមនិងក្មេងវត្តជាដើម ខណៈដែរគេមិនអាចរកសំដីពីជនរងគ្រោះដោយផ្ទាល់បានឡើយ។ ក្រោយហេតុការណ៍នេះ ជនរងគ្រោះបានបាត់ដំណឹង៕
© រក្សាសិទ្ធិដោយ thmeythmey.com
