ក្រសួងកសិកម្ម ប្រកាសចែកពូជស្រូវដល់កសិករ ដែលរងគ្រោះពីជំនន់ទឹកភ្លៀង

ជាតិ

សេដ្ឋកិច្ច

ក្រសួងកសិកម្ម ប្រកាសចែកពូជស្រូវដល់កសិករ ដែលរងគ្រោះពីជំនន់ទឹកភ្លៀង

25, Oct 2016 , 9:59 pm

រូបភាព

លោក វេង សាខុន រដ្ឋមន្ត្រីក្រសួងកសិកម្ម

ដោយ:

ភ្នំពេញ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឲ្យដឹងថា ក្រសួងរៀបចំសារាចរណែនាំថ្មីមួយ ដើម្បីដោះស្រាយជាបន្ទាន់ដល់កសិករ ដែលជួបបញ្ហាខូចខាតស្រូវដោយជំនន់ទឹកភ្លៀង។ លោកប្រាប់ថា សារាចរនេះបញ្ជាឲ្យមន្ទីរកសិកម្មខេត្ត ចែកពូជស្រូវ ឬផ្គត់ផ្គង់សំណាបដល់កសិករ ដើម្បីឲ្យពួកគាត់អាចបន្តសកម្មភាពដាំដុះរបស់ខ្លួន។

ថ្លែងក្នុងពិធីចុះអនុស្សារណៈស្ដីពីការអភិវឌ្ឍន៍ដំណាំល្ម៉ើនៅកម្ពុជា នៅថ្ងៃទី២៤ខែតុលា លោក វេង សាខុន មានប្រសាសន៍ថា ក្រោយពីមានជំនន់ទឹកភ្លៀងក្នុងពេលថ្មីៗនេះ ដំណាំស្រូវភាគច្រើនបានល្អឡើងវិញ បើទោះបីមានស្រូវតិចតួចដែលខូចខាតទាំងស្រុង។

ក្រៅពីនេះ លោក វេង សាខុន បានបញ្ជាដល់មន្ត្រីជំនាញឲ្យជួយពិនិត្យ និងផ្ដល់ថ្នាំព្យាបាលសត្វចិញ្ចឹមរបស់ពលរដ្ឋ ក្នុងស្ថានភាពទឹកជំនន់នេះ។

សូមស្ដាប់ប្រសាសន៍ លោក វេង សាខុន ខាងក្រោមនេះ៖

បើតាមលោក ឡោ រស្មី អ្នកនាំពាក្យក្រសួងកសិកម្ម ដែលត្រូវបានដកស្រង់សំដីដោយទីភ្នាក់ងារសារព័ត៌មានកម្ពុជា AKP នៅថ្ងៃទី២២ខែតុលាថា ដំណាំស្រូវចំនួន ១៧៥៧១ហិកតា បានរងផលប៉ះពាល់ពីជំនន់ទឹកភ្លៀង និងស្រូវចំនួន ៣១៨៦ហិកតាបានខូចខាតទាំងស្រុង៕