ខ្មែរក្រហម
ជាតិ
អ.វ.ត.ក ប្រកាសសាលដីកាលើបណ្តឹងសារទុក្ខប្រឆាំងនួន ជា និងខៀវ សំផន នៅថ្ងៃទី២៣ខែវិច្ឆិកា
×![]()
ដោយ: ថ្មីៗ
អង្គជំនុំជម្រះតុលាការកំពូល នឹងប្រកាស សាលដីកាស្ថាពរ លើបណ្តឹងសារទុក្ខប្រឆាំង នួន ជា និង ខៀវ សំផន នៅថ្ងៃពុធ ទី២៣ ខែវិច្ឆិកា។ នៅមុនការប្រកាសសាលក្រមនេះ (ECCC) ក៏នឹងរៀបចំសន្និសីទកាសែតមួយផងដែរ នៅថ្ងៃចន្ទ ស្អែកនេះ។
អង្គជំនុំជម្រះតុលាការកំពូល នឹងប្រកាសសាលដីកាលើបណ្តឹងសាទុក្ខលើសំណុំរឿង០០២ /០០១ ប្រឆាំងនឹងអតីតមេដឹកនាំខ្មែរក្រហម គឺលោក នួន ជា និង ខៀវ សំផន នៅថ្ងៃទី ២៣ ខែវិច្ឆិកា ឆ្នាំ ២០១៦ ។ នេះបើតាមសេចក្តីជូនដំណឹងរបស់ អ.វ.ត.ក ។ នៅមុនប្រកាសលទ្ធផលនេះ អង្គជំនុំជម្រះតុលាការកំពូល នឹងរៀបចំសន្និសីទកាសែតមួយ នៅថ្ងៃទី២១ស្អែកនេះ នៅសណ្ឋាគារសាន់វេភ្នំពេញ។
សំណុំរឿង០០២ /០០១ គឺជាការជំនុំជម្រះលើកទីមួយ នៃការជំនុំជម្រះយ៉ាងតិចប្រឆាំងនឹងខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យ និង នួន ជា អតីតអនុលេខាបក្សកុម្មុនីស្តកម្ពុជា។ បទចោទនៅក្នុងសំណុំរឿង០០២ /០០១ ផ្តោតលើបទឧក្រិដ្ឋប្រឆាំងមនុស្សជាតិ ដែលបានប្រព្រឹតិ្តក្នុងអំឡុងពេលជម្លៀសនៅក្រុងភ្នំពេញ ក្នុងខែមេសា ឆ្នាំ១៩៧៥ និងការផ្លាស់ទីដោយបង្ខំបន្តបន្ទាប់ពីតំបន់ដទៃទៀត រួមទាំងការកាប់សម្លាប់មន្ត្រីរដ្ឋការសម័យ លន់ នល់ នៅទួលពោធិ៍ព្រៃ ខេត្តពោធិ័សាត់។
គួរជម្រាបថា នៅថ្ងៃទី៧ ខែសីហា ឆ្នាំ២០១៤ អង្គជំនុំជម្រះសាលាដំបូង រកឃើញថា ជនជាប់ចោទមានពិរុទ្ធភាពពីបទឧក្រិដ្ឋប្រឆាំងនឹងមនុស្សជាតិ និងបានផ្តន្ទាទោសដាក់ពន្ធនាគារជនជាប់ចោទទាំងពីរ អស់មួយជីវិត។ នួន ជា និងខៀវ សំផន បានប្តឹងសារទុក្ខនឹងសាលក្រមរបស់អង្គជំនុំជម្រះសាលាដំបូង ដោយម្នាក់ៗបានលើកឡើងទឡ្ហីករណ៍បណ្តឹងសារទុក្ខរៀងៗខ្លួន ចំនួន២២៣ និង១៤៨ ។ សហព្រះរាជអាជ្ញា ក៏បានដាក់ បណ្តឹងសារទុក្ខដោយកម្រិតត្រឹមតែការស្វែងរកដំណោះស្រាយ ទាក់ទងនឹងភាពអាចអនុវត្តបាននូវទម្រង់ពង្រីកបន្ថែមនៃសហឧក្រិដ្ឋកម្មរួម ដែលហៅថា «សហឧក្រិដ្ឋកម្មរួមទម្រង់ទី III» (JCE III) នៅចំពោះមុខ អ.វ.ត.ក៕
អង្គជំនុំជម្រះតុលាការកំពូល នឹងប្រកាសសាលដីកាលើបណ្តឹងសាទុក្ខលើសំណុំរឿង០០២ /០០១ ប្រឆាំងនឹងអតីតមេដឹកនាំខ្មែរក្រហម គឺលោក នួន ជា និង ខៀវ សំផន នៅថ្ងៃទី ២៣ ខែវិច្ឆិកា ឆ្នាំ ២០១៦ ។ នេះបើតាមសេចក្តីជូនដំណឹងរបស់ អ.វ.ត.ក ។ នៅមុនប្រកាសលទ្ធផលនេះ អង្គជំនុំជម្រះតុលាការកំពូល នឹងរៀបចំសន្និសីទកាសែតមួយ នៅថ្ងៃទី២១ស្អែកនេះ នៅសណ្ឋាគារសាន់វេភ្នំពេញ។
សំណុំរឿង០០២ /០០១ គឺជាការជំនុំជម្រះលើកទីមួយ នៃការជំនុំជម្រះយ៉ាងតិចប្រឆាំងនឹងខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យ និង នួន ជា អតីតអនុលេខាបក្សកុម្មុនីស្តកម្ពុជា។ បទចោទនៅក្នុងសំណុំរឿង០០២ /០០១ ផ្តោតលើបទឧក្រិដ្ឋប្រឆាំងមនុស្សជាតិ ដែលបានប្រព្រឹតិ្តក្នុងអំឡុងពេលជម្លៀសនៅក្រុងភ្នំពេញ ក្នុងខែមេសា ឆ្នាំ១៩៧៥ និងការផ្លាស់ទីដោយបង្ខំបន្តបន្ទាប់ពីតំបន់ដទៃទៀត រួមទាំងការកាប់សម្លាប់មន្ត្រីរដ្ឋការសម័យ លន់ នល់ នៅទួលពោធិ៍ព្រៃ ខេត្តពោធិ័សាត់។
គួរជម្រាបថា នៅថ្ងៃទី៧ ខែសីហា ឆ្នាំ២០១៤ អង្គជំនុំជម្រះសាលាដំបូង រកឃើញថា ជនជាប់ចោទមានពិរុទ្ធភាពពីបទឧក្រិដ្ឋប្រឆាំងនឹងមនុស្សជាតិ និងបានផ្តន្ទាទោសដាក់ពន្ធនាគារជនជាប់ចោទទាំងពីរ អស់មួយជីវិត។ នួន ជា និងខៀវ សំផន បានប្តឹងសារទុក្ខនឹងសាលក្រមរបស់អង្គជំនុំជម្រះសាលាដំបូង ដោយម្នាក់ៗបានលើកឡើងទឡ្ហីករណ៍បណ្តឹងសារទុក្ខរៀងៗខ្លួន ចំនួន២២៣ និង១៤៨ ។ សហព្រះរាជអាជ្ញា ក៏បានដាក់ បណ្តឹងសារទុក្ខដោយកម្រិតត្រឹមតែការស្វែងរកដំណោះស្រាយ ទាក់ទងនឹងភាពអាចអនុវត្តបាននូវទម្រង់ពង្រីកបន្ថែមនៃសហឧក្រិដ្ឋកម្មរួម ដែលហៅថា «សហឧក្រិដ្ឋកម្មរួមទម្រង់ទី III» (JCE III) នៅចំពោះមុខ អ.វ.ត.ក៕
Tag:
ជាតិ
ខ្មែរក្រហម
© រក្សាសិទ្ធិដោយ thmeythmey.com
