ក្រោយ​ជាប់​ពិន័យ​ជាង​១​ឆ្នាំ ឥណ្ឌូនេស៊ី​ឡើងទៅ​វគ្គ​១/២​ផ្តាច់ព្រ័ត្រ AFF Suzuki Cup
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
ក្រោយ​ជាប់​ពិន័យ​ជាង​១​ឆ្នាំ ឥណ្ឌូនេស៊ី​ឡើងទៅ​វគ្គ​១/២​ផ្តាច់ព្រ័ត្រ AFF Suzuki Cup
អត្ថបទ : ថ្មីៗ       November-26-2016, 11:02 am         979
រូបភាព
​ក្រុមកីឡា​បាល់ទាត់​ជម្រើសជាតិ​ឥណ្ឌូនេស៊ី បានបង្ហាញ​ពី​ស្មារតី​ឆ្ពោះទៅមុខ​ក្នុងការ​ប្រកួត​ដណ្តើមពាន​រង្វាន់ AFF Suzuki Cup ឆ្នាំ​២០១៦ ដោយបាន​វាយបក​សិង្ហ​បុរី ដើម្បី​ទទួលបាន​កៅអី​ទៅកាន់​វគ្គ​ពាក់កណ្តាល​ផ្តាច់ព្រ័ត្រ​ក្នុង​ពូ​ល A ជាមួយ​ថៃ​។​

​ជាង​១​ឆ្នាំកន្លងមក សកម្មភាព​បាល់ទាត់​នៅ​ឥណ្ឌូនេស៊ី ត្រូវបាន​ហាមឃាត់ បន្ទាប់​សហព័ន្ធ​កីឡាបាល់ទាត់​នៃ​ប្រទេស​នេះ ត្រូវ​សហព័ន្ធ​កីឡាបាល់ទាត់​អន្តរជាតិ (FIFA) ដាក់ពិន័យ ដោយសារតែ​មានការ​ជ្រៀត​ជ្រែង​ពី​រដ្ឋាភិបាល​។ បន្ទាប់ពី​ឆ្លង​ផុត​ការពិន័យ ក្រុម​ឥណ្ឌូនេស៊ី បានបង្ហាញ​ភាពខ្លាំង​របស់ខ្លួន​ក្នុង​ព្រឹត្តិការណ៍ AFF Suzuki Cup ដោយ​ទទួលបាន​ចំណាត់ថ្នាក់​លេខ​២​នៅក្នុង​ពូ​ល A ហើយ​ឡើងទៅ​កាន់​វគ្គ​ពាក់កណ្តាល​ផ្តាច់ព្រ័ត្រ​ជាមួយ​ក្រុម​កំពូល​តារាង​ថៃ​។​

​នា​ការប្រកួត​ចុងក្រោយ​នៅក្នុង​ពូ​ល A កាលពី​ល្ងាច​ថ្ងៃទី​២៥ ខែវិច្ឆិកា នៅ​កីឡដ្ឋាន Rizal Memorial Stadium ក្នុង​ទីក្រុង​ម៉ានីល Andik Vermansyah និង Stefano Lilipaly បាន​ស៊ុត​បាល់​បញ្ច​ល​ទី​នៅក្នុង​តង់​ទី​ពីរ តាម​វាយបក​សិង្ហ​បុរី ដែល​នាំមុខ​ដោយ Khairul Amri នៅក្នុង​តង់​ទីមួយ​។​

​ជាមួយនឹង​ជ័យជម្នះ ២-១ លើ​ម្ចាស់​ជើងឯក​៤​ជំនាន់​សិង្ហ​បុរី ក្រុម​ឥណ្ឌូនេស៊ី ដែល​ធ្លាប់​រងជើង​ឯក​៤​លើក​ផងដែរ​នោះ ទទួលបាន​៤​ពិន្ទុ ពី​ការប្រកួត​២​លើក​នៅក្នុង​ពូ​ល បន្ទាប់ពី​ចាញ់​ថៃ ៤-២ និង​ស្មើ​ម្ចាស់ផ្ទះ​ហ្វីលីពីន ២-២ ។​

​ថៃ​ដែលជា​ម្ចាស់​ការពារ​ជើងឯក បានធ្វើ​ឲ្យ​ម្ចាស់ផ្ទះ​ហ្វីលីពីន​ខកចិត្ត​នា​ជំនួប​នៅ​កីឡដ្ឋាន Philippine Sports Stadium ក្រុង Bocaue ដោយ Sarawut Masuk បាន​ស៊ុត​បាល់​បញ្ចូល​ទី​នៅ​១០​នាទីចុងក្រោយ​មុន​បញ្ចប់​ការប្រកួត ដោយ​នាំ​ឲ្យ​ថៃ មាន​៩​ពិន្ទុ​ពី​ការប្រកួត​ទាំង​៣​លើក​នៅក្នុង​ពូ​ល​។​

​ម្ចាស់ផ្ទះ​ហ្វីលីពីន មាន​ត្រឹមតែ​២​ពិន្ទុ ដោយ​បញ្ចប់​ចំណាត់ថ្នាក់​លេខ​៣ រីឯ​សិង្ហ​បុរី មាន​១​ពិន្ទុ ត្រឡប់ទៅផ្ទះ​វិញ​៕

   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2430
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2016
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2962
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2319
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017