អតីត​គ្រូបង្វឹក​ក្លិប Caen ត្រូវ​ជាប់ពន្ធនាគារ​២​ឆ្នាំ​ដោយសារ​មិន​បង់ពន្ធ​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
អតីត​គ្រូបង្វឹក​ក្លិប Caen ត្រូវ​ជាប់ពន្ធនាគារ​២​ឆ្នាំ​ដោយសារ​មិន​បង់ពន្ធ​
អត្ថបទ : ធីតា       December-08-2016, 8:19 am         595
រូបភាព
 
 
​កាលពី​ថ្ងៃទី​៦ ខែធ្នូ លោក Franck Dumas អតីត​គ្រូបង្វឹក​ក្លិប SM Caen នៃ​ក្របខណ្ឌ Ligue 1 របស់​បារាំង ត្រូវបាន​តុលាការក្រុង Caen កាត់ទោស​ដាក់ពន្ធនាគា​រ​រយៈពេល​២​ឆ្នាំ ក្នុងនោះ​១​ឆ្នាំ​នៅក្រៅ​ឃុំ ពីបទ​គេចពន្ធ​។ នេះ​ជាការ​កាត់ក្តី​ម្តងទៀត ដោយ​កាលពី​ថ្ងៃទី​១៣ ខែកញ្ញា កន្លងមក លោក​ត្រូវបាន​កាត់ក្តី​កំបាំងមុខ ដោយ​ជាប់ពន្ធនាគារ​រយៈពេល​៣​ឆ្នាំ​។​
 
​លោក Franck Dumas អតីត​កីឡាករ​ក្លិប Caen, Manaco, Marseille, Newscastle United និង​ជា​អតីត​គ្រូបង្វឹក​ក្លិប Caen នៃ​ក្របខណ្ឌ Ligue 1 បានបង្ហាញ​ខ្លួន​ជា​លើកដំបូង​នៅ​តុលាការក្រុង Caen ក្នុង​សំណុំរឿង​គេច​ពី​ការបង់ពន្ធ​ចន្លោះ​ពី​ឆ្នាំ​២០០៥ ដល់​ឆ្នាំ​២០១២ ។​
 
​យោងតាម​ការផ្សាយ​រប​ស់កា​សែត Normandie លោក Franck Dumas ត្រូវបាន​តុលាការក្រុង Caen ផ្តន្ទាទោស​រួច​ម្តង​ហើយ​កាលពី​ថ្ងៃទី​១៣ ខែកញ្ញា ឆ្នាំ​២០១៦ ដោយ​ដាក់ពន្ធនាគារ​៣​ឆ្នាំ និង​តម្រូវ​ឲ្យ​បង់ពន្ធ ៥៥៧ ០០០​អឺរ៉ូ (​ជិត​៦០​ម៉ឺន​ដុល្លារ​អាមេរិក​) ពីបទ​គេចពន្ធ​ចន្លោះ​ពី​ឆ្នាំ​២០០៥ ដល់​ឆ្នាំ​២០១២ នា​អំឡុងពេល​លោក​ធ្វើជា​គ្រូបង្វឹក​ក្លិប Caen​។​
 
​សូមបញ្ជាក់​ផងដែរ​ថា តុលាការ Caen បានចាប់ផ្តើម​ចាត់ការ​លើ​សំណុំរឿង​របស់លោក Franck Dumas នា​អំឡុង​ពេលដែល​លោក​ចាក​ចេញពី​ប្រទេស​បារាំង​ដើម្បី​ស្វែងរក​អាជីព​ជា​គ្រូបង្វឹក​ថ្មី​នៅ​ម៉ា​រ៉ុ​ក ថៃ កម្ពុជា ចិន និង​ហ្គី​ណេ​អេក្វាទ័រ ជាដើម​។​
 
​ទាក់ទង​នឹង​ការចោទប្រកាន់ថា លោក​ព្យាយាម​រត់គេច​ពី​សំណាញ់​ច្បាប់ លោក Dumas បាន​បកស្រាយ​ថា លោក​ត្រូវ​ស្វែងរក​ការងារ​ថ្មី ដោយសារ​សញ្ញាបត្រ​ជា​គ្រូបង្វឹក​របស់លោក​មិនត្រូវ​បានទទួល​ស្គាល់​ឡើយ​នៅក្នុង​ប្រទេស​បារាំង បន្ទាប់​ការកែប្រែ​លក្ខន្តិកៈ​ថ្មី​។​
 
​ក្រោយ​ចាក​ចេញពី​ក្លិប SM Caen បាន​ដឹកនាំ​រយៈពេល​ខ្លី​នៅ​ក្លិប AC Arles-Avignon និង​ក្លិប Maghreb de Fes របស់​ម៉ា​រ៉ុ​ក​។ បន្ទាប់​លោក​បានបង្ហាញ​ពី​ចំណាប់អារម្មណ៍​ដឹកនាំ​ក្លិប​បាល់ទាត់​នៅ​ប្រទេស​ថៃ​។ បន្ថែម​ពីលើ​នេះ គេ​ក៏​ឃើញ​វត្តមាន​របស់លោក​នៅ​កម្ពុជា​ផងដែរ​។​
 
​លោក Dumas បាន​ថ្លែងប្រាប់​នា​អំឡុង​សវនាការ​ថា ការផ្ទេរ​លុយ​ចេញ​របស់លោក មិនមែន​មានគំនិត​គេចពន្ធ​នោះឡើយ តែ​លោក​ប្រើប្រាស់​សម្រាប់​ការរស់នៅ​ប៉ុណ្ណោះ​។ សាលក្រម​នឹង​ចូល​ជាធរ​មាននៅ​ថ្ងៃទី​៣១ ខែមករា ឆ្នាំ​២០១៧៕
 
 
 
 
Tag:
 បាល់ទាត់
   រក្សាសិទ្ធិដោយ thmeythmey.com  
ព័ត៌មានដែលទាក់ទង
2 month - 17903
2 month - 2979
2 month - 3215
ព័ត៌មានចម្រុះ
3 hrs - 342
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3155
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1069
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4588
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017