ក្រុមហ៊ុនព្រូដិនសល បង្ហាញពីសន្ទស្សន៍ទំនាក់ទំនងរបស់ប្រជាជនកម្ពុជាតាមរយៈការស្រាវជ្រាវថ្មី

អត្ថបទពាណិជ្ជកម្ម

ក្រុមហ៊ុនព្រូដិនសល បង្ហាញពីសន្ទស្សន៍ទំនាក់ទំនងរបស់ប្រជាជនកម្ពុជាតាមរយៈការស្រាវជ្រាវថ្មី

10, Dec 2016 , 11:10 am

រូបភាព

ដោយ: ថ្មីៗ

ភ្នំពេញ ថ្ងៃទី 9 ខែធ្នូ ឆ្នាំ 2016 យោងតាមសន្ទស្សន៍ទំនាក់ទំនងជាលើកដំបូងនៅអាស៊ីរៀបចំដោយក្រុមហ៊ុនព្រូដិនសលកម្ពុជាបង្ហាញថា ប្រជាជននៅក្នុងប្រទេសកម្ពុជាបានបំពេញលក្ខខណ្ឌទំនាក់ទំនងល្អ រវាងប្តីប្រពន្ធ និងដៃគូរបស់ពួកគាត់ច្រើនជាងទំនាក់ទំនងផ្ទាល់ខ្លួនផ្សេងទៀត។

សន្ទស្សន៍ទំនាក់ទំនងព្រូដិនសលឆ្នាំ2016 បានធ្វើការវាយតម្លៃតាមរយៈលេខពិន្ទុ វិធីដែលប្រជាជនពេញចិត្តចំពោះទំនាក់ទំនងបឋមរបស់ពួកគេ និងមធ្យោបាយនានាដើម្បីកែលម្អទំនាក់ទំនងទាំងនោះ។ ទំនាក់ទំនងបឋមដែលពោលមកនេះរួមមាន៖ ទំនាក់ទំនងជាមួយដៃគូ កូន ក្រុមគ្រួសារ និងមិត្តភ័ក្តិ។

សន្ទស្សន៍ទំនាក់ទំនងព្រូដិនសលនៃប្រទេសកម្ពុជាមានពិន្ទុ 72/100។ នេះមានន័យថា ជាមធ្យមប្រជាពលរដ្ឋក្នុងប្រទេសកម្ពុជា បានបំពេញលក្ខខណ្ឌនៃទំនាក់ទំនងបឋមរបស់ខ្លួន 72% នៃតម្រូវការទំនាក់ទំនងដែលខ្លួនចង់បាន។

ជាមធ្យម ពិន្ទុទំនាក់ទំនងដែលប្រជាជនកម្ពុជាមានជាមួយដៃគូរបស់ពួកគេគឺ 63/100 ។ ពួកគេនិយាយថាពួកគេពេញចិត្តដៃគូដែលងាយស្រួលចុះសម្រុងគ្នា(75%) រស់នៅក្បែរគ្នាដោយរីករាយ(66%) មានភាពស្មោះត្រង់ចំពោះគ្នា(63%) រីករាយក្នុងការធ្វើកិច្ចការរួមគ្នា(59%) និងរីករាយក្នុងការបង្កើតភាពស្និទ្ធស្នាល(57%)។

ប្រជាជននៅក្នុងប្រទេសកម្ពុជា ក៏មានទំនាក់ទំនងរឹងមាំជាមួយឪពុកម្តាយរបស់ពួកគេផងដែរ ដោយមានពិន្ទុទំនាក់ទំនង 55/100100 ខ្ពស់បំផុតនៅអាស៊ី។ ពិន្ទុជាមធ្យមសម្រាប់កូនគឺ 50/100 ខណៈដែលមិត្តជិតស្និទ្ធបំផុត គឺ 35/100 ។ ទោះជាយ៉ាងណាក៏ដោយ មិត្តរួមការងារមានត្រឹមតែ22/100) បើទោះជាស្ទើរតែទាំងអស់ក្នុងប្រទេសកម្ពុជា(90%) និយាយថា មិត្តរួមការងាររបស់ពួកគេ គឺស្ថិតក្នុងចំណោមមិត្តភ័ក្តិដែលល្អបំផុតរបស់ពួកគេ។

David Nutman, CEO នៃក្រុមហ៊ុនព្រូដិនកម្ពុជា បានឲ្យដឹងថា សន្ទស្សន៍ទំនាក់ទំនងព្រូដិនសលបានផ្ដល់នូវចំណាប់អារម្មណ៍ថ្មីមួយលើសុខុមាលភាពនៃទំនាក់ទំនងក្នុងប្រទេសកម្ពុជា ដែលរំលេចឲ្យឃើញនូវកត្តាផ្សេងៗ រួមចំណែកដល់ការបង្កើតឲ្យមានសុភមង្គលព្រមទាំងទាមទារឲ្យមានការយកចិត្តទុកដាក់ជាពិសេស។

«ទំនាក់ទំនងគឺជាបេះដូងនៃអាជីវកម្ម។ យើងដឹងថា អតិថិជនទិញសេវាកម្មរបស់យើង ដើម្បីការពារមនុស្ស និងទំនាក់ទំនងដែលពួកគេព្រួយបារម្ភ និងយកចិត្តទុកដាក់បំផុត។ យើងក៏ដឹងផងដែរថា ទំនាក់ទំនងល្អមានសារៈសំខាន់ណាស់ចំពោះសុភមង្គល និងសុខុមាលភាពរបស់យើង។ តាមរយៈសន្ទស្សន៍ទំនាក់ទំនងព្រូដិនសល យើងចង់ជួយឲ្យប្រជាជនក្នុងប្រទេសកម្ពុជាយល់កាន់តែច្បាស់ ពីទំនាក់ទំនងរបស់ពួកគេដែលអាចធ្វើឲ្យពួកគេទទួលបានលទ្ធផលកាន់តែល្អប្រសើរជាងនេះ»។

លោក David បានមានប្រសាសន៍ថា៖ «របកគំហើញពីការស្រាវជ្រាវថ្មីនេះ ផ្តល់ទាំងការរីករាយសាទរ និងការព្រួយបារម្ភ។ យើងរីករាយចំពោះប្រជាជននៅក្នុងប្រទេសកម្ពុជា ដែលផ្តល់តម្លៃឲ្យទំនាក់ទំនងលើកត្តា

សំខាន់ផ្សេងៗ ដូចជា ភាពជាដៃគូ មិត្តភាព ការគោរព និងភាពស្មោះត្រង់។ ទោះជាយ៉ាងណាក៏ដោយ ភាពចន្លោះប្រហោងផ្សេងៗ ក៏មានវត្តមាននៅក្នុងកម្រិតនៃការពេញចិត្ត ចំពោះទំនាក់ទំនងទាំងនោះផងដែរ។ ជាក់ស្តែងតម្រូវការគ្រួសារ និងភាពមិនប្រាកដប្រជាផ្នែកហិរញ្ញវត្ថុ គឺជាមូលហេតុនៃការកើនឡើងនៃភាពតានតឹង និងសម្ពាធផ្លូវចិត្ត» ។

សាសនា ជាតិពិន្ធុ និងឋានៈក្នុងសង្គមមានសារសំខាន់ណាស់នៃទំនាក់ទំនង

ប្រជាជនកម្ពុជាសង្កត់ធ្ងន់ថា៖ ដៃគូរបស់ខ្លួនគួរតែមានជីវប្រវត្តិប្រហាក់ប្រហែលពួកគាត់ដែរ។ សន្ទស្សន៍ទំនាក់ទំនងព្រូដិនសលឆ្នាំ 2016 បានបង្ហាញថា ស្ទើរតែពាក់កណ្តាល(49%) គិតថាដៃគូរបស់ពួកគាត់គួរតែមានជំនឿសាសនាដូចគ្នា ដែលជាចំណែកខ្ពស់បំផុតទីពីរនៅក្នុងតំបន់។

នៅក្នុងតំបន់ ប្រជាជនកម្ពុជាភាគច្រើនបំផុតគិតថា វាគឺជារឿងសំខាន់ដែលដៃគូរបស់ពួកគាត់គួរតែជាជនជាតិខ្មែរដូចពួកគាត់ដែលមានពិន្ទុដល់ទៅ(48%) និងឋានៈក្នុងសង្គម(31%) ដូចគ្នា។

មូលហេតុទូទៅនៃការឈ្លោះប្រកែកគ្នា

ការស្រាវជ្រាវបានបង្ហាញថា មានភាពស្មុគស្មាញមួយចំនួនសម្រាប់ទំនាក់ទំនងនៅក្នុងប្រទេសកម្ពុជា។ ប្តីប្រពន្ធជាងមួយភាគបី(36%) ឈ្លោះគ្នាយ៉ាងហោចណាស់ម្តងក្នុងមួយខែ និងមួយភាគបួន(24%) និយាយថា យ៉ាងហោចណាស់ម្តងក្នុងមួយសប្តាហ៍ ពួកគាត់គិតដល់ការចាកចេញពីដៃគូរបស់ខ្លួន។ បើទោះជាការលែងលះមិនមានជាទូទៅក្នុងប្រទេសកម្ពុជា ក៏មានតែប្រជាជន 2% ប៉ុណ្ណោះ បានលែងលះគ្នានៅក្នុងការសិក្សានេះ។

ប្តីប្រពន្ធភាគច្រើនឈ្លោះគ្នាពីរឿងផឹកស្រា និងជក់បារី(45%) កូន(ឪពុកម្តាយ32%) ខ្វះការយកចិត្តទុកដាក់(27%) និងលុយកាក់(23%)។

ប្តីប្រពន្ធ និងហិរញ្ញវត្ថុ

ស្ត្រីជាច្រើននៅកម្ពុជាឈប់ធ្វើការងារ នៅពេលខ្លួនរៀបការ។ ស្ត្រីរៀបការត្រឹមតែមួយភាគបី(32%) គឺជាអ្នកធ្វើការងារផ្ទះពេញម៉ោង។ បើទោះបីបុរសគឺជាមេចំណូលសម្រាប់គ្រួសារក៏ដោយ ក៏ស្ត្រីគឺជាអ្នកដែលមានសិទ្ធិដ៏ធំក្នុងការសម្រេចចិត្តទៅលើចំណាយរបស់គ្រួសារ។

ស្ត្រី 73% និងបុរស 10% និយាយថា ខ្លួនមានការគ្រប់គ្រងភាគច្រើនលើការចំណាយប្រចាំថ្ងៃ។ ស្ត្រី 27% និងបុរស 19% និយាយថា ខ្លួនម្នាក់ៗ គឺជាអ្នកដែលមានការគ្រប់គ្រងភាគច្រើនលើការចំណាយធំៗ ដែលស្ត្រីបុរសផ្សេងទៀតនិយាយថា ខ្លួនមានការគ្រប់គ្រងស្មើគ្នា។

ឥទ្ធិពលបច្ចេកវិទ្យាចំពោះទំនាក់ទំនង

បច្ចេកវិទ្យាកំពុងតែធ្វើការផ្លាស់ប្តូរយ៉ាងរហ័ស ទៅលើរបៀបដែលមនុស្សគ្រប់គ្រងលើទំនាក់ទំនងក្នុងប្រទេសកម្ពុជា។ ជារួមប្រជាជនកម្ពុជាមានភាពវិជ្ជមានខ្ពស់ថា បច្ចេកវិទ្យារីកចម្រើននឹងជួយសម្រួលដល់ការទំនាក់ទំនងរបស់ខ្លួនកាន់តែប្រសើរ។ ប្រជាជន 75% គិតថា បច្ចេកវិទ្យានឹងធ្វើឲ្យកាន់តែងាយស្រួលក្នុងការរាប់អានមិត្តភ័ក្តិថ្មីៗ។

ប្រជាជនកម្ពុជា 62% គិតថា បច្ចេកវិទ្យាបានធ្វើឲ្យកាន់តែងាយស្រួលក្នុងការសន្ទនាគ្នាបែបស៊ីជម្រៅ និង 42% ផ្សេងទៀត ចំណាយពេលវេលាច្រើនលើការផ្ញើសារទៅកាន់មិត្តភ័ក្តិជាងនិយាយជួបមុខផ្ទាល់។

លោក David បានសន្និដ្ឋានថា៖ «ភាគច្រើននៃរឿងរ៉ាវដែលយើងបានធ្វើនៅក្នុងជីវិត គឺកើតឡើងនៅជុំវិញក្រុមគ្រួសារ និងទទួលរងសម្ពាធពីជីវិតសម័យទំនើប ដែលពេលខ្លះអាចប៉ះពាល់ដល់គុណភាពនៃទំនាក់ទំនងរបស់យើង។ ដូច្នេះ យូរៗម្តង យើងត្រូវការផ្អាកខ្លះដើម្បីពង្រឹងទំនាក់ទំនង ដែលពិតជាមានសារៈសំខាន់ចំពោះយើង»។

អំពីសន្ទស្សន៍ទំនាក់ទំនងព្រូដិនសលឆ្នាំ2016

សន្ទស្សន៍ទំនាក់ទំនងព្រូដិនសល (PRI) ឆ្នាំ2016 ត្រូវបានបង្កើតឡើងក្នុងគោលបំណងស្វែងយល់ពីស្ថានភាពទំនាក់ទំនងផ្ទាល់ខ្លួនក្នុងប្រទេសកម្ពុជា និងតំបន់អាស៊ីទាំងមូល។ ផ្អែកលើសារៈសំខាន់នៃទំនាក់ទំនងចំពោះសុភមង្គល សុខុមាលភាព និងការរស់នៅយូរអង្វែងនៃប្រជាជនយើង PRI ផ្តល់នូវការស្វែងយល់ និងទស្សនៈពិតអំពីទំនាក់ទំនង៖ ធ្វើឲ្យពួកគាត់កាន់តែរឹងមាំ កាន់តែប្រសើរ និងកាន់តែទទួលបានលទ្ធផលល្អ។ យើងបានធ្វើការសម្ភាសន៍មនុស្សជាង 5000 នាក់ ក្នុង10ប្រទេសនៃតំបន់អាស៊ី។ ប្រទេសទាំងនោះរួមមាន កម្ពុជា ចិន ហុងកុង ឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី កូរ៉េខាងត្បូង ថៃ និងវៀតណាម។ ការសម្ភាសន៍នេះត្រូវបានធ្វើឡើងនៅចន្លោះថ្ងៃទី13 និង 31 ខែកក្កដា ឆ្នាំ2016 ជាមួយមនុស្សពេញវ័យអាយុចន្លោះពី 25 ទៅ 55 ឆ្នាំ។ នៅក្នុងប្រទេសកម្ពុជា យើងបានសម្ភាសន៍មនុស្ស 504 នាក់ ដោយផ្ទាល់ក្នុងទីក្រុងភ្នំពេញដើម្បីយកជាសំណាកគំរូ។ អ្នកតបសម្ភាសន៍គឺជាប្រជាពលរដ្ឋ ដែលតំណាងឲ្យអ្នកដែលមានប្រាក់ចំណូលក្នុងគ្រួសារជិតពីរភាគបីខ្ពស់បំផុតក្នុងទីក្រុងភ្នំពេញ។

អំពីព្រូដិនសលកម្ពុជា

ក្រុមហ៊ុន ព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ហៅកាត់ថា ព្រូដិនសលកម្ពុជា បានចាប់ផ្តើមប្រតិបត្តិការរបស់ខ្លួននៅ ខែ មករា ឆ្នាំ ២០១៣។ តាមរយៈការផ្តល់ជូននូវដំណោះស្រាយ នៃសេវាធានារ៉ាប់រងអាយុជីវិតដែលស្របតាមតម្រូវការអតិថិជនក៏ដូចជាការធ្វើសិក្ខាសាលានានាស្តី ពីសេវាធានារ៉ាប់រងអាយុជីវិតទៅកាន់សាធារណៈជន ព្រូដិនសលកម្ពុជា បាន និងកំពុងជួយប្រជាជនកម្ពុជា ក្នុងការការពារ និងគ្រប់គ្រងហិរញ្ញវត្ថុសម្រាប់ថ្ងៃអនាគតរបស់ពួកគាត់។

ក្រុមហ៊ុន ព្រូដិនសលកម្ពុជា ដែលជាក្រុមហ៊ុនបុត្រសម្ព័ន្ធទាំងស្រុងនៃ ក្រុមហ៊ុន ព្រូដិនសល ភីអិលស៊ី (Prudential Plc) ដែលមានមូលដ្ឋាននៅចក្រភពអង់គ្លេស*។ បច្ចុប្បន្ន ក្រុមហ៊ុន ព្រូដិនសលកម្ពុជា គឺជា ក្រុមហ៊ុនធានារ៉ាប់រងអាយុជីវិតឈានមុខគេនៅកម្ពុជា។ នៅក្នុងទ្វីបអាស៊ី ក្រុមហ៊ុនព្រូដិនសល គឺជាក្រុមហ៊ុនផ្តល់សេវាធានារ៉ាប់រងអាយុជីវិត ឈានមុខគេ ដែលមានវត្តមាននៅក្នុងទីផ្សារចំនួន ១៣គឺ កម្ពុជា ចិន ហុងកុង ឥណ្ឌា ឥណ្ឌូនេស៊ី កូរ៉េខាងត្បូង ឡាវ ម៉ាឡេស៊ី ហ្វីលីពីន សិង្ហបុរី តៃវ៉ាន់ ថៃ និងវៀតណាម ។ ក្រុមហ៊ុន ព្រូដិនសល មានយន្តការចែកចាយដ៏ជោគជ័យ និងច្រើនរូបភាពក្នុងការផ្តល់ជូននូវ ការការពារ និងឱកាសក្នុងការសន្សំជូនអតិថិជនរបស់ខ្លួន។

* ក្រុមហ៊ុន ព្រូដិនសល ភីអិលស៊ី គឺជាក្រុមហ៊ុនសេវាកម្មហិរញ្ញវត្ថុអន្តរជាតិដែលបម្រើអតិថិជនជាង ២៤លាននាក់ នៅជុំវិញពិភពលោក ហើយមានទ្រព្យ ៧៥១ពាន់លានដុល្លារអាមេរិក ក្រោមការគ្រប់គ្រងរបស់ខ្លួន (គិតត្រឹមថ្ងៃទី 30 ខែមិថុនា ឆ្នាំ ២០១៦) ។ គួរបញ្ជាក់ផងដែរថាក្រុមហ៊ុនព្រូដិនសល ភីអិលស៊ី មិនជាប់ ពាក់ព័ន្ធជាមួយក្រុមហ៊ុន Prudential Financial Inc ដែលជាក្រុមហ៊ុនមួយមាន មូលដ្ឋាននៅសហរដ្ឋអាមេរិកនោះឡើយ។