ជាតិ
ឯ.ឧ កឹម សុខា សរសើរការដឹកនាំរបស់រដ្ឋាភិបាលលើវិស័យកីឡា
× ភ្នំពេញ៖ ប្រធានស្តីទីគណបក្សសង្គ្រោះជាតិ ឯកឧត្តម កឹម សុខា បានសរសើរការដឹកនាំរបស់រដ្ឋាភិបាល ដែលបានលើកស្ទួយវិស័យកីឡារីកចម្រើនក្នុងរយៈពេលចុងក្រោយនេះ។ ឯកឧត្តម កឹម សុខា ចាត់ទុកភាពរីកចម្រើននៃវិស័យកីឡានេះ គឺការលើកស្ទួយកិត្តិយសជាតិ នៅក្នុងឆាកអន្តរជាតិផងដែរ។
ថ្លែងក្នុងពិធីអបអរសាទរខួបលើកទី៦៨ នៃទិវាសិទ្ធិមនុស្សអន្ដរជាតិ ក្រោមប្រធានបទ «សិទ្ធិក្នុងការបោះឆ្នោត» នៅទីស្នាក់បក្សប្រធានស្តីទីរូបនេះបានបញ្ជាក់ដូច្នេះថា៖
ភាពរីកចម្រើនលើវិស័យកីឡា ដែលឯកឧត្តម កឹម សុខា បានសរសើរការដឹកនាំរបស់រដ្ឋាភិបាលនេះធ្វើឡើងក្រោយ
កីឡាករ សុខ ចាន់មាន ទើបតែទទួលបានមេដាយមាសប៉េតង់ពិភពលោក ក្នុងការប្រកួតជើងឯកកីឡាប៉េតង់ពិភពលោក (World Championships 2016) ដែលប្រារព្ធឡើងនៅប្រទេស ម៉ាដាកាស្ការ (Madagascar) កាលពីថ្ងៃទី៤ ធ្នូ ឆ្នាំ២០១៦។ ជាពិសេសកីឡាប្រដាល់ ហែលទឹក រត់ចម្ងាយ ប៉េតង់ តេក្វាន់ដូ និងបាល់ទាត់ជាដើម ដែលកំពុងទទួលបានការគាំទ្រពីសំណាក់ប្រជាពលរដ្ឋខ្មែរ និងទទួលស្គាល់លើឆាកអន្តរជាតិផងដែរ៕
Tag:
កឹម សុខា
រដ្ឋាភិបាល
កីឡា
© រក្សាសិទ្ធិដោយ thmeythmey.com