ជាតិ
សេដ្ឋកិច្ច
ក្រសួងកសិកម្ម៖ផលនេសាទកើនឡើង តែការនាំចេញធ្លាក់ចុះ ក្នុងរយៈ១១ខែឆ្នាំនេះ
×
នៅក្នុងរយៈពេល១១ខែដើមឆ្នាំនេះ ការប្រមូលផលនេសាទទឹកសាបសម្រេចបាន ៦១៧០០ តោន កើនឡើង ១៣២០០តោន បើធៀបនឹងរយៈពេលដូចគ្នាកាលពីឆ្នាំមុន។ រីឯការប្រមូលផលនេសាទសមុទ្រវិញ គឺអនុវត្តបាន ១០០២៥តោន កើនឡើង ១១២៥តោន។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។
របាយការណ៍ដដែលឲ្យដឹងថា ការនាំចេញផលនេសាទស្រស់ ក្នុងរយៈពេល១១ខែឆ្នាំនេះ មានបរិមាណចំនួន ៨២០០តោន បើប្រៀបធៀបនឹងរយៈពេលដូចគ្នាកាល២០១៥ គឺថយចុះ ៣០០តោន។ ចំពោះការនាំចេញផលនេសាទកែច្នៃ គឺមានចំនួន ៤៦០០តោន ថយចុះ ១០០តោន។
បើយោងតាមអង្គការស្បៀងអាហារ និងកសិកម្ម FAO ផលនេសាទទឹកសាបរបស់កម្ពុជា ត្រូវបាននាំចេញទៅ ប្រទេសម៉ាឡេស៊ី សិង្ហបុរី និងប្រទេសចិន ខណៈផលនេសាទសមុទ្រភាគច្រើន ត្រូវនាំចេញទៅប្រទេសថៃ និងវៀតណាម។
នៅក្នុងឆ្នាំ ២០១៥ ការនាំចេញផលនេសាទរបស់កម្ពុជាមានតម្លៃ ១លានដុល្លារ កើនឡើង ១១៦ភាគរយ បើធៀបនឹងឆ្នាំ ២០១៤ ៕
© រក្សាសិទ្ធិដោយ thmeythmey.com