ជាតិ
លោក កែ គឹមយ៉ាន នឹងសហការជាមួយក្រសួងអប់រំ ត្រួតពិនិត្យសារធាតុញៀនតាមសាលារៀន
×
ភ្នំពេញ៖ ប្រធានអាជ្ញាធរប្រយុទ្ធប្រឆាំងគ្រឿងញៀន លោក កែ គឹមយ៉ាន គ្រោងផ្ដល់សម្ភារត្រួតពិនិត្យទឹកនោមទៅដល់ក្រសួងអប់រំ យុវជន និងកីឡា ដើម្បីដាក់ឲ្យប្រើប្រាស់នៅតាមសាលារៀនទូទាំងប្រទេសកម្ពុជា សម្រាប់ត្រួតពិនិត្យទៅលើសិស្ស ដែលសង្ស័យថាប្រើប្រាស់គ្រឿងញៀន។ វិធានការរបស់លោក កែ គឹមយ៉ាន នេះធ្វើឡើងក្រោយពីអង្គភាពលោកពិនិត្យឃើញថា ករណីប្រើប្រាស់គ្រឿងញៀនក្នុងឆ្នាំ២០១៦នេះ នៅតែបន្តកើនឡើងជាងឆ្នាំមុន។
ក្រៅពីដាក់ការត្រួតពិនិត្យសារធាតុញៀននៅតាមសាលារៀននេះ អាជ្ញាធរប្រយុទ្ធប្រឆាំងគ្រឿងញៀន ក៏នឹងសហការជាមួយក្រសួងសាធារណៈការ និងដឹកជញ្ជូន និងក្រសួងពាក់ព័ន្ធផ្សេងទៀត ដើម្បីទប់ស្កាត់ការប្រើប្រាស់គ្រឿងញៀនខុសច្បាប់នេះផងដែរ។
ថ្លែងក្នុងពិធីប្រជុំផ្សព្វផ្សាយផែនការស្តីពី យុទ្ធនាការប្រយុទ្ធប្រឆាំងគ្រឿងញៀនខុសច្បាប់ នៅព្រឹកថ្ងៃទី២២ ធ្នូ នេះ លោក កែ គឹមយ៉ាន បានបញ្ជាក់ដូច្នេះថា៖
គួរបញ្ជាក់ថា នៅឆ្នាំ២០១៦នេះ សមត្ថកិច្ចបង្ក្រាបបានបទល្មើសគ្រឿងញៀន ៤,១៩១ ករណី ក្នុងនោះបទល្មើសប្រើប្រាស់គ្រឿងញៀនជាង១ពាន់ករណី។ ចាប់ខ្លួនជនសង្ស័យសរុប៩,៨០២ នាក់ ក្នុងនោះអ្នកប្រើប្រាស់មានគ្រឿងញៀន ៣,៦១១នាក់ និងរឹបអូសគ្រឿងញៀនជាង១៧៥គីឡូក្រាម។ បើតាមអាជ្ញាធរជាតិប្រយុទ្ធប្រឆាំងគ្រឿងញៀន តួលេខនៃការសម្រង់អ្នកប្រើប្រាស់គ្រឿងញៀន មានចំនួន១៨,៥៥៤នាក់ កើនឡើង៤,២៤២នាក់ ស្មើនឹង២៩,៦៣ភាគរយ ធៀបនឹងពេលមុន៕
© រក្សាសិទ្ធិដោយ thmeythmey.com