អន្តរជាតិ
អ៊ីស្រាអែលព្រលះអូបាម៉ា ដែលមិនជំទាស់ដំណោះស្រាយ UN លើបញ្ហាប៉ាឡេស្ទីន
ជំនួបកន្លងមករវាងលោក Benjamin Netanyahu និងលោក បារ៉ាក់ អូបាម៉ា
×![]()
រដ្ឋាភិបាលអ៊ីស្រាអែល បានទិតៀនរដ្ឋបាលលោក បារ៉ាក់ អូបាម៉ា ដែលមិនប្រើប្រាស់សិទ្ធិជំទាស់ដំណោះស្រាយក្រុមប្រឹក្សាសន្តិសុខដែលទាមទារឲ្យអ៊ីស្រាអែលឈប់បំពានទឹកដីប៉ាឡេស្ទីន។ មុនមានការបោះឆ្នោត ប្រធានាធិបតីទើបជាប់ឆ្នោត ដូណាល់ ត្រាំ បានស្នើឲ្យរដ្ឋបាលលោក អូបាម៉ា ជំទាស់ដំណោះស្រាយនេះដែរ។
ក្រោយពន្យារពេលបោះឆ្នោតអនុម័តដំណោះស្រាយព្រាងឡើងដោយអេហ្ស៊ីបដែលទាមទារឲ្យអ៊ីស្រាអែលបញ្ចប់សកម្មភាពសាងសង់លំនៅដ្ឋានលើទឹកដីប៉ាឡេស្ទីន ក្រុមប្រឹក្សាសន្តិសុខបានសម្រេចអនុម័តដំណោះស្រាយនេះជាផ្លូវការនៅថ្ងៃសុក្រទី ២៣ ធ្នូ។
សហរដ្ឋអាមេរិកជាសម្ព័ន្ធមិត្តចាក់ទឹកមិនលិចរបស់អ៊ីស្រាអែល មិនបានផ្តល់ការការពារផ្នែកការទូតដល់អ៊ីស្រាអែលឡើយ។ អាមេរិកមិនបានប្រើប្រាស់សិទ្ធិជំទាស់ទេ តែអនុប្បវាទចំពោះដំណោះស្រាយដែលទិតៀនអ៊ីស្រាអែលដែលបន្តរំលោភបំពានទឹកដីប៉ាឡេស្ទីនោះ។ អ៊ីស្រាអែលខឹងសម្បារខ្លាំង ដោយបានរិះគន់រដ្ឋបាលលោក បារ៉ាក់ អូបាម៉ា មិនសំចៃមាត់។
បើតាមទីភ្នាក់ងារព័ត៌មាន AFP នាយករដ្ឋមន្ត្រីអ៊ីស្រាអែល Benjamin Netanyahu បានបញ្ជាក់ថា៖ «អ៊ីស្រាអែលទាត់ចោលដំណោះស្រាយប្រឆាំងអ៊ីស្រាអែលដ៏ឥតអៀនខ្មាសនេះ។ ហើយអ៊ីស្រាអែលក៏មិនគោរពរាល់អ្វីដែលមានចែងក្នុងសន្ធិសញ្ញានេះដែរ»។
នាយករដ្ឋមន្ត្រីរូបនេះបន្តថា៖« រដ្ឋបាលលោក អូបាម៉ា មិនត្រឹមតែបរាជ័យក្នុងការការពារអ៊ីស្រាអែលឲ្យផុតពីចលនាប្រឆាំងនៅអង្គការសហប្រជាជាតិប៉ុណ្ណោះទេ រដ្ឋបាលនេះក៏នៅពីក្រោយរឿងនេះដែរ»។
តាមពិតទៅទំនាក់ទំនងអ៊ីស្រាអែលនិងសហរដ្ឋអាមេរិក ក្រោមរដ្ឋបាលលោក បារ៉ាក់ អូបាម៉ាមិនសូវល្អប្រសើរឡើង។ មេដឹកនាំទាំងពីរប៉ះទង្គិចពាក្យសម្តីគ្នាជាញឹកញយ ប៉ុន្តែទំនាក់ទំនងតានតឹងនេះរសាយបន្តិចក្រោយអាមេរិកសម្រេចអនុម័តកញ្ចប់ថវិការាប់ពាន់លានដុល្លារដើម្បីទ្រទ្រង់យោធាអ៊ីស្រាអែល។
ប៉ុន្តែសម្តីអ៊ីស្រាអែលប្រើប្រាស់លើកនេះ ហាក់ធ្ងន់ បន្តិចហើយសម្រាប់រដ្ឋបាលលោក បារ៉ាក់ អូបាម៉ានោះ។ ហើយវាជាការប៉ះទង្គិចគ្នាផ្នែកការទូតចុងក្រោយបំផុតមួយមុនពេលលោក បារ៉ាក់ អូបាម៉ា ចាកចេញពីតំណែង។
ក្រោយអនុម័តដំណោះស្រាយ អ្នកការទូតប៉ាឡេស្ទីនលោក Saeb Erekat បានអបអរសាទរ និងហៅការការបោះឆ្នោតអម័តដំណោះស្រាយនេះថាជា«ថ្ងៃប្រវត្តិសាស្ត្រ»សម្រាប់ប៉ាឡេស្ទីន។ លោកបន្ថែមថា វាជាជ័យជម្នះសម្រាប់ច្បាប់អន្តរជាតិ លិខិតបទដ្ឋានអន្តរជាតិ និងយុត្តធម៌ក៏ដូចជាភាពស្របច្បាប់អន្តរជាតិជាដើម។
អ៊ីស្រាអែលរង់ចាំរដ្ឋបាលថ្មីរបស់លោក ដូណាល់ ត្រាំ
ក្រៅពីរិះគន់ លោក បារ៉ាក់ អូបាម៉ា រដ្ឋាភិបាលអ៊ីស្រាអែលបានប្រកាសថា ខ្លួនត្រៀមលក្ខណៈសហការជាមួយរដ្ឋបាលអាមេរិកថ្មីក្រោមអាណត្តិលោក ដូណាល់ ត្រាំ។ អ៊ីស្រាអែលជឿជាក់ថា រដ្ឋបាលថ្មីនឹងទាត់ចោលដំណោះស្រាយនេះ។
«អ៊ីស្រាអែលរំពឹងឈានទៅសហការជាមួយលោក ដូណាល់ ត្រាំ និងមិត្តភក្តិអ៊ីស្រាអែលទាំងអស់ដែលនៅក្នុងសភា ទាំងបក្សប្រជាធិបតេយ្យ និងបក្សសាធារណរដ្ឋ ដើម្បីលុបចោលដំណោះស្រាយដ៏គ្រោះថ្នាក់នេះ»។
ប្រធានាធិបតីទើបជាប់ឆ្នោតលោក ដូណាល់ ត្រាំ មាននិន្នាការគាំទ្រអ៊ីស្រាអែល ហើយលោកធ្លាប់សន្យាទទួលស្គាល់ការកាន់កាប់ទីក្រុងហ្ស៊េរុយសាឡិម ដោយប្តូរទីតាំងស្ថានទូតអាមេរិកពីក្រុង Tel Aviv ទៅហ្ស៊េរុយសាឡិមថែមទៀត។ ហើយមុនមានការបោះឆ្នោតអនុម័តសេចក្តីសម្រេចនេះ លោកបានស្នើឲ្យរដ្ឋបាលលោក បារ៉ាក់ អូបាម៉ា ជំទាស់ដំណោះស្រាយនេះផងដែរ ហើយបន្ទាប់មកលោកបានទូរសព្ទទៅកាន់ប្រធានាធិបតីអេហ្ស៊ីបដើម្បីជជែកពីបញ្ហាដំណោះស្រាយដែលអេហ្ស៊ីបព្រាងឡើងនេះផងដែរ។ ដោយឃើញស្ថានការណ៍មិនស្រួល អេហ្ស៊ីបបានស្នើសុំពន្យារការបោះឆ្នោតអនុម័តដំណោះស្រាយនេះសិន៕
ក្រោយពន្យារពេលបោះឆ្នោតអនុម័តដំណោះស្រាយព្រាងឡើងដោយអេហ្ស៊ីបដែលទាមទារឲ្យអ៊ីស្រាអែលបញ្ចប់សកម្មភាពសាងសង់លំនៅដ្ឋានលើទឹកដីប៉ាឡេស្ទីន ក្រុមប្រឹក្សាសន្តិសុខបានសម្រេចអនុម័តដំណោះស្រាយនេះជាផ្លូវការនៅថ្ងៃសុក្រទី ២៣ ធ្នូ។
សហរដ្ឋអាមេរិកជាសម្ព័ន្ធមិត្តចាក់ទឹកមិនលិចរបស់អ៊ីស្រាអែល មិនបានផ្តល់ការការពារផ្នែកការទូតដល់អ៊ីស្រាអែលឡើយ។ អាមេរិកមិនបានប្រើប្រាស់សិទ្ធិជំទាស់ទេ តែអនុប្បវាទចំពោះដំណោះស្រាយដែលទិតៀនអ៊ីស្រាអែលដែលបន្តរំលោភបំពានទឹកដីប៉ាឡេស្ទីនោះ។ អ៊ីស្រាអែលខឹងសម្បារខ្លាំង ដោយបានរិះគន់រដ្ឋបាលលោក បារ៉ាក់ អូបាម៉ា មិនសំចៃមាត់។
បើតាមទីភ្នាក់ងារព័ត៌មាន AFP នាយករដ្ឋមន្ត្រីអ៊ីស្រាអែល Benjamin Netanyahu បានបញ្ជាក់ថា៖ «អ៊ីស្រាអែលទាត់ចោលដំណោះស្រាយប្រឆាំងអ៊ីស្រាអែលដ៏ឥតអៀនខ្មាសនេះ។ ហើយអ៊ីស្រាអែលក៏មិនគោរពរាល់អ្វីដែលមានចែងក្នុងសន្ធិសញ្ញានេះដែរ»។
នាយករដ្ឋមន្ត្រីរូបនេះបន្តថា៖« រដ្ឋបាលលោក អូបាម៉ា មិនត្រឹមតែបរាជ័យក្នុងការការពារអ៊ីស្រាអែលឲ្យផុតពីចលនាប្រឆាំងនៅអង្គការសហប្រជាជាតិប៉ុណ្ណោះទេ រដ្ឋបាលនេះក៏នៅពីក្រោយរឿងនេះដែរ»។
តាមពិតទៅទំនាក់ទំនងអ៊ីស្រាអែលនិងសហរដ្ឋអាមេរិក ក្រោមរដ្ឋបាលលោក បារ៉ាក់ អូបាម៉ាមិនសូវល្អប្រសើរឡើង។ មេដឹកនាំទាំងពីរប៉ះទង្គិចពាក្យសម្តីគ្នាជាញឹកញយ ប៉ុន្តែទំនាក់ទំនងតានតឹងនេះរសាយបន្តិចក្រោយអាមេរិកសម្រេចអនុម័តកញ្ចប់ថវិការាប់ពាន់លានដុល្លារដើម្បីទ្រទ្រង់យោធាអ៊ីស្រាអែល។
ប៉ុន្តែសម្តីអ៊ីស្រាអែលប្រើប្រាស់លើកនេះ ហាក់ធ្ងន់ បន្តិចហើយសម្រាប់រដ្ឋបាលលោក បារ៉ាក់ អូបាម៉ានោះ។ ហើយវាជាការប៉ះទង្គិចគ្នាផ្នែកការទូតចុងក្រោយបំផុតមួយមុនពេលលោក បារ៉ាក់ អូបាម៉ា ចាកចេញពីតំណែង។
ក្រោយអនុម័តដំណោះស្រាយ អ្នកការទូតប៉ាឡេស្ទីនលោក Saeb Erekat បានអបអរសាទរ និងហៅការការបោះឆ្នោតអម័តដំណោះស្រាយនេះថាជា«ថ្ងៃប្រវត្តិសាស្ត្រ»សម្រាប់ប៉ាឡេស្ទីន។ លោកបន្ថែមថា វាជាជ័យជម្នះសម្រាប់ច្បាប់អន្តរជាតិ លិខិតបទដ្ឋានអន្តរជាតិ និងយុត្តធម៌ក៏ដូចជាភាពស្របច្បាប់អន្តរជាតិជាដើម។
អ៊ីស្រាអែលរង់ចាំរដ្ឋបាលថ្មីរបស់លោក ដូណាល់ ត្រាំ
ក្រៅពីរិះគន់ លោក បារ៉ាក់ អូបាម៉ា រដ្ឋាភិបាលអ៊ីស្រាអែលបានប្រកាសថា ខ្លួនត្រៀមលក្ខណៈសហការជាមួយរដ្ឋបាលអាមេរិកថ្មីក្រោមអាណត្តិលោក ដូណាល់ ត្រាំ។ អ៊ីស្រាអែលជឿជាក់ថា រដ្ឋបាលថ្មីនឹងទាត់ចោលដំណោះស្រាយនេះ។
«អ៊ីស្រាអែលរំពឹងឈានទៅសហការជាមួយលោក ដូណាល់ ត្រាំ និងមិត្តភក្តិអ៊ីស្រាអែលទាំងអស់ដែលនៅក្នុងសភា ទាំងបក្សប្រជាធិបតេយ្យ និងបក្សសាធារណរដ្ឋ ដើម្បីលុបចោលដំណោះស្រាយដ៏គ្រោះថ្នាក់នេះ»។
ប្រធានាធិបតីទើបជាប់ឆ្នោតលោក ដូណាល់ ត្រាំ មាននិន្នាការគាំទ្រអ៊ីស្រាអែល ហើយលោកធ្លាប់សន្យាទទួលស្គាល់ការកាន់កាប់ទីក្រុងហ្ស៊េរុយសាឡិម ដោយប្តូរទីតាំងស្ថានទូតអាមេរិកពីក្រុង Tel Aviv ទៅហ្ស៊េរុយសាឡិមថែមទៀត។ ហើយមុនមានការបោះឆ្នោតអនុម័តសេចក្តីសម្រេចនេះ លោកបានស្នើឲ្យរដ្ឋបាលលោក បារ៉ាក់ អូបាម៉ា ជំទាស់ដំណោះស្រាយនេះផងដែរ ហើយបន្ទាប់មកលោកបានទូរសព្ទទៅកាន់ប្រធានាធិបតីអេហ្ស៊ីបដើម្បីជជែកពីបញ្ហាដំណោះស្រាយដែលអេហ្ស៊ីបព្រាងឡើងនេះផងដែរ។ ដោយឃើញស្ថានការណ៍មិនស្រួល អេហ្ស៊ីបបានស្នើសុំពន្យារការបោះឆ្នោតអនុម័តដំណោះស្រាយនេះសិន៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
