ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អាជ្ញាធររង់ចាំមើលការស្រុះស្រួលគ្នាលើគម្រោងសង់ផ្លូវកាត់របងវិហារឥស្លាមបឹងកក់
27, Dec 2016 ,
3:07 pm
រូបភាព
×
ដោយ:
ភ្នំពេញ៖ អាជ្ញាធរសាលារាជធានីភ្នំពេញហាក់រារែកសង់ផ្លូវថ្មីកាត់របងវិហារឥស្លាមបឹងកក់ ឡើយ ខណៈសាសនិខ្មែរឥស្លាមម្ខាងគាំទ្រ ខ្លះជំទាស់គម្រោងបើកផ្លូវថ្មីរបស់អាជ្ញាធរ។ តែ លោក ឃួង ស្រេង អភិបាលរងសាលារាជធានីភ្នំពេញថា អាជ្ញាធរនឹងសម្រេចចិត្តសង់ ឬមិនសង់ តាមមតិសាសនិកខ្មែរឥស្លាមភាគច្រើន។
លោក អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី និងជាថ្នាក់ដឹកនាំសាសនិកខ្មែរឥស្លាមមួយរូប បានបន្តប្រកាសគាំទ្រគម្រោងសង់ផ្លូវរបស់អាជ្ញាធរសាលារាជធានីភ្នំពេញ។
លោកបានបញ្ជាក់មូលហេតុផ្ទុយពីមតិជំទាស់របស់ខ្មែរឥស្លាមមួយចំនួនថា គម្រោងសង់ផ្លូវសាធារណៈថ្មីមានសារៈសំខាន់ ដោយលោកនិយាយថា វារំដោះការកកស្ទះចរាចរណ៍ និងការរៀបចំប្រព័ន្ធលូរំដោះជំនន់ទឹកភ្លៀងតាមបណ្តោយផ្លុវថ្មី រួមទាំងលើកកម្ពស់សោភ័ណ ភាពវិហារឥស្លាមបឹងកក់កណ្តាលរាជធានីភ្នំពេញផង។
លោកបានពន្យល់តំណាងសាសនិកឥស្លាមជាង ៦០០នាក់មកពី២៥ រាជធានីខេត្ត ក្នុងកិច្ចប្រជុំគណៈអ៊ីម៉ាំសាសនិកឥស្លាមទូទាំងប្រទេស នៅថ្ងៃទី២៦ ខែធ្នូ ឆ្នាំ២០១៦ នាវិហារឥស្លាមបឹងកក់ដូច្នេះថា៖«សាលារាជធានីភ្នំពេញបានសន្យាទូទាត់សងទំហំដីស្មើនឹងទំហំដីដែលគេកាត់សង់ផ្លូវវិញដែរ»។
សំឡេងលោក អូស្មាន ហាស្សាន់ ពន្យល់ពីការសង់ផ្លូវ និងប្រវត្តិវិហារឥស្លាមបឹងកក់៖
តាមលោក អូស្មាន ហាស្សាន់ វិហារឥស្លាមបឹងកក់ នឹងមានចម្ងាយឃ្លាតពីផ្លូវឆ្ងាយជាងគេចំណោមវិហារដទៃក្នុងរាជធានីភ្នំពេញ ព្រោះវាស្ថិតឆ្ងាយពីផ្លូវថ្មីរហូតដល់ ៦០ម៉ែត្រ ប្រសិនបើសាលារាជធានីភ្នំពេញបើកផ្លូវ នាពេលខាងមុខ។
ប៉ុន្តែ លោក អ៉ះម៉ាត់ យ៉ះយ៉ា តំណាងខ្មែរឥស្លាមម្នាក់ដែលធ្លាប់ចាញ់ក្តីពីបទបរិហាកេរ្តិ៍លោក អូស្មាន ហាស្សាន់ ពាក់ព័ន្ធបញ្ហានេះកន្លងទៅ ធ្លាប់បានលើកហេតុផលជំទាស់នឹង
គម្រោងផ្លូវសង់ផ្លូវកាត់របងវិហារដាច់ខាត
។ លោកបានលើកហេតុផលថា វានឹងធ្វើឲ្យប៉ះពាល់ និងបង្កភាពអានាធិបតេយ្យដល់បរិវេណវិហារដែលជាទីសក្ការបូជារបស់សាសនាឥស្លាម។
តំណាងអ្នកជំទាស់យ៉ាងម៉ឺងម៉ាត់លើគម្រោងហើយទាមទារឲ្យអាជ្ញាធរបង្ហាញផែនការមេផ្លូវវាងឲ្យបានច្បាស់លាស់សិន មុនពេលពួកគេផ្តើមសាងសង់ផ្លូវ។ លោកបានប្រាប់អ្នកកាសែតពេលអាជ្ញាធរភ្នំពេញ ចុះវាស់វែងកំណត់ដីផ្លូវ កាលពីថ្ងៃទី១៩ ខែធ្នូនេះដូច្នេះ៖«អត់មានរបស់នេះ ជារបស់អ្នកណាម្នាក់ទេ គឺវាជារបស់សាសនិកឥសា្លម។ បើដីឯកជន អាជ្ញាធរធ្វើចុះ»។
ឆ្លើយតបនឹងបញ្ហានេះដែរ អាជ្ញាធរពុំទាន់ហ៊ានប្រកាសថា នឹងអនុវត្តគម្រោងភ្លាមដែរ ក្រោយពេលតំណាងសាសនិកខ្មែរឥស្លាមម្ខាងគាំទ្រ និងម្ខាងមិនគាំទ្រ។ លោក ឃួង ស្រេង អភិបាលស្ដីទីរាជធានីភ្នំពេញ បានប្រាប់អ្នកសារព័ត៌មានថា លោកនឹងបន្តធ្វើរបាយការណ៍ប្រជុំឲ្យអភិបាលរាជធានីភ្នំពេញ ដើម្បីពិនិត្យ និងសម្រេច នាពេលខាងមុខ។ លោកបានបន្តនិយាយថា អាជ្ញាធរនឹងយល់ព្រមទទួលយកសំណើរបស់ខ្មែរឥស្លាមមតិភាគច្រើន ហើយលោកសង្កេតឃើញថា សាសនិកឥស្លាមជាង ៩០ភាគរយ បានគាំទ្រឲ្យសាលារាជធានីភ្នំពេញបើកផ្លូវថ្មី កាត់របងវិហារឥស្លាមបឹងកក់។
យ៉ាងណា លោកសន្យាការពារដីវិហារឥស្លាមថា៖«អាជ្ញាធរមិនឲ្យបុគ្គលណាម្នាក់មានសិទ្ធិធ្វើអាជីវកម្មស្របច្បាប់លើដីវិហារឥស្លាមបឹងកក់ឡើយ ហើយអាជ្ញាធររង់ចាំទទួលពាក្យបណ្ដឹងជំទាស់ ដើម្បីពិនិត្យដោះស្រាយ មុនការអភិវឌ្ឍន៍គម្រោងជានិច្ច»។
សំឡេងលោក ឃួង ស្រេង សន្យាការពារដីវិហារសាសនិកឥស្លាម៖
តាមលោក សារិន វណ្ណា ប្រធានមន្ទីររៀបចំដែនដីរាជធានីភ្នំពេញ អាជ្ញាធរនឹងសង់ផ្លូវថ្មីដែលទទឹង ២០ម៉ែត្រ ទ្រូងផ្លូវ ១៦ ចិញ្ចើមផ្លូវម្ខាងៗ ២ម៉ែត្រ និងបណ្តោយជាង ២០០ ម៉ែត្រ ហើយអាជ្ញាធរនឹងរៀបចំប្រព័ន្ធលូរំដោះជំនន់ទឹកភ្លៀងតាមបណ្តោយផ្លូវថ្មីដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អូស្មាន ហាស្សាន់
ឃួង ស្រេង
វិហារឥស្លាមបឹងកក់
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 ថ្ងៃ
អត្ថបទពេញនិយមបន្ថែម