កម្ពុជាគ្រោងចំណាយ ២០០ លានដុល្លារ សង់កំពង់ផែ ដែលអាចទទួលកប៉ាល់គ្រប់ប្រភេទចូលចតបាន ៩៣ ភាគរយ

ជាតិ

កម្ពុជាគ្រោងចំណាយ ២០០ លានដុល្លារ សង់កំពង់ផែ ដែលអាចទទួលកប៉ាល់គ្រប់ប្រភេទចូលចតបាន ៩៣ ភាគរយ

29, Dec 2016 , 9:39 pm

រូបភាព

ដោយ:

ភ្នំពេញ៖ រដ្ឋាភិបាលបានឲ្យទីភ្នាក់ងារប្រតិបត្តិការអន្តរជាតិជប៉ុន (JICA) សិក្សាលើគម្រោងសាងសង់កំពង់ផែទឹកជ្រៅនៅខេត្តព្រះសីហនុ ដើម្បីពង្រឹងសក្តានុពលដឹកជញ្ជូនតាមផ្លូវសមុទ្ររបស់កម្ពុជា។ នេះបើតាម លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។

កំពង់ផែថ្មីនេះមានជម្រៅ ១៤,៥ម៉ែត្រ ប្រវែង៣៥០ម៉ែត្រ ដែលគ្រោងចំណាយថវិកាជាង ២០០លានដុល្លារ។ លោក ស៊ុន ចាន់ថុល បញ្ជាក់ដូច្នេះ បន្ទាប់ពីបញ្ចប់សន្និបាតបូកសរុបការងារប្រចាំឆ្នាំ២០១៦ និងលើកទិសដៅការងារឆ្នាំ២០១៧ របស់ក្រសួងសាធារណការ និងដឹកជញ្ជូន នៅថ្ងៃទី២៨ខែធ្នូ។ លោកអះអាងថា កំពង់ថ្មីនេះអាចទទួលកប៉ាល់ធំៗគ្រប់ប្រភេទចូលចតបានរហូតដល់ ៩៣ ភាគរយ ពីជុំវិញពិភពលោក។

សូមស្ដាប់ប្រសាសន៍ លោក ស៊ុន ចាន់ថុល ខាងក្រោមនេះ៖

លោក លូ គឹមឈុន អគ្គនាយកកំពង់ផែស្វយ័តក្រុងព្រះសីហនុ ឲ្យដឹងថា ផែទឹកជ្រៅនេះអាចនឹងត្រូវសាងសង់នៅឆ្នាំ ២០១៨ ហើយគ្រោងនឹងបញ្ចប់នៅឆ្នាំ២០២២ ។ លោកបន្ថែមថាកំពង់ផែថ្មីនេះនឹងជួយកាត់បន្ថយថ្លៃដឹកជញ្ជូន និងបង្កើនភាពប្រកួតប្រជែងសម្រាប់ទំនិញចាំចេញ-ចូលតាមច្រកសមុទ្រ នៅពេលដាក់ឲ្យដំណើរការផែនេះ។ បើតាមលោក គឹមឈុន បច្ចុប្បន្ន កំពង់ផែស្វយ័តក្រុងព្រះសីហនុ អាចទទួលឲ្យកប៉ាល់ចូលចតបានតែប្រមាណ ២០ភាគរយប៉ុណ្ណោះ៕