អន្តរជាតិ
×![]()
ដោយ: ថ្មីៗ
រដ្ឋាភិបាលក្រុងមូស្គូ បានអះអាងថា រុស្ស៊ី ចង់ធ្វើសមយុទ្ធយោធានៅក្នុងសមុទ្រចិនខាងត្បូងជាមួយនឹងហ្វីលីពីន ចិន និងម៉ាឡេស៊ីក្នុងគោលដៅលើកកម្ពស់ការប្រយុទ្ធប្រឆាំងភេរវកម្ម និងសកម្មភាពចោរសមុទ្រនៅទីនោះ។ សេចក្តីថ្លែងការណ៍នេះ ត្រូវបានធ្វើឡើង ស្របនឹងវត្តមានរបស់នាវាប្រឆាំងនាវាមុជទឹកពីរគ្រឿងរបស់រុស្ស៊ី បានចូលចតលើកដំបូងក្នុងទស្សនកិច្ចនៅប្រទេសហ្វីលីពីន។ 
លោកមេបញ្ជាការរងរុស្សីប្រចាំប៉ាស៊ីហ្វិក Mikhailov នៅថ្ងៃទី៤ មករា នាសន្និសីទក្នុងក្រុងម៉ានីល បានបញ្ជាក់យ៉ាងដូច្នេះថា៖«យើង សង្ឃឹមថា នៅពីរឬបីឆ្នាំទៅមុខទៀត លំហាត់យោធា ... នៅក្នុងតំបន់របស់អ្នក(ហ្វីលីពីន) និងសមុទ្រចិនខាងត្បូង នឹងមានការចូលរួមកាន់តែច្រើន ដែលមិនមែនមានត្រឹមតែរវាងរុស្ស៊ី និងហ្វីលីពីន ក៏ប៉ុន្តែ ក៏មានចិន និងម៉ាឡេស៊ីផងដែរ»។ នេះបើយោងតាមការចុះផ្សាយរបស់សារព័ត៌មាន The Jakarta Post។
លោក Mikhailov បានបន្ថែមទៀតថា រុស្ស៊ី នឹងចូលរួមជាមួយដើម្បីធានាពីសុវត្ថិភាពដែនសមុទ្រដែលមានបញ្ហាចម្បងខ្លាំង ដែលរួមមានភេរវកម្ម និងចោរសមុទ្រនោះ ហើយ រុស្ស៊ី នឹងបង្ហាញនូវអ្វី រុស្ស៊ី អាចធ្វើបាន និងរង់ចាំមើលថា ប្រទេសនៅក្នុងតំបន់(ហ្វីលីពីន ចិន និងម៉ាឡេស៊ី) អាចធ្វើបានអ្វីខ្លះផងដែរ។
សូមរម្លឹកបន្តិចដែរថា នៅថ្ងៃទី៣ ខែធ្នូ កន្លងទៅ កប៉ាល់ចម្បាំងប្រឆាំងនាវាមុជទឹក Admiral Tributs និងកប៉ាល់ Boris Butoma នៃកងទ័ពជើងទឹករុស្ស៊ី ដែលជាប្រភេទនាវាចម្បាំងប្រឆាំងនាវាមុជទឹក បានចូលចត និងផ្តើមទស្សនកិច្ចសុឆន្ទៈនៅទឹកដីហ្វីលីពីនជាលើកដំបូងរយៈពេលបួនថ្ងៃ។
តាមរយៈវត្តមាននាវាចម្បាំងនៅក្នុងទឹកដីហ្វីលីពីននោះដែរ រដ្ឋាភិបាលក្រុងមូស្គូ បានបង្ហាញពីចេតនា ក្នុងការក្លាយជាដៃគូ និងមិត្តភក្តិជិតស្និទ្ធរបស់ប្រទេសសមាជិកអាស៊ានហ្វីលីពីនផងដែរ។ ក្នុងនោះ រុស្ស៊ី បានសន្យាផ្គត់ផ្គង់សព្វាវុធជាច្រើនប្រភេទដល់ហ្វីលីពីនដើម្បីពង្រឹងសមត្ថភាព ដែលរួមមានទាំងយន្តហោះ ឧទ្ធម្ភារចក្រ នាវាមុជទឹក និងអាវុធធុនតូចមួយចំនួនផ្សេងទៀត។
សូមជម្រាបផងដែរថា សមុទ្រចិនខាងត្បូង គឺជាតំបន់ជម្លោះអធិបតេយ្យដែលមានរដ្ឋពាក់ព័ន្ធរួមមាន ព្រុយណេ ម៉ាឡេស៊ី ហ្វីលីពីន វៀតណាម និងចិន។ កន្លងមក ដោយសារតែភាពមិនដាច់ស្រេចនៃដំណោះស្រាយរួម អាមេរិក ដែលមិនមានទឹកដីជាប់សមុទ្រចិនខាងត្បូងនោះ ក៏បានបង្ហាញវត្តមាននាវាចម្បាំង និងយន្តហោះស៊ើបការណ៍មកកាន់តំបន់ជម្លោះក្រោមហេតុផលច្បាប់អន្តរជាតិផងដែរ។ បើរុស្ស៊ី ពិតជានឹងមានវត្តមានក្នុងសមយុទ្ធយោធាសមុទ្រចិនខាងត្បូងនាពេលខាងមុខមែន នោះតំបន់ជម្លោះនេះ នឹងកាន់តែមានដៃគូពាក់ព័ន្ធកាន់ច្រើន និងស្មុគស្មាញហើយ៕
លោកមេបញ្ជាការរងរុស្សីប្រចាំប៉ាស៊ីហ្វិក Mikhailov នៅថ្ងៃទី៤ មករា នាសន្និសីទក្នុងក្រុងម៉ានីល បានបញ្ជាក់យ៉ាងដូច្នេះថា៖«យើង សង្ឃឹមថា នៅពីរឬបីឆ្នាំទៅមុខទៀត លំហាត់យោធា ... នៅក្នុងតំបន់របស់អ្នក(ហ្វីលីពីន) និងសមុទ្រចិនខាងត្បូង នឹងមានការចូលរួមកាន់តែច្រើន ដែលមិនមែនមានត្រឹមតែរវាងរុស្ស៊ី និងហ្វីលីពីន ក៏ប៉ុន្តែ ក៏មានចិន និងម៉ាឡេស៊ីផងដែរ»។ នេះបើយោងតាមការចុះផ្សាយរបស់សារព័ត៌មាន The Jakarta Post។
លោក Mikhailov បានបន្ថែមទៀតថា រុស្ស៊ី នឹងចូលរួមជាមួយដើម្បីធានាពីសុវត្ថិភាពដែនសមុទ្រដែលមានបញ្ហាចម្បងខ្លាំង ដែលរួមមានភេរវកម្ម និងចោរសមុទ្រនោះ ហើយ រុស្ស៊ី នឹងបង្ហាញនូវអ្វី រុស្ស៊ី អាចធ្វើបាន និងរង់ចាំមើលថា ប្រទេសនៅក្នុងតំបន់(ហ្វីលីពីន ចិន និងម៉ាឡេស៊ី) អាចធ្វើបានអ្វីខ្លះផងដែរ។
សូមរម្លឹកបន្តិចដែរថា នៅថ្ងៃទី៣ ខែធ្នូ កន្លងទៅ កប៉ាល់ចម្បាំងប្រឆាំងនាវាមុជទឹក Admiral Tributs និងកប៉ាល់ Boris Butoma នៃកងទ័ពជើងទឹករុស្ស៊ី ដែលជាប្រភេទនាវាចម្បាំងប្រឆាំងនាវាមុជទឹក បានចូលចត និងផ្តើមទស្សនកិច្ចសុឆន្ទៈនៅទឹកដីហ្វីលីពីនជាលើកដំបូងរយៈពេលបួនថ្ងៃ។
តាមរយៈវត្តមាននាវាចម្បាំងនៅក្នុងទឹកដីហ្វីលីពីននោះដែរ រដ្ឋាភិបាលក្រុងមូស្គូ បានបង្ហាញពីចេតនា ក្នុងការក្លាយជាដៃគូ និងមិត្តភក្តិជិតស្និទ្ធរបស់ប្រទេសសមាជិកអាស៊ានហ្វីលីពីនផងដែរ។ ក្នុងនោះ រុស្ស៊ី បានសន្យាផ្គត់ផ្គង់សព្វាវុធជាច្រើនប្រភេទដល់ហ្វីលីពីនដើម្បីពង្រឹងសមត្ថភាព ដែលរួមមានទាំងយន្តហោះ ឧទ្ធម្ភារចក្រ នាវាមុជទឹក និងអាវុធធុនតូចមួយចំនួនផ្សេងទៀត។
សូមជម្រាបផងដែរថា សមុទ្រចិនខាងត្បូង គឺជាតំបន់ជម្លោះអធិបតេយ្យដែលមានរដ្ឋពាក់ព័ន្ធរួមមាន ព្រុយណេ ម៉ាឡេស៊ី ហ្វីលីពីន វៀតណាម និងចិន។ កន្លងមក ដោយសារតែភាពមិនដាច់ស្រេចនៃដំណោះស្រាយរួម អាមេរិក ដែលមិនមានទឹកដីជាប់សមុទ្រចិនខាងត្បូងនោះ ក៏បានបង្ហាញវត្តមាននាវាចម្បាំង និងយន្តហោះស៊ើបការណ៍មកកាន់តំបន់ជម្លោះក្រោមហេតុផលច្បាប់អន្តរជាតិផងដែរ។ បើរុស្ស៊ី ពិតជានឹងមានវត្តមានក្នុងសមយុទ្ធយោធាសមុទ្រចិនខាងត្បូងនាពេលខាងមុខមែន នោះតំបន់ជម្លោះនេះ នឹងកាន់តែមានដៃគូពាក់ព័ន្ធកាន់ច្រើន និងស្មុគស្មាញហើយ៕
Tag:
រុស្ស៊ី
ហ្វីលីពីន
អាស៊ាន
សមុទ្រចិនខាងត្បូង
© រក្សាសិទ្ធិដោយ thmeythmey.com
