NBC ដាក់​ឲ្យ​ដេញថ្លៃ​សាច់ប្រាក់ ៤០​ពាន់​លាន​រៀល​លើក​ទី​៤
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


សេដ្ឋកិច្ច
NBC ដាក់​ឲ្យ​ដេញថ្លៃ​សាច់ប្រាក់ ៤០​ពាន់​លាន​រៀល​លើក​ទី​៤
អត្ថបទ : ញ៉ុង​ ហេង       January-10-2017, 8:59 pm         1269
រូបភាព
​ភ្នំពេញ​៖ ធនាគារជាតិ​នៃ​កម្ពុជា (NBC) ប្រកាស​ដាក់​ឲ្យ​ដេញថ្លៃ​សាច់ប្រាក់ ៤០​ពាន់​លាន​រៀល (​ជិត​១០​លាន​ដុល្លារ​) លើក​ទី​៤ សម្រាប់​គ្រឹះស្ថាន​ធនាគារ និង​មីក្រូហិរញ្ញវត្ថុ ដែលមាន​តម្រូវការ​ប្រាក់រៀល​នៅក្នុង​ចរន្ត​ឥណទាន​របស់ខ្លួន​។ នេះ​បើតាម​សេចក្ដីជូនដំណឹង​របស់ NBC នៅ​ថ្ងៃទី​១០​ខែមករា​។​


NBC នឹងដាក់​ឲ្យ​ដេញថ្លៃ​ប្រាក់រៀល​លើក​ទី​៤​នេះ នៅ​ថ្ងៃទី​១៧​ខែមករា​ឆ្នាំនេះ​។ ការដេញថ្លៃ​នេះ គឺ​ស្ថិតក្នុង​ប្រតិបត្តិ​ការផ្ដល់​សន្ទនីយ​ភាព​ដោយមាន​ការធានា (LPCO) ដែល​ត្រូវបាន NBC ដាក់​ឲ្យ​អនុវត្ត​ចាប់តាំងពី​ខែតុលា​ឆ្នាំ​២០១៦ មក ដើម្បី​បង្កើន​ការប្រើប្រាស់​ប្រាក់រៀល និង​ផ្ដល់​កម្ចី​ប្រាក់រៀល​ជាមួយ​អត្រា​ការប្រាក់​សមរម្យ​។ តាមរយៈ​ប្រតិបត្តិការ​នេះ NBC នឹង​ផ្ដល់ទុន​បង្វិល​ជា​ប្រាក់រៀល ដល់​គ្រឹះស្ថាន​ហិរញ្ញវត្ថុ​ជាមួយ​អត្រា​ការប្រាក់​ក្នុង​កម្រិត​ណាមួយ​។

​គួរ​បញ្ជាក់ថា ការដេញថ្លៃ​ប្រាក់រៀល​របស់ NBC នេះ គឺ​ប្រព្រឹត្ត​ទៅជា​រៀងរាល់ខែ​។ សាច់ប្រាក់​ដាក់​ឲ្យ​ដេញថ្លៃ ៣​លើក​មុននេះ គឺមាន​ទំហំ ៤០​ពាន់​លាន​រៀល​ដូចគ្នា​។ ហើយ​ទឹកប្រាក់​ដេញថ្លៃ​បាន​សរុប​ក្នុង​លើក​មុនៗ មិន​លើសពី ១២​ពាន់​លាន​រៀល​នោះទេ ជាមួយនឹង​អត្រា​ការប្រាក់ ៣​ភាគរយ​ក្នុង​១​ឆ្នាំ​។
Tag:
 LPCO
  ប្រាក់រៀល​
  កម្ចី​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
1 day - 12340
​ភ្នំពេញ​៖ លោក​វេជ្ជបណ្ឌិត គួច ម៉េង​លី ប្រធាន​មូលនិធិ ម៉េង​លី ជេ​. គួច​ដែលជា​ផ្នែក​មួយ នៃ​ក្រុមហ៊ុន ម៉េង​លី ជេ​. គួច គ្រុប បាន​ត្អូញត្អែរ​ពី​ផល​លំបាក ពេលដែល​លោក​នាំ​សម្ភារ​អំណោយ ដូចជា សៀវភៅ និង​គ្រែ​អ្នកជំងឺ​ចូលក្នុង​ប្រទេស​ម្ដងៗ​។ លោក​បង្ហាញ​ការ​ខក ចិត្ត​ចំពោះ​ការយកពន្ធ​លើ​ការ​នាំចូល​សម្ភារ​ទាំងនេះ ដ្បិត​សម្ភារ​ទាំងនេះ គឺជា​អំណោយ​ពី​ក្រៅប្រទេស ដែល​ប្រគល់ជូន​មូលនិធិ​របស់លោក ដើម្បី​ផ្ដល់ជូន​ដោយ​ឥតគិតថ្លៃ​ដល់​មន្ទីរពេទ្យ​រដ្ឋ បណ្ណាល័យ និង​អង្គការ​នានា​។
2 day - 710
​ភ្នំពេញ​៖ ធនាគារជាតិ​នៃ​កម្ពុជា (NBC) បានផ្ដល់​កម្ចី​ចំនួន ៩,៤​ពាន់​លាន​រៀល​ជាមួយ​អត្រា​ការប្រាក់ ៣​ភាគរយ​ដល់​គ្រឹះស្ថាន​ហិរញ្ញវត្ថុ​ចំនួន​បី តាមរយៈ​ការដេញថ្លៃ នៅ​ថ្ងៃទី​១៧​ខែមករា​។​
3 day - 1554
Interview EN
​ភ្នំពេញ​៖ ចំណេះដឹង​ជំនាញ​រឹង និង​ជំនាញ​ទន់ បាន និង​កំពុង​ត្រូវបាន​អ្នកជំនាញ​លើក​យកមក​ពិភាក្សា ជជែក និង​បង្រៀន​កាន់តែ​ច្រើនឡើង​នៅក្នុង​សង្គម​ខ្មែរ​។ កាលពី​ពេលមុន ចំណេះដឹង​ជំនាញ​ទន់ មិនសូវ​ត្រូវបាន​គេ​យកចិត្តទុកដាក់​ទេ​។ ជំនាញ​រឹង គឺជា​ចំណេះដឹង​ជំនាញ ដូចជា វិស្វករ រៀន​សាង​សង់ផ្ទះ ឬ​សាងសង់​ផ្លូវ​។ ស្ថាបត្យករ រៀន​គូរ​ប្លង់​ជាដើម​។
3 day - 1615
​ភ្នំពេញ​៖ ក្រុមហ៊ុន ម៉េង​លី ជេ​. គួច អេ​ឌ្យូ​ខេ​សិន  ដែលមាន​វិទ្យាស្ថាន និង​សាលារៀន អន្តរទ្វីប​អាមេរិកាំង ដោយ​សហការ​ជាមួយ​ក្រុមហ៊ុន Money Tree ដាក់​ឲ្យ​ដំណើរការ​កម្មវិធី​បណ្ដុះ​បណ្ដាល​ចំណេះដឹង​ផ្នែក​ហិរញ្ញវត្ថុ​ដល់​សិស្សានុសិស្ស​នៃ​សាលារៀន​របស់ខ្លួន និង​សិស្ស​មកពី​សាលាដ​ទៃទៀត ដើម្បី​ពង្រឹងសមត្ថភាព​របស់​ពួកគេ​ឲ្យ​ចេះ​គ្រប់គ្រង​ថវិកា​។
1 week - 1596
​ភ្នំពេញ​៖ ការចេញ​អង្ករ​របស់​កម្ពុជា​ទៅ​ទីផ្សារ​អន្តរជាតិ  ឆ្នាំ ២០១៦ កើនឡើង​ត្រឹមតែ ០,៧ ភាគរយ ដែលមាន​ចំនួន ៥៤,២ ម៉ឺន​តោន បើ​ធៀប​នឹង​ឆ្នាំ​២០១៥ មាន​បរិមាណ ៥៣,៨​ម៉ឺន​តោន ដែលជា​តួលេខ​មួយ​នៅ​ឆ្ងាយ​ពី​ទិសដៅ​នាំចេញ​អង្ករ ១​លាន​តោន​របស់​រដ្ឋាភិបាល ដែល​បរាជ័យ​រួចមកហើយ​នៅ​ឆ្នាំ​២០១៥ ។ រដ្ឋមន្ត្រី​ក្រសួងកសិកម្ម និង​អ្នក​នៅក្នុង​វិស័យនេះ បារម្ភ​ពី​វិស័យ​មួយ​នេះ ដែល​ចាំបាច់​ត្រូវមាន​ដំណោះស្រាយ​។

20 Jan 2017