អូ​បា​ម៉ា អំពាវនាវ​ឲ្យ​ប្រជាជន​បន្ត​ជឿជាក់​លើ​ប្រព័ន្ធ​«​ប្រជាធិបតេយ្យ​»
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
អូ​បា​ម៉ា អំពាវនាវ​ឲ្យ​ប្រជាជន​បន្ត​ជឿជាក់​លើ​ប្រព័ន្ធ​«​ប្រជាធិបតេយ្យ​»
អត្ថបទ : សៅ ផលនិស្ស័យ       January-11-2017, 12:43 pm         1029
រូបភាព
​ក្នុងពេល​ផ្តល់​សុន្ទរកថា​ចុងក្រោយ សារ​មួយ​ដ៏​សំខាន់​របស់​ប្រធានាធិបតី​ជិត​ផុត​អាណត្តិ​លោក បា​រ៉ា​ក់ អូ​បា​ម៉ា គឺ​ការអំពាវនាវ​ឲ្យ​ប្រជាជន​បន្ត​ជឿជាក់​លើ​«​របប​ប្រជាធិបតេយ្យ​» ដោយ​បន្ត​ចូលរួម​ប្រឡូក​ក្នុង​ឆាក​យោ​បាយ​ឲ្យ​សកម្ម​ឬ​ឈរឈ្មោះ​ប្រកួត​យក​តំណែង​សាធារណៈ​ផង​។ លោក​សង្កត់ធ្ងន់ថា ការ​ចាញ់ឈ្នះ​ជា​រឿង​ធម្មតា​ក្នុង​បរិបទ​ប្រជាធិបតេយ្យ​។

​ប្រធានាធិបតី​ជិត​ផុត​អាណត្តិ​លោក បា​រ៉ា​ក់ អូ​បា​ម៉ា បាន​ផ្តាំផ្ញើ​ឲ្យ​ប្រជាជន​អាមេរិក​បន្ត​ការជឿជាក់​លើ​របប​ប្រជាធិបតេយ្យ ដោយ​បន្ត​ចូលរួម​ឲ្យ​បាន​សកម្ម​ក្នុង​បញ្ហានយោបាយ​និង​សាមគ្គី​គ្នា​។ ហើយ «​ឈ្នះ​ឬ​ចាញ់​ក្នុង​នយោបាយ​» ជា​រឿង​ធម្មតា​ក្នុង​បរិបទ​ប្រជាធិបតេយ្យ​។  
 
​លោក អូ​បា​ម៉ា បាន​លើកឡើងថា​៖«​បង្ហាញថា​អ្នក​ពេញចិត្ត ហើយ​ចូលរួម​ក្នុង​នយោបាយ​។ ពេលខ្លះ​អ្នកនឹង​ឈ្នះ ហើយ​ពេលខ្លះទៀត​អ្នក​ក៏​ចាញ់​ដែរ​»​។​
 
​លោក​បាន​ព្យាយាម​ពន្យល់​បន្ថែមថា នៅក្នុង​សង្គម​ប្រជាធិបតេយ្យ រឿង​សំខាន់បំផុត​ដែល​ប្រជាជន​ត្រូវធ្វើ​គឺ​បើក​ចិត្ត​ឲ្យ​ទូលាយ​ដើម្បី​សុន្ទ​នា​ឬ​ពិភាក្សា​ជាមួយ​អ្នក​ដែលមាន​គំនិត​ផ្ទុយ​។ ហើយ​ការរក្សា​ឲ្យ​បាន​នូវ​ប្រព័ន្ធ​ប្រជាធិបតេយ្យ​មិនចាំបាច់​ត្រូវ​ទាល់តែ​មានគំនិត​ដូចគ្នា​ទេ តែ​វា​ត្រូវការ​ការ​សាមគ្គី​និង​ចូលរួម​ទាំងអស់គ្នា​។ 
 
​លោក អូ​បា​ម៉ា បន្ត​ដូច្នេះ​ថា​៖ «​ប្រជាធិបតេយ្យ​មិនត្រូវ​ការ​ភាពដូចគ្នា​ឡើយ តែ​វា​ត្រូវការ​ការ​សាមគ្គី​គ្នា​។ ហើយ​នយោបាយ​ត្រឹម​ជា​សមរភូមិ​មួយ​នៃ​គំនិត​យោបល់​។ នេះហើយ​ជា​វិធី​ដែល​គេ​រៀបចំ​ប្រជាធិបតេយ្យ​នោះ​»​។ 
 
​អ្វីដែល​លោក​លើកឡើង​សុទ្ធតែ​ឆ្លុះបញ្ចាំង​ឲ្យ​ឃើញ​ពី​បរបទ​នយោបាយ​អាមេរិក​ក្រោយ​ពេលដែល សេដ្ឋី ដូ​ណា​ល់ ត្រាំ ឈ្នះឆ្នោត អាមេរិក​។  ក្នុង​សុន្ទរកថា​នេះ លោក បា​រ៉ា​ក់ អូ​បា​ម៉ា បាន​សង្កត់ធ្ងន់ថា​ជាថ្មី​ថា រដ្ឋបាល​លោក​នឹង​ធានាថា ការផ្ទេរអំណាច​ទៅ​ឲ្យ​លោក ដូ​ណា​ល់ ត្រាំ នឹងត្រូវ​រៀបចំឡើង​ដោយ​រលូន​ដូចដែល​លោក លោក ច​ច ដា​ប៊ិ​ល​យូ​ប៊ូ​ស (George W. Bush) ផ្ទេរអំណាច​ឲ្យ​លោក​ដូច្នេះ​ដែរ​។ ដែល​នេះ​ជា​ដំណើរការ​នៃ​ប្រជាធិបតេយ្យ​។ 
 
 យ៉ាងណា​ក៏ដោយចុះ លោក បា​រ៉ា​ក់ អូ​បា​ម៉ា ទទួលស្គាល់ថា ប្រជា​ជា​ធិបតេយ្យ​អាច​ដើរទៅ​មុខ​បាន​ដរាបណា​មនុស្ស​គ្រប់គ្នា​មានឱកាស​ក្នុងការ​ទទួលបាន​ប្រយោជន៍​សេដ្ឋកិច្ច​។ ប្រយោជន៍​ទាំងនោះ​ដូចជា​ជីវភាព​រស់នៅ​ប្រសើរ​,​មានលទ្ធភាព​ចូលរួម​, មានការ​ងារ​ធ្វើ​ត្រឹមត្រូវ និង​ទទួលបាន​ប្រយោជន៍​សង្គម​ផ្សេងទៀត​។ នៅពេលដែល​គ្រប់គ្នា​មានឱកាស​ផ្នែក​សេដ្ឋកិច្ច ប្រជាធិបតេយ្យ​នឹង​អាច​ដំណើរ​ការល្អ ដោយសារ​វា​មានការ​ចូលរួម​សកម្ម​ពី​ប្រជាជន​ទូទៅ​៕
 
   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2424
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2015
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2319
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017