អន្តរជាតិ
នាយករដ្ឋមន្ត្រីជប៉ុន(ខាងឆ្វេង) និងប្រធានាធិបតីវៀតណាមខាងស្តាំ
×![]()
ដោយ: ថ្មីៗ
លោកនាយករដ្ឋមន្ត្រីជប៉ុន ស៊ីនហ្សូ អាបេ (Shinzo Abe) នៅថ្ងៃទី១៦ មករា បានសន្យាផ្តល់នាវាល្បាតប្រាំមួយគ្រឿងដល់វៀតណាម ដែលការផ្តល់នេះ គឺជាផ្នែកមួយនៃកម្ចីពិសេសរបស់ជប៉ុនទៅកាន់វៀតណាម។ សេចក្តីប្រកាសនេះ ត្រូវបានធ្វើឡើងក្នុងពេលដែលលោកនាយករដ្ឋមន្ត្រីជប៉ុន បំពេញទស្សនកិច្ចទៅកាន់វៀតណាមរយៈពេលពីរថ្ងៃ។
លោកនាយករដ្ឋមន្ត្រី ស៊ីនហ្សូ អាបេ បានអះអាងថា ជប៉ុន ពិតជាគាំទ្រវៀតណាមដើម្បីពង្រឹងសមត្ថភាពក្នុងការអនុវត្តច្បាប់ដែនសមុទ្ររបស់ខ្លួន ហើយ លោក ក៏បានលើកឡើងពីជម្លោះសមុទ្រចិនខាងត្បូង ដែលវៀតណាម កំពុងតែមានវិវាទជាមួយចិន ដោយលោក ចង់ឃើញភាគីពាក់ព័ន្ធដោះស្រាយតាមរយៈការចរចា និងដោយយោងតាមច្បាប់អន្តរជាតិ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters។
អ្វីគួរកត់សម្គាល់ បន្ថែមពីឆន្ទៈគាំទ្រនោះ រដ្ឋាភិបាលជប៉ុន ក៏បានសន្យាផ្តល់នាវាល្បាតថ្មីដល់វៀតណាមប្រាំមួយគ្រឿងផងដែរ។ តាមប្រភពព័ត៌មានដដែលនោះ មន្ត្រីរដ្ឋាភិបាលជប៉ុន បានអះអាងយ៉ាងដូច្នេះថា៖«នាវាល្បាតទាំងប្រាំមួយនោះ មានតម្លៃប្រហែល ៣៣៨ លានដុល្លារ ហើយ វៀតណាម អាចទទួលបានកម្ចីពិសេសពីជប៉ុនដើម្បីចំណាយលើនាវានោះ»។ កន្លងមក ជប៉ុន ក៏ធ្លាប់ព្រមព្រៀងជាមួយនឹងវៀតណាម ក្នុងការផ្តល់នាវាល្បាតចំនួនប្រាំមួយគ្រឿងផងដែរ។
សូមជម្រាបផងដែរ វៀតណាម ក៏ស្ថិតនៅក្នុងចំណោមប្រទេសអាស៊ានទាំងបួនដែលមានជម្លោះអធិបតេយ្យសមុទ្រចិនខាងត្បូងជាមួយនឹងចិនផងដែរ។ កន្លងមក ក្រៅពីហ្វីលីពីន វៀតណាម គឺជាដៃគូប្រជែងជាមួយនឹងចិនដ៏មានសក្តានុពលនៅក្នុងតំបន់ជម្លោះនោះ។ ដោយសារជម្លោះមិនដាច់ស្រេចនេះ វៀតណាម និងចិន ក៏ធ្លាប់ប្រឈមជាគ្នាទាំងផ្នែកអាវុធ និងការទូតផងដែរ។
បើទោះបីជាជប៉ុន មិនមែនជាភាគីជម្លោះនៃសមុទ្រចិនខាងត្បូងក៏ដោយ ជប៉ុន បានប្រលូកខ្លួនចូលយ៉ាងជ្រៅនៅក្នុងជម្លោះនេះ តាមរយៈការបង្ហាញពីក្តីបារម្ភលើបញ្ហានៅជំនួប និងវេទិការអន្តរជាតិ និងក្នុងតំបន់។ ជាពិសេសនោះ ជប៉ុន ក៏បានមានកិច្ចសហប្រតិបត្តិការការពារជាមួយនឹងប្រទេសដែលមានជម្លោះជាមួយនឹងចិន ដែលមិនត្រឹមតែវៀតណាមប៉ុណ្ណោះនោះទេ តែ រាប់បញ្ចូលហ្វីលីពីនផងដែរ។
ថ្មីៗនេះ ស្ថាប័នវិភាគអាមេរិក «គំនិតផ្តួចផ្តើមតម្លាភាពដែនសមុទ្រអាស៊ី (AMTI) បានចេញផ្សាយរបាយការណ៍ថ្មីមួយពីការវិវត្តនៅសមុទ្រចិនខាងត្បូង ដោយបានអះអាងថា ចិន បានដំឡើងសព្វាវុធដែលជាប្រព័ន្ធការពារ ដែលជាប្រភេទកាំភ្លើងធំប្រឆាំងនឹងយន្តហោះនៅក្នុងមូលដ្ឋានមួយចំនួនក្នុងកោះស្ព្រាតលី។ ផ្អែកតាមរូបភាពដែលចាប់ដោយផ្កាយរណប AMTI បានពន្យល់ថា សំណង់ដែលជាប្រភេទការដ្ឋានយោធា បានសាងសង់រួចទៅហើយនៅតំបន់កោះ ដែលក្រុមអ្នកជំនាញចាត់ទុកថាជាការធ្វើយោធូបនីយកម្មនៅក្នុងសមុទ្រចិនខាងត្បូងនោះ៕
លោកនាយករដ្ឋមន្ត្រី ស៊ីនហ្សូ អាបេ បានអះអាងថា ជប៉ុន ពិតជាគាំទ្រវៀតណាមដើម្បីពង្រឹងសមត្ថភាពក្នុងការអនុវត្តច្បាប់ដែនសមុទ្ររបស់ខ្លួន ហើយ លោក ក៏បានលើកឡើងពីជម្លោះសមុទ្រចិនខាងត្បូង ដែលវៀតណាម កំពុងតែមានវិវាទជាមួយចិន ដោយលោក ចង់ឃើញភាគីពាក់ព័ន្ធដោះស្រាយតាមរយៈការចរចា និងដោយយោងតាមច្បាប់អន្តរជាតិ។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters។
អ្វីគួរកត់សម្គាល់ បន្ថែមពីឆន្ទៈគាំទ្រនោះ រដ្ឋាភិបាលជប៉ុន ក៏បានសន្យាផ្តល់នាវាល្បាតថ្មីដល់វៀតណាមប្រាំមួយគ្រឿងផងដែរ។ តាមប្រភពព័ត៌មានដដែលនោះ មន្ត្រីរដ្ឋាភិបាលជប៉ុន បានអះអាងយ៉ាងដូច្នេះថា៖«នាវាល្បាតទាំងប្រាំមួយនោះ មានតម្លៃប្រហែល ៣៣៨ លានដុល្លារ ហើយ វៀតណាម អាចទទួលបានកម្ចីពិសេសពីជប៉ុនដើម្បីចំណាយលើនាវានោះ»។ កន្លងមក ជប៉ុន ក៏ធ្លាប់ព្រមព្រៀងជាមួយនឹងវៀតណាម ក្នុងការផ្តល់នាវាល្បាតចំនួនប្រាំមួយគ្រឿងផងដែរ។
សូមជម្រាបផងដែរ វៀតណាម ក៏ស្ថិតនៅក្នុងចំណោមប្រទេសអាស៊ានទាំងបួនដែលមានជម្លោះអធិបតេយ្យសមុទ្រចិនខាងត្បូងជាមួយនឹងចិនផងដែរ។ កន្លងមក ក្រៅពីហ្វីលីពីន វៀតណាម គឺជាដៃគូប្រជែងជាមួយនឹងចិនដ៏មានសក្តានុពលនៅក្នុងតំបន់ជម្លោះនោះ។ ដោយសារជម្លោះមិនដាច់ស្រេចនេះ វៀតណាម និងចិន ក៏ធ្លាប់ប្រឈមជាគ្នាទាំងផ្នែកអាវុធ និងការទូតផងដែរ។
បើទោះបីជាជប៉ុន មិនមែនជាភាគីជម្លោះនៃសមុទ្រចិនខាងត្បូងក៏ដោយ ជប៉ុន បានប្រលូកខ្លួនចូលយ៉ាងជ្រៅនៅក្នុងជម្លោះនេះ តាមរយៈការបង្ហាញពីក្តីបារម្ភលើបញ្ហានៅជំនួប និងវេទិការអន្តរជាតិ និងក្នុងតំបន់។ ជាពិសេសនោះ ជប៉ុន ក៏បានមានកិច្ចសហប្រតិបត្តិការការពារជាមួយនឹងប្រទេសដែលមានជម្លោះជាមួយនឹងចិន ដែលមិនត្រឹមតែវៀតណាមប៉ុណ្ណោះនោះទេ តែ រាប់បញ្ចូលហ្វីលីពីនផងដែរ។
ថ្មីៗនេះ ស្ថាប័នវិភាគអាមេរិក «គំនិតផ្តួចផ្តើមតម្លាភាពដែនសមុទ្រអាស៊ី (AMTI) បានចេញផ្សាយរបាយការណ៍ថ្មីមួយពីការវិវត្តនៅសមុទ្រចិនខាងត្បូង ដោយបានអះអាងថា ចិន បានដំឡើងសព្វាវុធដែលជាប្រព័ន្ធការពារ ដែលជាប្រភេទកាំភ្លើងធំប្រឆាំងនឹងយន្តហោះនៅក្នុងមូលដ្ឋានមួយចំនួនក្នុងកោះស្ព្រាតលី។ ផ្អែកតាមរូបភាពដែលចាប់ដោយផ្កាយរណប AMTI បានពន្យល់ថា សំណង់ដែលជាប្រភេទការដ្ឋានយោធា បានសាងសង់រួចទៅហើយនៅតំបន់កោះ ដែលក្រុមអ្នកជំនាញចាត់ទុកថាជាការធ្វើយោធូបនីយកម្មនៅក្នុងសមុទ្រចិនខាងត្បូងនោះ៕
Tag:
ជប៉ុន
វៀតណាម
ចិន
សមុទ្រចិនខាងត្បូង
អាស៊ាន
© រក្សាសិទ្ធិដោយ thmeythmey.com
