លោកតា សន លាន ប្រាប់ពីការប្រើប្រាស់ឫស្សីពកក្នុងជីវភាពរស់នៅរបស់អ្នកស្រុកស្វាយលើ

ជាតិ

លោកតា សន លាន ប្រាប់ពីការប្រើប្រាស់ឫស្សីពកក្នុងជីវភាពរស់នៅរបស់អ្នកស្រុកស្វាយលើ

31, Jan 2021 , 10:28 am

រូបភាព

ដោយ: នាយយ៉ាន

សៀមរាប៖ ឫស្សីពក ជាឫស្សីមួយប្រភេទដែលមានប្រហោងសាច់ស្ដើងរឹងស្រួយ សម្បុរខាងក្រៅរលោង។ លោកតា សន លាន រស់នៅក្នុងភូមិថ្មី ឃុំខ្នងភ្នំ ស្រុកស្វាយលើ ខេត្តសៀមរាប បានប្រាប់នាយយ៉ាន នៃសារព័ត៌មានថ្មីៗថា ឫស្សីពកនេះ គេអាចប្រើប្រាស់បានច្រើនយ៉ាង។ ក្នុងនោះ ដើមអាចពុះធ្វើជាដងកណ្តបដេរស្លឹក ឬពុះដើមតូចៗប្រហែលកន្លះម៉ែត្រ ដើម្បីសង្កត់ស្រូវ និងធ្វើឧបករណ៍ភ្លេង និងឧបករណ៍នេសាទជាដើម។ រីឯស្លឹកអាចប្រើប្រាស់សម្រាប់វេចនំ ហើយទំពាំងឫស្សីពក អាចស្លបរិភោគយ៉ាងឆ្ងាញ់ពិសាផងដែរ។ ឫស្សីពក ក៏មានតម្លៃថ្លៃគួរផងដែរ គឺលោកតា លាន អាចលក់បានមួយដើម ៥ពាន់រៀល។