អត្ថបទពាណិជ្ជកម្ម
ហាង Ammo Design នឹងបង្ហាញគ្រឿងអលង្ការម៉ូដថ្មីៗគួរឱ្យចាប់អារម្មណ៍បំផុត សម្រាប់ពិធីតាំងពិព័រណ៍នាចុងសប្តាហ៍នេះ
×![]()
ដោយ: សារព័ត៌មានថ្មីៗ
Ammo Design គឺជាហាងលក់គ្រឿងអលង្ការ ដែលមានភាពច្នៃប្រឌិតខ្ពស់ ពោលគឺបានប្រើប្រាស់សម្បកគ្រាប់កាំភ្លើងកែច្នៃឡើងវិញ មករចនាធ្វើជាគ្រឿងអលង្ការដោយផ្ទាល់ដៃ ដើម្បីធ្វើនិមិត្តរូបតំណាងឱ្យការផ្លាស់ប្តូរមុខមាត់ថ្មីនៃប្រទេសកម្ពុជា និងដើម្បីបំផុសគំនិតនៃការបង្កើត «ភាពស្រស់ស្អាតលេចចេញពីការបំផ្លិចបំផ្លាញ» ។
គោលគំនិតនៃអាជីវកម្មនេះ គឺត្រូវបានបំផុសឡើងដោយលោក ម៉ាដលីន ហ្គ្រីន (Madeline Green) ដែលលោកបានចាកចេញពីចក្រភពអង់គ្លេស មកបើកដំណើរការហាង Ammo Design នៅខេត្តសៀមរាប ក្នុងឆ្នាំ២០១៣។ អាជីវកម្មនេះ បានដំណើរការតាមបែបសហគ្រាសជួយសង្គម ហើយរោងជាងរបស់ Ammo Design ក៏ជាកន្លែងដែលប្រមូលផ្តុំភាពច្នៃប្រឌិត ការអនុវត្តគោលការណ៍ពាណិជ្ជកម្មប្រកបដោយភាពត្រឹមត្រូវ និងជាសិប្បកម្មប្រកបដោយក្រមសីលធម៌ខ្ពស់ផងដែរ។
រោងជាង Ammo Design អាចដំណើរការទៅបាន ក៏អាស្រ័យដោយមានការគាំទ្រពីក្រុមការងារ ដែលមានបុគ្គលិកពេញម៉ោងចំនួន ៣នាក់ និងបុគ្គលិកក្រៅម៉ោងចំនួន ៣នាក់។
បុគ្គលិកខ្មែរទាំងអស់ សុទ្ធតែទទួលបានការបណ្តុះបណ្តាលជំនាញរយៈពេល ៦ខែ ដោយក្នុងនោះ រួមមាន ការដុតរំលាយលោហៈ ការបង្កើតគំរូ ការច្នៃម៉ូដតាមគំរូ ការផ្សារ និងការបង្កើតគ្រឿងអលង្ការសម្រេចផងដែរ។ បន្ទាប់ពីបញ្ចប់ការបណ្តុះបណ្តាលរួច បុគ្គលិកនឹងមានជំនាញអាចបង្កើតគ្រឿងអលង្ការបានដ៏ស្រស់ស្អាត ដែលក្នុងនោះមានដូចជាចិញ្ចៀន ខ្សែដៃ និងគ្រឿងបំពាក់លម្អកាយផ្សេងៗទៀតសម្រាប់ទាំងបុរស និងស្ត្រី។
បុគ្គលិកខ្មែរទាំងអស់ សុទ្ធតែទទួលបានការបណ្តុះបណ្តាលជំនាញរយៈពេល ៦ខែ ដោយក្នុងនោះ រួមមាន ការដុតរំលាយលោហៈ ការបង្កើតគំរូ ការច្នៃម៉ូដតាមគំរូ ការផ្សារ និងការបង្កើតគ្រឿងអលង្ការសម្រេចផងដែរ។ បន្ទាប់ពីបញ្ចប់ការបណ្តុះបណ្តាលរួច បុគ្គលិកនឹងមានជំនាញអាចបង្កើតគ្រឿងអលង្ការបានដ៏ស្រស់ស្អាត ដែលក្នុងនោះមានដូចជាចិញ្ចៀន ខ្សែដៃ និងគ្រឿងបំពាក់លម្អកាយផ្សេងៗទៀតសម្រាប់ទាំងបុរស និងស្ត្រី។
Ammo Design បានចូលរួមផ្តល់នូវឱកាសជូនដល់ពលរដ្ឋខ្មែរ ដែលមានវ័យក្មេង ជីវភាពខ្សត់ខ្សោយ ឬមានពិការភាព តាមរយៈកម្មវិធីបណ្តុះបណ្តាញជំនាញការងាររបស់ពួកគេ។ សិស្សដែលបានបញ្ចប់ការសិក្សារួច នឹងទទួលបានឱកាសការងារជាសិប្បករ ហើយទន្ទឹមនឹងនោះ ពួកគេក៏អាចរៀនច្នៃគ្រឿងអលង្ការដោយខ្លួនឯង ដើម្បីបង្កើតស្នាដៃផ្ទាល់ខ្លួនផងដែរ ។
សម្រាប់សិស្សបញ្ចប់ការសិក្សាដែលមានសមត្ថភាពពូកែ ពួកគាត់អាចជ្រើសរើសធ្វើជាសិប្បករឯករាជ្យបាន ដោយមានឧបករណ៍និងគ្រឿងបរិក្ខារផ្ទាល់ខ្លួន រួមទាំងអាចបើកដំណើរការនៅកន្លែងរបស់គាត់ផ្ទាល់ទៀតផង។ តាមរយៈការសហការជាមួយអង្គការក្រៅរដ្ឋាភិបាល និងសហគ្រាសបែបជួយសង្គមផ្សេងៗទៀត Ammo Design ក៏មានផ្តល់កម្មវិធីអប់រំ ថែទាំសុខភាព និងនិរន្តរភាពផងដែរ។
សម្រាប់សិស្សបញ្ចប់ការសិក្សាដែលមានសមត្ថភាពពូកែ ពួកគាត់អាចជ្រើសរើសធ្វើជាសិប្បករឯករាជ្យបាន ដោយមានឧបករណ៍និងគ្រឿងបរិក្ខារផ្ទាល់ខ្លួន រួមទាំងអាចបើកដំណើរការនៅកន្លែងរបស់គាត់ផ្ទាល់ទៀតផង។ តាមរយៈការសហការជាមួយអង្គការក្រៅរដ្ឋាភិបាល និងសហគ្រាសបែបជួយសង្គមផ្សេងៗទៀត Ammo Design ក៏មានផ្តល់កម្មវិធីអប់រំ ថែទាំសុខភាព និងនិរន្តរភាពផងដែរ។
សម្រាប់ពិធីតាំងពិព័រណ៍នាចុងសប្តាហ៍នេះ Ammo Design នឹងមានបង្ហាញជូនគ្រឿងអលង្ការម៉ូដថ្មីៗដ៏គួរឱ្យចាប់អារម្មណ៍បំផុត ដែលរចនាឡើងយ៉ាងផ្ចិតផ្ចង់ ដោយអ្នកស្រី Chantrea Thorn ដែលជាប្រធានផ្នែកគ្រប់គ្រងរបស់ក្រុមហ៊ុនផ្ទាល់តែម្តង។ មិនតែប៉ុណ្ណោះ អតិថិជនក៏អាចកក់រោងជាងដើម្បីច្នៃគ្រឿងអលង្ការផ្ទាល់ខ្លួន ឬក៏ស្នើសុំការច្នៃម៉ូដទៅតាមការពេញចិត្តរបស់ខ្លួនផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
