COVID-19
ជាតិ
ចុះឈ្មោះតាមអនឡាញ ដើម្បីទទួលការចាក់វ៉ាក់សាំងកូវីដ-១៩ ដោយស្ម័គ្រចិត្ត!
× ភ្នំពេញ៖ ពលរដ្ឋអាចចុះឈ្មោះតាមប្រព័ន្ធអនឡាន ដើម្បីទទួលបានការចាក់វ៉ាក់សាំងកូវីដ-១៩ ដោយស្ម័គ្រចិត្ត តាមប្រព័ន្ធកម្មវិធី KhmerVacc ។ នេះបើតាមការសេចក្ដីប្រកាសព័ត៌មានរបស់ក្រសួងសុខាភិបាលចុះថ្ងៃទី៣មីនា។
កម្មវិធីចុះឈ្មោះតាមប្រព័ន្ធអនឡាននេះ ពលរដ្ឋអាចចុះឈ្មោះបានដោយខ្លួនឯង ហើយបន្ទាប់មកក្រសួងដំណឹងអំពីពេលវេលា និងទីកន្លែងត្រូវចាក់វ៉ាក់សាំងបង្ការជំងឺកូវីដ-១៩វិញ តាមរយៈប្រព័ន្ធកម្មវិធី KhmerVacc។ ជុំវិញប្រព័ន្ធកម្មវិធីនេះ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានពន្យល់កាលពីថ្ងៃទី៣មីនាថា មានពីរជម្រើស គឺពលរដ្ឋអាចចុះឈ្មោះបានដោយខ្លួនឯង។ ជម្រើសមួយទៀត គឺជំនួយការក្នុងការចុះបញ្ជី ដោយមានភ្នាក់ងារអាជ្ញាធរនៅតាមសហគមន៍ជាអ្នកជួយ។
លោកស្រីថ្លែងយ៉ាងដូច្នេះថា៖ «ប្រព័ន្ធនេះ(KhmerVacc) មានពីរបែប គឺចុះដោយឈ្មោះដោយខ្លួនឯង សម្រាប់អ្នកចេះប្រើប្រាស់ប្រព័ន្ធ។ មួយទៀតសម្រាប់បងប្អូនអត់ចេះប្រើ គឺជំនួយការចុះបញ្ជី។ យើងនឹងធ្វើនៅតាមសហគមន៍របស់យើង បណ្ដុះបណ្ដាលដល់គណៈកម្មាធិការសុខភាពរបស់យើង អាចនឹងមានមេឃុំ តំណាងសហគមន៍របស់យើងដើម្បីឲ្យដំណើរការនេះទទួលបានជោគជ័យ»។
របាយការណ៍របស់ក្រសួងសុខាភិបាលគិតត្រឹមថ្ងៃទី៣មីនានេះ ពលរដ្ឋអាទិភាពដែលបានចាក់វ៉ាក់សាំងកូវីដ-១៩ ជាង៣,៣ម៉ឺននាក់ ក្នុងនោះស្ត្រីចំនួន ៩,២០៥នាក់។ ចំណែកកងទ័ព ជាង៧,៥ម៉ឺននាក់ មានស្ត្រី ចំនួន ៥,៨៧៣នាក់៕
© រក្សាសិទ្ធិដោយ thmeythmey.com