អគ្គស្នងការដ្ឋាននគរបាលជាតិ បានបញ្ជាក់ថា ក្រុមជំនាញបានសហការជាមួយស្នងការដ្ឋាននគរបាលខេត្តពោធិ៍សាត់ បានស្រាវជ្រាវឃើញថា ម្តាយបង្កើតពិតជាបានវាយកូនស្រីមែន កាលពីថ្ងៃទី២០មីនា ដែលស្ថិតនៅភូមិកណ្តុរស ឃុំបឹងកន្ទួត ស្រុកក្រគរ។ 
 

«កុមាររងគ្រោះអាយុ៧ឆ្នាំ បានយកលុយ២ពាន់រៀលទៅទិញខ្នុរក្រឡុងចែកបងប្អូនផឹក ម្ដាយសួរនាំហើយក៏វាយបោចសក់ ជាក់កទៅលើដី បណ្ដាលឲ្យជនរងគ្រោះរងរបួសគ្រាំខាងក្នុងខ្លួន»។ នេះជាការបញ្ជាក់របស់សមត្ថកិច្ច ដែលបានអះអាងថា បច្ចុប្បន្នសមត្ថកិច្ចកំពុងរៀបចំសំណុំរឿង ដើម្បីដោះស្រាយតាមច្បាប់៕