ភ្នំពេញ៖ ការចៀសវាងកំហុសអក្ខរាវិរុទ្ធ គឺជាអ្វីដែលស្មេរចង់បាន។ តែគ្មានអ្នកនិពន្ធណា ឬស្មេរណាម្នាក់អាចគេចផុតពីរឿងនេះបានឡើយ។ កំហុស គឺជារឿងចៀសមិនផុតរបស់មនុស្សជាតិ។ តែទោះជាយ៉ាងណាក៏ដោយ ក៏កំហុសអាចចៀសឆ្ងាយពីស្មេរបន្តិចដែរ ប្រសិនបើស្មេរ សរសេរដោយប្រយ័ត្នប្រយែងបំផុតនោះ។ ខាងក្រោមនេះ គឺជាពាក្យពេចន៍មួយចំនួនដែលអ្នកនិពន្ធមួយចំនួនឧស្សាហ៍សរសេរខុស។

 

ទន់(គុ)អ្វីដែលអាចបត់បែនបាន។ ក្រណាត់ទន់។ វាខុសគ្នាពីពាក្យ ទុន។ ទុន(ន) សំដៅទៅលើប្រាក់ដើម ឬដើមទុន។ 
 

ធន់(កិ)អត់ធ្មត់ ស៊ូ។ ធន់ជំងឺ។ រីឯ ពាក្យ ធុន(ន)អ្វីៗដែលមានសណ្តាន ឬប្រភេទតែមួយ។ រថយន្តនេះធុនតែមួយទេ។ 
 

គូរ(កិ)គូររូប។ រីឯ គូ គឺប្រើសំដៅទៅលើគូកម្ម មួយគូ។ល។ 
 

ជំងឺ(ន)មិនមែនសរសេរពាក្យ ជម្ងឺ នេះទេ។ 
 

សាច់រឿង ជាពាក្យត្រឹមត្រូវ ពោល គឺមិនមែនសរសេរ«សេចរឿង» ទេ។