សេចក្តីប្រកាសព័ត៌មាន ដែលចេញដោយអ្នកស្រីវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាល បានឲ្យដឹងថា ក្រសួងសុខាភិបាល សម្រេចផ្តល់ជូនវ៉ាក់សាំងកូវីសែល (Covishield) ចំនួន១ម៉ឺនដូស សម្រាប់មនុស្ស៥ពាន់នាក់ (ចាប់ពីអាយុ៦០ឆ្នាំឡើងទៅ) ដែលជាបុគ្គលិកស្ថានទូតចំនួន១៨ និងអង្គការអន្តរជាតិចំនួន៤៤។  
 

ក្រៅពីក្រុមមនុស្សវ័យ៦០ឆ្នាំឡើងទៅ បុគ្គលិកអង្គការអន្តជាតិចំនួន ១៦៧១នាក់ ដែលស្ថិតក្រោមឆ័ត្ររបស់អង្គការសហប្រជាជាតិ បានទទួលការចាក់វ៉ាក់សាំងនៅមន្ទីរពេទ្យកាល់ម៉ែត។
បន្ទាប់ពីនេះ ក្រសួងការបរទេសកម្ពុជា ក៏ត្រៀមរៀបចំការចាក់វ៉ាក់សាំងជូនបុគ្គលិកអង្គការអន្តរជាតិពហុភាគី និងទ្វេភាគីមួយចំនួន ៤៤៣នាក់ទៀត នៅថ្ងៃទី៣០ ខែមីនាផងដែរ។ 
 

សូមបញ្ជាក់ថា បុគ្គលិកចំនួន ៧៤១នាក់ នៅតាមស្ថានទូតទាំង១៨ បានចាក់វ៉ាក់សាំងរួចរាល់ហើយ នៅថ្ងៃទី២៦ ខែមីនា៕