COVID-19
ជាតិ
អ្នកល្មើសចត្តាឡីស័ក ប្រឈមកាត់ទោសនៅតុលាការ
× «កុំឲ្យគេថា ច្បាប់យើងបង្កើតឡើងដើម្បីគ្រាន់តែគំរាម គឺត្រូវកាត់ទោស»។ នេះជាការលើកឡើងរបស់សម្តេចនាយករដ្ឋមន្ត្រី ហ៊ុន សែន ដោយបានបញ្ជាទៅរដ្ឋមន្ត្រីក្រសួងយុត្តិធម៌ លោក កើត រិទ្ធ ឲ្យធ្វើការជាមួយតុលាការដើម្បីរៀបចំការកាត់ទោសអ្នកល្មើសវិធានចត្តាឡីស័ក។
ប្រមុខរដ្ឋាភិបាល បញ្ជាក់ថា សម្តេចមិនបានបញ្ជាទៅតុលាការនៅឡើយ ប៉ុន្តែជាការណែនាំទៅរដ្ឋមន្ត្រីក្រសួងយុត្តិធម៌ ដើម្បីអនុវត្តការកាត់ទោសភ្លាមៗអ្នកល្មើសចត្តាឡីស័កទៅតាមកម្រិតទោសរបស់ពួកគេ។
សម្តេច ហ៊ុន សែន បានបញ្ជាក់ថា ការកាត់ត្រូវធ្វើឡើងជាចាំបាច់ ដោយចាប់ពេលយប់ និងកាត់ទោសពេលព្រឹក ហើយក្រុមនគរបាល និងកងរាជអាវុធហត្ថ ត្រូវមានសម្លៀកបំពាក់ពិសេសដើម្បីសម្គាល់ថា ពួកគាត់ធ្វើការជាមួយក្រុមគោលដៅចត្តាឡីស័ក៕
© រក្សាសិទ្ធិដោយ thmeythmey.com