កីឡាជាតិ
ជាតិ
ស៊ីហ្គេម៖ U-23 កម្ពុជាចាញ់ម្ចាស់ផ្ទះមីយ៉ាន់ម៉ា ៣-០ នៅថ្ងៃបើកឆាក លោក Lee Tae Hoon និងលោកមាស ចាន់ ណា ជាជំនួយការ។ រូបថត NagaWorld/កឹម សុវណ្ណា
× ក្រុមកីឡាបាល់ទាត់ជម្រើសជាតិអាយុក្រោម២៣ឆ្នាំរបស់កម្ពុជា បានចាប់ផ្តើមយុទ្ធនាការប្រកួតកីឡាស៊ីហ្គេមនៅក្នុងប្រទេសមីយ៉ាន់ម៉ា ជាមួយនឹងការខកចិត្ត ដោយត្រូវក្រុមម្ចាស់ផ្ទះបំបាក់ក្នុងលទ្ធផល ៣-០ ក្នុងជំនួបពូល B លើទីលាន YTC Stadium ក្នុងទីក្រុងយ៉ាំងហ្គោន នារសៀលថ្ងៃសៅរ៍នេះ។
មីយ៉ាន់ម៉ារកបានចំនួនពីរគ្រាប់តាមរយៈការតែតបញ្ចូលទីទាំងពីរនៅក្នុងតង់ទីមួយ ដែលគ្រាប់ទីមួយ រកបានដោយខ្សែការពារ Zaw Min Tun និងមួយគ្រាប់ទៀតសម្រេចបានដោយខ្សែប្រយុទ្ធ Kyaw Ko Ko។ នៅដើមតង់ទីពីរ Kyaw Ko Ko បន្ថែមបានមួយគ្រាប់ទៀត។
សុខ ផេង និង ឈិន ឈឿន សុទ្ធតែមានឱកាសមាសរៀងៗនៅក្នុងតង់ទីមួយ ប៉ុន្តែឱកាសទាំងនោះ ត្រូវបានរារាំងដោយអ្នកចាំទីមីយ៉ាន់ម៉ា។ នៅក្នុងតង់ទីពីរ មីយ៉ាន់ម៉ានៅតែបង្កើនការវាយលុក ខណៈ ស៊ូ យ៉ាទី ធ្វើការរារាំងបានជាច្រើនលើក។
សម្រាប់ការប្រកួតគូទីមួយ U-23 ថៃ បានទទួលជ័យជម្នះ ៣-១ លើ U-23 ទីម័រខាងកើត។ ខ្សែការពារ Thitipan Puangchan រកបានគ្រាប់បាល់បញ្ចូលទីបើកឆាកនៅក្នុងនាទី ទី២ ហើយខ្សែបម្រើ Pokkhao Anan បន្ថែមមួយគ្រាប់ទៀតនៅក្នុងនាទី ទី៣៤។ ខ្សែការពារ Artit Daosawang បង្កើនការនាំមុខ ៣-០ សម្រាប់ថៃនៅដើមតង់ទីពីរ ខណៈ ខ្សែប្រយុទ្ធ Jose Carlos da Fonseca វាយបកបានមួយគ្រាប់វិញសម្រាប់ទីម័រនៅនាទី ទី៧២ ។
ក្រុមកីឡាករកម្ពុជា៖ ស៊ូ យ៉ាទី សុក សុវណ្ណ ទូច បញ្ចរ៉ុង (ស្រី ឧត្តម) ខែក ខេមរិន្ទ ប៊ិន ចន្ថាធារី រស់ សំអឿន សុះ ស៊ូហាណា ឈិន ឈឿន ឈុន សុធារ័ត្ន សុខ ផេង (ប្រាក់ មុន្នីឧត្តម) ភួង សុខសាណា (ចាន់ វឌ្ឍនាកា)៕ © រក្សាសិទ្ធិដោយ thmeythmey.com