COVID-19
ជាតិ
រដ្ឋបាលរាជធានីភ្នំពេញ បន្តបម្រាមគោចររហូតដល់ថ្ងៃទី២៨ ខែមេសា
× វិធានការរដ្ឋបាលជាបណ្តោះអាសន្នក្នុងរាជធានីភ្នំពេញ ដើម្បីទប់ស្កាត់កូវីដ-១៩ ត្រូវបន្តអនុវត្ត២សប្តាហ៍បន្ថែមទៀត ពោលគឺពីថ្ងៃទី១៥ រហូតដល់ថ្ងៃទី២៨ ខែមេសា។ នេះបើតាមសេចក្តីសម្រេចរបស់អភិបាលរាជធានីភ្នំពេញ នាថ្ងៃទី១៣ ខែមេសា ចាប់ពីម៉ោង៨យប់ ដល់ម៉ោង៥ភ្លឺ។ វិធានការដំបូងនឹងឈានដល់រាត្រីទី១៣ នាថ្ងៃទី១៣ ខែមេសា នេះ។
សេចក្តីសម្រេចនេះ គឺមានវិសាលភាពដូចសេចក្តីសម្រេចលើកដំបូងផងដែរដោយ សកម្មភាពអាជីវកម្មចំពោះតូបអាហារ អាហារដ្ឋាន ភោជនីយដ្ឋាន ហាងកាហ្វេ ហាងភេសជ្ជៈ និងភោជនីដ្ឋាននៅតាមសណ្ឋាគារ ត្រូវផ្អាកជាបណ្តោះអាសន្ន ប៉ុន្តែទីតាំងទាំងនោះ អាចលក់ជាលក្ខណៈវេចខ្ចប់បាន។
ប្រការ៣ ត្រូវបានផ្អាកការប្រមូលផ្តុំ ឬការជួបជុំគ្នាទទួលទានអាហារ លើកលែងតែចំពោះករណីជួបជុំក្នុងចំណោមគ្រួសារ ការរៀបចំពិធីបុណ្យសព ការជួបជុំរបស់បុគ្គលិកសុខាភិបាលដើម្បីយកសំណាក ការជួបជុំរបស់អាជ្ញាធរមានសមត្ថកិច្ច និងការជួបជុំចាំបាច់សម្រាប់បម្រើប្រយោជន៍សាធារណៈ ឬក្នុងគោលបំណងផ្សេងៗ ក្រោមការកំណត់របស់អាជ្ញាធរមានសមត្ថកិច្ច។
ប្រការ៤ លើកឡើងពីការផ្អាកបណ្តោះអាសន្ននូវការធ្វើចរាចរណ៍ក្នុងភូមិសាស្ត្ររាជធានីភ្នំពេញ នៅចន្លោះម៉ោង៨យប់ដល់ម៉ោង៥ភ្លឺ ដោយលើកលែងចំពោះករណី ការធ្វើដំណើរដោយមូលហេតុសុខភាពបន្ទាន់ ភាពចាំបាច់ក្នុងគ្រួសារ ដែលមានការបញ្ជាក់ពីអាជ្ញាធរ ការបំពេញបេសកកម្មជូនស្ថាប័ន-អង្គភាព ការធ្វើចរាចរណ៍រថយន្តកុងតឺនឺ រថយន្តដឹកទំនិញ រថយន្តបាញ់បេតុង រថយន្តសម្រាប់បម្រើឲ្យការដឹកជញ្ជូនទំនិញ ការផ្គត់ផ្គង់ការដ្ឋានសំណង់ រថយន្តដឹកសំរាម និងសំណល់វេជ្ជសាស្ត្រ ការដឹកជញ្ជូនម្ហូបអាហារ ការធ្វើដំណើររបស់បុគ្គលិក និងកម្មករ-កម្មការិនី និងការធ្វើដំណើរចាំបាច់ផ្សេងៗទៀត៕
© រក្សាសិទ្ធិដោយ thmeythmey.com