ស្នងការដ្ឋាននគរបាលរាជធានីភ្នំពេញ បានបញ្ជាក់ថា បុរសរូបនោះ មានមុខរបរជាយោធា នៅសកលវិទ្យាល័យការពារជាតិ ដោយមានទីលំនៅ ក្នុងខណ្ឌទួលគោក រាជធានីភ្នំពេញ។

 

បើតាមស្នងការនគរបាលរាជធានីភ្នំពេញ បុរសរូបនោះ បានបើកម៉ូតូបុករនាំងបិទខ្ទប់នៅខណ្ឌជ្រោយចង្វារ និងបានមើលងាយ ជេរប្រមាថ រួមទំាងវាយទៅលើសមត្ថកិច្ចឲ្យរងរបួសទៀតផង នៅព្រឹកថ្ងៃទី២០ ខែមេសា ។ 

 

បច្ចុប្បន្នបុរសរូបនោះ ត្រូវបានអាជ្ញាធរឃាត់ខ្លួន និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីដោះស្រាយតាមផ្លូវច្បាប់ហើយ។ 

 

កន្លងមកក៏មានបុរសម្នាក់ទៀត ដែលត្រូវបានអាជ្ញាធរឃាត់ខ្លួន ដោយសារតែបុរសរូបនោះ បានកាត់ខ្សែ សម្រាប់បិទខ្ទប់ពលរដ្ឋមិនឲ្យធ្វើដំណើរ៕