រដ្ឋបាលខេត្តកំពង់ចាម បានបញ្ជាក់ថា កម្មកររោងចក្រនោះ មានឈ្មោះ ស៊ុយ វ៉ាន់ណៃ ភេទប្រុស អាយុ២៥ឆ្នាំ បានមកដល់ស្រុកកំណើត នៅភូមិថ្នល់បំបែកខាងកើត ឃុំស្វាយទាប ស្រុកចម្ការលើ នាថ្ងៃទី១១មេសា ឆ្នាំ២០២១។ 

 

រីឯ កម្មការិនីមកពីរោងចក្រGDM ដែលបានឆ្លងកូវីដ-១៩ដែរនោះ មានឈ្មោះ ឃាង សុខណា អាយុ២៧ឆ្នាំ បានធ្វើដំណើរពីភ្នំពេញ មកដល់ស្រុកកំណើត នៅថ្ងៃទី១២មេសា។ ដោយឡែកអ្នកជំងឺកូវីដ-១៩ ចំនួន២នាក់ទៀត ដែលជាម្តាយនិងកូនស្រី មានឈ្មោះហួរ ណាវ អាយុ២៦ឆ្នាំ និងកូន ឈ្មោះ សៅ គឹមហ័រ អាយុ៧ឆ្នាំ។ អ្នកជំងឺកូវីដ-១៩ ដែលមានអាសយដ្ឋានភូមិទ្រា ឃុំស្វាយពោធិ៍ ស្រុកស្រីសន្ធរ បានបញ្ចូនទៅសម្រាកព្យាបាលនៅមន្ទីរពេទ្យបង្អែកខេត្តកំពង់ចាម ភ្លាមៗក្រោយរកឃើញវិជ្ជមានកូវីដ-១៩។ 

 

អាជ្ញាធរបានឃើញអ្នកប៉ះពាល់ដោយផ្ទាល់ជាមួយអ្នកជំងឺកូវីដ-១៩ទាំង៤នាក់ ប្រមាណ២០នាក់  ។អាជ្ញាធរ ក៏កំពុងបន្តស្រាវជ្រាវរកព័ន្ធពាន់ដោយផ្ទាល់ និងដោយប្រយោលផ្សេងទៀត ដើម្បីធ្វើចត្តាឡីស័ក និងធ្វើតេស្តរកកូវីដ-១៩។

 

គិតត្រឹមថ្ងៃទី១៩មេសា ឆ្នាំ២០២១ មន្ទីរពេទ្យបង្អែកខេត្តកំពង់ចាម មានអ្នកជំងឺកូវីដ-១៩ សរុប៩នាក់(ស្រី៦នាក់) កំពុងសម្រាកព្យាបាល។ មកដល់ពេលនេះកម្ពុជា មានឆ្លងកូវីដ-១៩ រហូតដល់ ៧,០១៣នាក់ ដោយនៅក្នុងនោះ មាន៦,៤៧០នាក់ ជាអ្នកឆ្លងពីព្រឹត្តិការណ៍២០កុម្ភៈ។  កម្ពុជា មានអ្នកជាសះស្បើយពីកូវីដ-១៩ ចំនួន២,៥២៤នាក់ ខណៈមាន៤៩នាក់ បានបាត់បង់ជីវិត ដោយសារជំងឺនេះ៕