ដោយ៖ ស៊ុល រ៉វី

សេចក្តីសម្រេចរបស់រដ្ឋបាលខេត្តព្រះសីហនុ បានបន្តថា ក្រុមគ្រូពេទ្យនឹងចុះយកសំណាកអាជីវករទាំងអស់នៅថ្ងៃទី ២០មេសា នៅបរិវេណផ្សារចិន។ ករណីអាជីវករមិនបានផ្តល់សំណាកនៅថ្ងៃទី២០មេសានេះ ត្រូវទៅផ្តល់សំណាក នៅវេទិកា ៧មករា រៀងរាល់ម៉ោងធ្វើការ រៀងរាល់ថ្ងៃ។
 

គួរកត់សម្គាល់ថា នេះជាផ្សារទី២ហើយនៅខេត្តព្រះសីហនុ ដែលត្រូវផ្អាកអាជីវកម្ម ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ កាលពីចុងសប្តាហកន្លងទៅអាជ្ញាធរ បានបិទផ្សារលើ បណ្តោះអាសន្នដែរ ក្រោយរកឃើញថាអាជីវករមួយចំនួន មានវិជ្ជមានកូវីដ-១៩។ ហើយប៉ុន្មានថ្ងៃកន្លងមក អាជីវករនៅផ្សារលើ និងក្រុមគ្រួសារ ជាច្រើនរយនាក់ ត្រូវបានរកើឃើញថា មានវិជ្ជមានកូវីដ-១៩ផងដែរ។
 

មិនមែនមានផ្សារនៅក្នុងខេត្តព្រះសីហនុនោះឡើយដែលត្រូវបានបិទទ្វារដោយសារតែជំងឺកូវីដ-១៩។ កន្លងមកផ្សារធំៗមួយចំនួនក្នុងរាជធានីភ្នំពេញ ក៏ត្រូវបានអាជ្ញាធរបិទផងដែរ រួមមានផ្សារចាស់ ផ្សារកណ្តាល ផ្សារអូរឫស្សី ផ្សារនាគមាស ផ្សារដើមគ ផ្សារបឹងត្របែក ផ្សារធំទួលសង្កែ ផ្សារដេប៉ូ និងផ្សារមួយចំនួនទៀតក្នុងរាជធានី-ខេត្ត រួមទាំងបិទខ្ទប់ (Lockdown) រាជធានីភ្នំពេញ និងក្រុងតាខ្មៅ ដើម្បីបង្ការជំងឺកូវីដ-១៩ផងដែរ។ នៅខេត្តសៀមរាប អាជ្ញាធរក៏បានបិទខ្ទប់សង្កាត់ចំនួន៣ ខណៈបាត់បងបានបិទផ្នែកខ្លះ នៃផ្សារចំនួន១០ នៅក្នុងខេត្ត ដើម្បីទប់ស្កាត់ការឆ្លងរាលដាលនៃជំងឺកូវីដ- ១៩ ៕